Katrina kaif: మరియా పాత్ర నాకెంతో నేర్పింది

‘టైగర్‌ 3’లోని జోయా పాత్ర తర్వాత నన్ను నేను కొత్తగా ఆవిష్కరించుకోవడానికి అవకాశం కల్పించింది మరియా పాత్రనే’ అంటోంది బాలీవుడ్‌ అగ్ర కథానాయిక కత్రినా కైఫ్‌. ఆమె, విజయ్‌ సేతుపతితో కలిసి మరియాగా నటించిన చిత్రమే ‘మెరీ క్రిస్మస్‌’. ఇటీవల ప్రేక్షకుల ముందుకొచ్చిన ఈ సినిమా సానుకూల స్పందన సొంతం చేసుకుంటోంది. ఈ సందర్భంగా తాజాగా ఓ ఇంటర్వ్యూలో మాట్లాడిన కత్రిన... ‘ఇందులో మరియాది ఒక భిన్నమైన ప్రపంచం. నటనకు ఎంతో అవకాశముంది. చిత్రీకరణ ప్రారంభమయ్యే ముందే ఈ సినిమా, పాత్ర గురించి దర్శకుడు శ్రీరామ్‌తో దాదాపు ఏడాదిన్నరపాటు చర్చలు జరిపాను. కథ చెప్పడం పూర్తవగానే ‘మరియా ఎవరు? తన వెనకున్న కథేంటి? ఆమె జీవితంలో ఏం జరిగింది?’ అని భిన్న కోణాల్లో ఆలోచించమని చెప్పారు. అలా చేయడం నాకెంతో మేలు చేసింది. నేను సమర్థంగా నటించి, నన్ను నేను కొత్తగా నిరూపించుకోవడానికి దోహదపడింది’ అంటూ చెప్పుకొచ్చింది కత్రిన.