సినిమాలు వదిలేద్దామనుకున్నా: అభిషేక్ బచ్చన్
ఈ మధ్యే విడుదలైన ‘బిగ్ బుల్’ సినిమాలో అభిషేక్ బచ్చన్ నటన బాగుందంటూ విమర్శకులతో
ముంబయి: ఈ మధ్యే విడుదలైన ‘బిగ్ బుల్’ సినిమాలో అభిషేక్ బచ్చన్ నటన బాగుందంటూ విమర్శకులతో సహా అంతా మెచ్చుకుంటున్నారు. ఇదే సమయంలో.. ‘ఒకప్పుడు నేను సినిమాల్లోంచే వైదొలగాలి అనుకున్నా’ అనే సంచలన సంగతి బయట పెట్టాడు ఛోటా బచ్చన్. నాన్న అండ లేకపోతే ఈపాటికే సినిమాలకు గుడ్బై చెప్పేవాడినని అన్నాడు. ఈ విషయాలన్నీ ఓ ఇంటర్వ్యూలో చెప్పాడు.
‘గురు’, ‘రావణ్’, ‘ఢిల్లీ-6’ తదితర నిమాలతో మంచి నటుడని నిరూపించుకున్నాడు అభిషేక్. అయితే గతంలో అతడి సినిమాలు వరుసగా ఫెయిల్ కావడంతో విమర్శలు వెల్లువెత్తాయి. నటించడం రాదని చాలామంది విమర్శించారు. తండ్రికి తగ్గ తనయుడు కాదంటూ సామాజిక మాధ్యమాల్లో కొందరు ట్రోల్ చేశారు. అప్పుడు సినిమాల్లోంచే తప్పుకోవాలని భావించాడట జూనియర్ బచ్చన్. ‘ఒక మనిషి వ్యక్తిగతంగా ఫెయిలైతే ఎవరూ పట్టించుకోరు. జనం ఎక్కువగా ఆసక్తి చూపించే సినిమాల్లాంటి ప్లాట్ఫాంపై వైఫల్యం చెందినప్పుడు అంతా విమర్శిస్తారు. ట్రోల్ చేయడానికి సోషల్ మీడియా ఉండనే ఉంది. కొందరైతే నాకు అసలు నటనే రాదని ఆడిపోసుకున్నారు. ఇలాంటి వ్యాఖ్యలు నన్ను తీవ్రంగా బాధించాయి. ఒకానొక సమయంలో పరిశ్రమకు రావడమే నేను చేసిన తప్పేమో అనిపించింది. ఎంత ప్రయత్నించినా సక్సెస్ కాలేకపోతున్నానని నిరాశ ఆవహించింది. నాన్న దగ్గరకు వెళ్లి నేను ఈ పరిశ్రమకు సరిపోను అని చెప్పా’ అంటూ ఆ ఇంటర్వ్యూలో తన మనసులోని బాధేంటో చెప్పాడు.
అదే సమయంలో అమితాబ్ ఇచ్చిన ధైర్య వచనాలు మళ్లీ నటన పట్ల ప్రేమను పెంచాయట. ‘ఇండస్ట్రీని వదిలిపోయే పిరికివాడిలా ఉండేలా నేను నిన్ను పెంచలేదు. ప్రతి ఉదయం నువ్వు కొత్త పోరాటం మొదలుపెట్టాలి. నువ్వేంటో నిరూపించుకోవడానికి ప్రయత్నించాలి. దానికి తగ్గట్టే ప్రతి సినిమాకు నువ్వు మెరుగవుతున్నావు. నటనలో రాటుదేలిపోతున్నావు. అలాంటప్పుడు ఈ నిర్ణయం ఎందుకు’ అని వెన్ను తట్టారట. ‘సినిమా జయాపజయాల గురించి పట్టించుకోవద్దు. కేవలం నీ పనిపై ధ్యాస పెట్టు. బాగా నటించేలా కృషి చెయ్’ అని చెప్పారని అభిషేక్ అన్నాడు. ఈ మాటలే అతడిలో అంతులేని విశ్వాసం నింపాయట.
బిగ్బుల్ గురించి బిగ్ బీ
బిగ్బుల్లో అభిషేక్ చూపించిన నటనకు తండ్రిగా గర్వపడుతున్నానని చెప్పారు బిగ్ బీ. బిగ్ బుల్ సినిమా తొంభైల్లో పాపులర్ అయిన స్టాక్ బ్రోకర్ హర్షద్ మెహతా జీవిత కథ ఆధారంగా తెరకెక్కిన సంగతి తెలిసిందే. ట్విటర్ మాధ్యమం ద్వారా అభిషేక్ నటనపై ప్రశంసలు కురిపించారు అమితాబ్ బచ్చన్. ‘కొడుకు ఎదుగుదల చూడటం ప్రతి తండ్రికి గర్వంగానే ఉంటుంది. నేనూ బిగ్ బుల్లో అభిషేక్ నటన చూశాక అలాగే గర్వ పడుతున్నా. ఆ ఎగ్జైట్మెంట్ నుంచి ఇప్పటికీ తేరుకోలేకపోతున్నా. ఈ సినిమాని ఇప్పటికే మూడుసార్లు చూశా. రాత్రి మరోసారి చూడబోతున్నా’ అంటూ ట్వీట్ చేశారు అమితాబ్ బచ్చన్.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
కీలక మ్యాచ్లో పోరాడి ఓడిన లఖ్నవూ.. ప్లేఆఫ్స్ అవకాశాలు సంక్లిష్టం
-
రైలు కింద పడి యువతి ఆత్మహత్య
-
రాచరిక చట్టాలపై అసమ్మతి గళం.. నెలల తరబడి నిరాహార దీక్షతో హక్కుల కార్యకర్త మృతి!
-
కియారాకు అరుదైన అవకాశం.. ప్రతిష్ఠాత్మక ఈవెంట్కు ఆహ్వానం
-
34 ఏళ్లకే నానమ్మ.. ఆ ఇన్ఫ్లుయెన్సర్ ఏం చెప్పారంటే!
-
‘2గంటల జర్నీ 20 నిమిషాల్లోనే..’ సాధ్యమవుతుందని ఎప్పుడైనా అనుకున్నామా?: రష్మిక