Etv win: ఈటీవీ విన్‌లో సోమవారం కథ

‘హవ్‌ ఈజ్‌ దట్‌ ఫర్‌ ఎ మండే’...శ్రీపాల్‌ సామ దర్శకత్వం వహించిన థ్రిల్లర్‌ సినిమా. కౌశిక్‌ ఘంటసాల, సబ్రినా, మేఘన్‌ ప్రధాన పాత్రలో తెలుగు-ఇంగ్లిష్‌ సినిమాగా ప్రేక్షకుల ముందుకు వచ్చిన ఈ చిత్రాన్ని రాధిక శ్రీనివాస్‌ నిర్మించారు. సోమవారం జరిగే కొన్ని సంఘటనల ఆధారంగా తెరకెక్కించారు. సాఫ్ట్‌వేర్‌ ఉద్యోగి, ఒక బిలియనీర్‌, కొంతమంది దొంగల ముఠా జీవితంలో జరిగే మార్పులను అద్భుతమైన కథనంతో సినిమా రూపొందింది. ఎన్నో ఆసక్తికరమైన సన్నివేశాలతో ఇటీవల విడుదలైన ఈ సినిమా ఐఎమ్‌డీబీలో మంచి రేటింగ్స్‌ సాధించింది. తాజాగా ఈ సినిమా ప్రముఖ ఓటీటీ వేదిక ఈటీవీ విన్‌లో గురువారం నుంచి ప్రసారం అవుతుందని చిత్రబృందం తెలిపింది. థ్రిల్లర్‌ జానర్‌ని ఇష్టపడే అభిమానులకు ఈ చిత్రం తప్పక నచ్చుతుందని అన్నాయి సినీ వర్గాలు.