ustad: సిద్ధు ఉస్తాద్‌ ఆట..

అభిమానుల కోసం సినీతారలు ఆడే ఆట..‘ఉస్తాద్‌’. ర్యాంప్‌ ఆడిద్దాం అంటూ తెలుగు కథానాయకుడు మంచు మనోజ్‌ ఆ రియాలిటీ షోకు వ్యాఖ్యాతగా వ్యవహరిస్తున్న సంగతి తెలిసిందే. ఇటీవల ‘హాయ్‌ నాన్న’తో హిట్‌ కొట్టిన హీరో నానితో తొలి ఎపిసోడ్‌ విజయవంతంగా పూర్తైంది. ప్రేక్షకుల నుంచి మంచి స్పందనను సొంతం చేసుకున్న ఈ సెలబ్రిటీ షో ఇప్పుడు ‘డీజే టిల్లు’కు ఆహ్వానం పలికింది. ‘డీజే టిల్లు’గా అభిమానుల్లో మంచి క్రేజ్‌ను సొంతం చేసుకున్న సిద్ధు జొన్నలగడ్డ రెండో ఎపిసోడ్‌కి రానున్నారు. గురువారం సాయంత్రం ప్రముఖ ఓటీటీ వేదిక ఈటీవీ విన్‌లో ఆ ఎపిసోడ్‌ ప్రసారం కానుంది. అభిమాని కోసం సిద్ధు ఆడే ఉస్తాద్‌ ఆట ఎలా ఉంటుందో చూడాలి మరి!.