Naga chaitanya: మరోసారి ఈ జోడీ?

నాగచైతన్య -  పూజా హెగ్డే జోడీ మరోసారి తెరపై సందడి చేసే అవకాశాలున్నాయి. ప్రస్తుతం ‘తండేల్‌’ సినిమా చేస్తున్న చైతూ... తదుపరి కార్తీక్‌ దండు దర్శకత్వంలో ఓ సినిమా చేయనున్నారు. అందులో కథానాయికగా పూజాహెగ్డేని ఎంచుకునేందుకు చిత్రబృందం  ప్రయత్నాలు చేస్తున్నట్టు సమాచారం. ‘విరూపాక్ష’తో ఘన విజయాన్ని సొంతం చేసుకున్న కార్తీక్‌ దండు... చైతన్య కోసం  మరో విభిన్నమైన థ్రిల్లర్‌ కథని సిద్ధం చేశారు. ఈ యేడాది సెప్టెంబర్‌లో ఆ సినిమా సెట్స్‌పైకి వెళ్లనుంది. ప్రస్తుతం పూర్వ నిర్మాణ పనులు శరవేగంగా సాగుతున్నాయి. అందులో భాగంగానే కథానాయిక ఎంపికపై దృష్టి పెట్టింది చిత్రబృందం. ఇదివరకు  ‘ఒక లైలాకోసం’ సినిమాలో కలిసి నటించారు చైతూ, పూజా. అన్నీ కుదిరితే మరోసారి ఈ జోడీ తెరపై సందడి చేయడం ఖాయం.