Rahul Ramakrishna: ప్రియదర్శితో నన్ను పోల్చొద్దు: రాహుల్‌ రామకృష్ణ

హైదరాబాద్‌: నటుడు ప్రియదర్శి(Priyadarshi)తో తనని పోల్చొద్దంటూ హాస్యనటుడు రాహుల్‌ రామకృష్ణ (Rahul Ramakrishna) విజ్ఞప్తి చేశారు. ‘‘నా ఆప్తమిత్రుడు ప్రియదర్శి.. నిబద్ధత, శ్రమించే మనస్తత్వం ఉన్నవాడు. ప్రియదర్శిని నాతో పోల్చడం అతడిని అవమానించినట్టే. అతడి గొప్పతనాన్ని తక్కువ చేసినట్టే అవుతుంది. ఈ పోలిక చాలా నాసిరకంగా ఉంది. నా స్నేహితుడికి నేను ఎప్పుడూ సపోర్ట్‌గానే ఉంటా’’ అని చెప్పారు.

మొదటి సారి ప్రియుడి ఫొటోలు షేర్‌ చేసిన ఇలియానా

రాహుల్‌ రామకృష్ణ - ప్రియదర్శి ఎంతోకాలం నుంచి స్నేహితులు. ‘అర్జున్‌రెడ్డి’, ‘జాతిరత్నాలు’, ‘బ్రోచేవారెవరురా’ వంటి చిత్రాల్లో వీరిద్దరూ తమ కామెడీ టైమింగ్‌తో ప్రేక్షకులను కడుపుబ్బా నవ్వించారు. ఇక, ప్రియదర్శి ప్రధాన పాత్రలో నటించిన ‘బలగం’ ఈ ఏడాది ఆరంభంలో సూపర్‌ సక్సెస్‌ అందుకోగా.. రాహుల్‌ లీడ్‌ రోల్‌లో నటించిన ‘ఇంటింటి రామాయణం’ ఇటీవల విడుదలై మంచి టాక్‌ సొంతం చేసుకుంది. ఈ నేపథ్యంలో ప్రియదర్శి - రాహుల్‌ను పోలుస్తూ.. వీళ్లు సినిమాలతో అదరగొట్టేస్తున్నారంటూ ఓ నెటిజన్‌ తాజాగా పోస్ట్‌ పెట్టారు. దీనిపై రాహుల్‌ కాస్త అసహనం వ్యక్తం చేశారు. తన స్నేహితుడితో తనని పోల్చి చూడటం ఏమీ బాలేదని పేర్కొన్నారు.