sai durga tej: కథ కుదిరింది

గతేడాది ‘విరూపాక్ష’, ‘బ్రో’ సినిమాలతో సినీప్రియుల్ని అలరించారు సాయిదుర్గా తేజ్‌. ఆ తర్వాత మళ్లీ ఇంతవరకు కొత్త కబురు వినిపించలేదు. ఆ మధ్య సంపత్‌ నంది దర్శకత్వంలో ఓ చిత్రం చేస్తున్నట్లు ప్రకటన వచ్చినా కొన్ని కారణాల వల్ల అది కార్యరూపం దాల్చలేదు. అయితే ఇప్పుడు సాయితేజ్‌ తదుపరి సినిమాపై స్పష్టత వచ్చినట్లు తెలుస్తోంది. తను రాకేశ్‌ అనే ఓ కొత్త దర్శకుడు చెప్పిన కథకు పచ్చజెండా ఊపినట్లు సమాచారం. 1940ల నేపథ్యంలో సాగే ఓ ఆసక్తికర కథాంశంతో ఈ చిత్రం రూపొందనుందని.. ఇందులో తేజ్‌ మునుపెన్నడూ చేయని ఓ విభిన్నమైన పాత్ర పోషించనున్నారని తెలిసింది. దీన్ని ‘హను-మాన్‌’ చిత్ర నిర్మాత నిరంజన్‌రెడ్డి నిర్మించనున్నారు. ప్రస్తుతం పూర్వ నిర్మాణ పనుల్లో ఉన్న ఈ సినిమా జులై నుంచి రెగ్యులర్‌ చిత్రీకరణ ప్రారంభించుకోనుంది.