India Corona: అదుపులో కరోనా.. రెండు వేల దిగువకు కొత్త కేసులు

192.5 కోట్ల మేర టీకా డోసుల పంపిణీ 

దిల్లీ: స్వల్పహెచ్చుతగ్గులతో దేశంలో కరోనావైరస్ వ్యాప్తి అదుపులోనే ఉంది. సోమవారం 4 లక్షల మంది వైరస్ నిర్ధారణ పరీక్షలు చేయించుకోగా.. 1,675 మందికి పాజిటివ్‌గా తేలింది. ముందురోజు కంటే 400 మేర కేసులు తగ్గాయి. ఇప్పటివరకూ 4.31 కోట్ల మందికి పైగా కరోనా బారినపడగా.. 4.26 కోట్ల మందికిపైగా కోలుకున్నారు. నిన్న ఒక్కరోజే 1,635 మంది వైరస్‌ నుంచి బయటపడ్డారు. క్రియాశీల కేసులు 14,841కి చేరాయి. రికవరీ రేటు 98.75 శాతంగా ఉండగా.. క్రియాశీల కేసుల రేటు 0.03 శాతంగా కొనసాగుతోంది. 24 గంటల వ్యవధిలో 31 మంది ప్రాణాలు కోల్పోగా.. మొత్తంగా 5,24,490 మంది మహమ్మారికి బలయ్యారు. గత ఏడాది ప్రారంభం నుంచి 192.5 కోట్లకు పైగా టీకా డోసులు పంపిణీ కాగా.. అందులో 13.76 లక్షల మంది నిన్న టీకా వేయించుకున్నారని కేంద్రం వెల్లడించింది.