Kalyan Ram: డెవిల్లో అదే ప్రత్యేకం
జయాపజయాలతో సంబంధం లేకుండా వైవిధ్యభరితమైన కథలతో ప్రయాణం చేస్తూ వస్తున్నారు కథానాయకుడు కల్యాణ్ రామ్. ఈ ఏడాది ఆరంభంలో ‘అమిగోస్’తో ప్రేక్షకుల ముందుకొచ్చిన ఆయన.. ఇప్పుడు ‘డెవిల్’గా సందడి చేసేందుకు సిద్ధమయ్యారు.
జయాపజయాలతో సంబంధం లేకుండా వైవిధ్యభరితమైన కథలతో ప్రయాణం చేస్తూ వస్తున్నారు కథానాయకుడు కల్యాణ్ రామ్. ఈ ఏడాది ఆరంభంలో ‘అమిగోస్’తో ప్రేక్షకుల ముందుకొచ్చిన ఆయన.. ఇప్పుడు ‘డెవిల్’గా సందడి చేసేందుకు సిద్ధమయ్యారు. అభిషేక్ నామా స్వీయ దర్శకత్వంలో నిర్మించిన చిత్రమిది. ఈ నెల 29న థియేటర్లలోకి వస్తోంది. ఈ నేపథ్యంలోనే హైదరాబాద్లో మంగళవారం విలేకర్లతో చిత్ర విశేషాలు పంచుకున్నారు కల్యాణ్రామ్.
డెవిల్’తో మీ ప్రయాణం ఎలా మొదలైంది?
‘‘ఈ కథను 2021లో రచయిత శ్రీకాంత్ విస్సా నాకు తొలిసారి వినిపించాడు. 1942 నేపథ్యంతో తను ఈ కథను అల్లుకున్న విధానం.. షెర్లాక్ హోమ్స్ సినిమాల తరహాలో మర్డర్ మిస్టరీ నేపథ్యంలో సాగే ఇన్వెస్టిగేషన్, అలాగే నా పాత్రను తీర్చిదిద్దిన తీరు.. అన్నీ నాకు చాలా నచ్చాయి. నేను ఈ కథ వినే సమయానికి ‘బింబిసార’ చిత్రీకరణ సగ భాగానికి పైగానే పూర్తయ్యింది. అదెంత కమర్షియల్ హిట్ కానుందనే విషయం అప్పటికే అర్థమైంది. అందుకే ముందు జాగ్రత్తగా ఈ ‘డెవిల్’ కథలో ఇంకొన్ని వాణిజ్యాంశాలు జోడించమని నాకు అనిపించిన మార్పులు చెప్పాను. ఆ తర్వాత తను ఏడాది పాటు కష్టపడి అన్ని మార్పులు చేసి.. పూర్తి స్క్రిప్ట్ సిద్ధం చేశాడు. దాని తర్వాత పూర్వ నిర్మాణ పనులకు మరో ఏడాది పట్టింది. అలా ఈ చిత్రం పట్టాలెక్కింది’’.
‘అమిగోస్’ ఆశించిన ఫలితాన్ని ఇవ్వలేదు కదా. ఈ చిత్ర విషయంలో ఎలాంటి జాగ్రత్తలు తీసుకున్నారు?
‘‘నేను ప్రతిసారీ ప్రేక్షకులకు కొత్తగా ఏదైనా చూపించాలనే ప్రయత్నిస్తాను. కానీ, కొన్నిసార్లు దాంట్లో కమర్షియల్ ఎలిమెంట్స్ మిస్సవుతుంటాయి. దాని వల్ల మన ప్రయత్నం ప్రేక్షకుల్ని మెప్పించలేకపోవచ్చు. దానికి ‘అమిగోస్’ ఉదాహరణ’’.
మీరు నటుడిగానే కాక నిర్మాతగానూ వ్యవహరిస్తున్నారు. ఓ కథను ఎంచుకునే విషయంలో ఏ కోణం నుంచి ఎక్కువగా ఆలోచిస్తారు?
‘‘ఓం’ చిత్రం తర్వాత నాకు ఒక విషయం బాగా అర్థమైంది. నటుడిగా.. నిర్మాతగా ఒకేసారి రెండు పడవల మీద ప్రయాణం చేయకూడదని తెలుసుకున్నా. ఎందుకంటే నటనలో ఎంత కష్టపడాలో నిర్మాతగా అంతకు మించి కష్టపడాలి. కాబట్టి హీరోగా చేసేటప్పుడు నటుడిగానే ఆలోచిస్తా. మా బ్యానర్లో చేసే సినిమాల విషయానికొస్తే కథలు వింటాను కానీ, మిగిలిన నిర్మాణ వ్యవహారాలన్నీ మా హరికృష్ణ చూసుకుంటారు’’.
ఈ చిత్ర కథ ఎలా ఉండనుంది? దీంట్లో దేశభక్తి అంశాలు ఏ మేరకు ఉంటాయి?
‘‘ఈ కథ ఎలా ఉంటుందన్నది ట్రైలర్తోనే స్పష్టత ఇచ్చేశాం. ఓ మర్డర్ మిస్టరీ అంశంతో సినిమా మొదలవుతుంది. దానికి.. సీక్రెట్ సర్వీస్కు ఉన్న లింకేంటన్నది ఆసక్తికరం. దీంట్లో దేశభక్తి అంశాలు ఏ మేరకు ఉంటాయన్నది సినిమా చూసే తెలుసుకోవాలి. అన్ని రకాల వాణిజ్య హంగులతో నిండిన ఇన్వెస్టిగేటివ్ థ్రిల్లర్ ఇది. ఆ మేళవింపే నాకు కొత్తగా.. ప్రత్యేకంగా అనిపించింది. ఇది పూర్తిగా కల్పిత కథతో రూపొందింది. కాకపోతే సినిమా చూసే ప్రేక్షకులకు ఇదెక్కడైనా జరిగిందేమో అన్న అనుభూతిని కలిగిస్తుంది. సాంకేతికంగా చాలా ఉన్నతంగా ఉంటుందీ చిత్రం. ఆర్ట్ వర్క్ అందర్నీ 1940ల కాలానికి తీసుకెళ్లిపోతుంది’’.
ఈ చిత్రంలో మీ పాత్ర ఎలా ఉంటుంది?
‘‘ఈ సినిమాలో నేను బ్రిటిష్ సీక్రెట్ ఏజెంట్గా కనిపిస్తా. ఈ పాత్ర కోసం ప్రత్యేకంగా నేనెలాంటి కసరత్తులు చేయలేదు. కథ.. దాంట్లోని నా పాత్ర కొత్తగా ఉన్నాయంటే చాలు దానికి తగ్గట్లుగా నా నటన, నడత, హావభావాలు, డైలాగ్ డెలివరీ అన్నీ మారిపోతాయి. దాని కోసం ప్రత్యేకంగా సన్నద్ధమవ్వాల్సిన పనిలేదు. ‘బింబిసార’, ‘డెవిల్’ విషయాల్లో ఇదే జరిగింది. దీంట్లో నా పాత్రలో ప్రతినాయక ఛాయలేమీ ఉండవు. సినిమా చాలా డీటైలింగ్తో ఉంటుంది. తెరపై కనిపించే ప్రతి వస్తువు కథతో లింకై ఉంటుంది’’.
‘దేవర’ ఎంత వరకు పూర్తయింది.. గ్లింప్స్ సంక్రాంతికి వచ్చే అవకాశముందా?
‘‘దేవర’ ఇప్పటి వరకు 80శాతం చిత్రీకరణ పూర్తయ్యింది. గ్లింప్స్ ఎప్పుడన్నది దాన్ని మేము చూసుకొని.. మాకు సంతృప్తిగా అనిపించాక చెప్తాం. ఎందుకంటే మేము చేసే సినిమాలు గొప్పగా ఉండాలని అనుకుంటాం. అందుకనే అవుట్పుట్ విషయంలో జాగ్రత్తలు తీసుకుంటాం. నేను, తారక్ ‘దేవర’ విషయంలో క్లియర్గా ఉన్నాం. మా ఇద్దరికీ క్లారిటీ వచ్చిన కూడా క్లియర్గా లేకపోతే ఏ న్యూస్పై స్పందించకూడదని నిర్ణయించుకున్నాం’’.
‘డెవిల్’కు సీక్వెల్ ఉంటుందా?
‘‘సీక్వెల్ చేయాలన్న ఆలోచనైతే ఉంది. దీనిపై చర్చ కూడా జరిగింది. 40శాతానికి పైగా స్క్రిప్ట్ వర్క్ కూడా పూర్తి చేశాం. ఓ దశలో షూటింగ్ కూడా చేయాలనుకున్నాం. కానీ, ఆ తర్వాత వద్దనుకున్నాం. డిసెంబరు 29న ఈ చిత్రానికి వచ్చే స్పందన చూసి సీక్వెల్ ప్రకటిస్తాం’’.
‘బింబిసార 2’ ఎప్పుడు మొదలవుతుంది?
‘‘ఇటీవలే కొత్తగా ఓ చిత్రం పట్టాలెక్కించాం. అది పూర్తయ్యాక ‘బింబిసార 2’ ప్రారంభిస్తాం’’.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
జులై నుంచి ప్రేమలో..
ప్రభాస్ ప్రేమకథకి ముహూర్తం కుదిరింది. జులై నుంచే ఆయన కొత్త ప్రేమాయణం మొదలు కానుంది. ఇప్పటికే స్క్రిప్ట్ పక్కాగా సిద్ధమైనట్టు సినీ వర్గాలు తెలిపాయి. హను రాఘవపూడి దర్శకత్వంలో... అగ్ర నిర్మాణ సంస్థ మైత్రీ మూవీ మేకర్స్ ఈ సినిమాని నిర్మిస్తోంది. -
సంయుక్త.. ఊ కొట్టేనా?
తెలుగు చిత్రసీమలోకి వచ్చిన అనతి కాలంలోనే వరుస విజయాలందుకుంటూ స్టార్ నాయిక స్థాయికి చేరుకుంది సంయుక్తా మేనన్. ప్రస్తుతం ఆమె తెలుగులో ‘స్వయంభూ’తో పాటు శర్వానంద్తోనూ ఓ చిత్రం చేస్తోంది. -
ఆ ఆనందం మాటల్లో చెప్పలేనిది
‘నేను మొదటగా సంతోషపడేది నన్ను నేను తెరపై చూసుకున్నప్పుడే’ అని అంటోంది బాలీవుడ్ కథానాయిక యామీ గౌతమ్. ‘ఆర్టికల్ 370’తో భారీ విజయాన్ని అందుకుందీమె. హిందీలోనే కాదు తెలుగు చిత్రాల్లోనూ నటించి టాలీవుడ్ ప్రేక్షకులను అలరించింది. -
వాణీ కోసమే ఈ పాత్ర!
నటనకు ప్రాధాన్యమున్న పాత్రల్ని ఎంచుకుంటూ ప్రేక్షకుల్ని మెప్పిస్తుంది బాలీవుడ్ నాయిక వాణీ కపూర్. ఇప్పుడామె మరో కొత్త ప్రాజెక్టుకు పచ్చజెండా ఊపింది. ఆమె ప్రధాన పాత్రలో ‘బడ్తమీజ్ గిల్’ అనే సినిమా రాబోతున్నట్లు ప్రకటించింది చిత్రబృందం. -
‘కన్నప్ప’లో అక్షయ్ పని పూర్తి
‘కన్నప్ప’తో సినీప్రియుల్ని అలరించేందుకు సిద్ధమవుతున్నారు మంచు విష్ణు. ఆయన టైటిల్ పాత్రలో నటిస్తున్న ఈ పాన్ ఇండియా చిత్రాన్ని ముఖేష్ కుమార్ సింగ్ తెరకెక్కిస్తున్నారు. మోహన్బాబు నిర్మిస్తున్నారు. బాలీవుడ్ హీరో అక్షయ్ కుమార్ ముఖ్య పాత్ర పోషిస్తున్నారు. -
సమ్మోహనం.. ఈ కలయిక
అపూర్వమైన కలయికలు కొన్ని ఉంటాయి. వాళ్లు కలిశారంటే చాలు... సినిమాకి క్లాప్ కొట్టిన రోజే బ్లాక్బస్టర్ బొమ్మని తెరపై చూసేసినంత సంబరం. రజనీకాంత్ - అమితాబ్ బచ్చన్ కలయిక అచ్చం అలాంటిదే. భారతదేశం గర్వించదగ్గ తారలు ఈ ఇద్దరూ. -
త్వరలో కుందాపురానికి ‘కాంతార 1’
‘కాంతార’ సినిమాతో జాతీయ స్థాయిలో సత్తా చాటారు రిషబ్ శెట్టి. ఇప్పుడీ సినిమాకి ప్రీక్వెల్గా ‘కాంతార: చాప్టర్ 1’ సిద్ధమవుతోంది. రిషబ్ హీరోగా నటిస్తూ.. స్వయంగా తెరకెక్కిస్తున్న చిత్రమిది. హోంబలే ఫిల్మ్స్ సంస్థ నిర్మిస్తోంది. -
ఏమయ్యిందే గుండెకు.. ఏనాడు లేదే ఇంత ఉలుకు
అశోక్ గల్లా హీరోగా అర్జున్ జంధ్యాల తెరకెక్కిస్తున్న చిత్రం ‘దేవకీ నందన వాసుదేవ’. సోమినేని బాలకృష్ణ నిర్మిస్తున్నారు. వారణాసి మానస కథానాయిక. ప్రస్తుతం ముగింపు దశలో ఉన్న ఈ సినిమా త్వరలో ప్రేక్షకుల ముందుకు రానుంది. -
అషు ‘సూపర్ డీలక్స్ బాడీ’.. సాగరకన్యలా నోరా ఫతేహి!
సినీ తారలు సోషల్ మీడియా వేదికగా అభిమానులతో పంచుకున్న విశేషాలివీ.. -
రజనీకాంత్- అమితాబ్ ఆలింగనం.. ఫొటోలు వైరల్
రజనీకాంత్, అమితాబ్ బచ్చన్ కలిసి దిగిన ఫొటోలు వైరల్గా మారాయి. వారిద్దరూ ఎక్కడ మీట్ అయ్యారంటే?
తాజా వార్తలు (Latest News)
-
నేటి రాశి ఫలాలు.. 12 రాశుల ఫలితాలు ఇలా... (04/05/24)
-
పాలస్తీనా మద్దతుదారులకు హిమ్స్ సంస్థ సీఈఓ గుడ్న్యూస్
-
‘తుపాకీతో బెదిరించి.. అత్యాచారం చేసి..’ - ప్రజ్వల్పై మహిళ ఫిర్యాదు
-
అషు ‘సూపర్ డీలక్స్ బాడీ’.. సాగరకన్యలా నోరా ఫతేహి!
-
3 నెలల్లో 2 కోట్ల ఖాతాలపై వాట్సప్ నిషేధం
-
రజనీకాంత్- అమితాబ్ ఆలింగనం.. ఫొటోలు వైరల్