Saindhav: శ్రీలంకలో... ‘సైంధవ్‌’

వెంకటేశ్‌ కథానాయకుడిగా.. నిహారిక ఎంటర్‌టైన్‌మెంట్స్‌ పతాకంపై తెరకెక్కుతున్న చిత్రం ‘సైంధవ్‌’. శ్రద్ధా శ్రీనాథ్‌, రుహాని శర్మ, ఆండ్రియా జెర్మియా, నవాజుద్దీన్‌ సిద్దిఖీ కీలకపాత్రలు పోషిస్తున్నారు. శైలేష్‌ కొలను దర్శకుడు. వెంకట్‌ బోయనపల్లి నిర్మిస్తున్నారు. ఈ సినిమా కొత్త షెడ్యూల్‌ చిత్రీకరణ ప్రస్తుతం శ్రీలంకలో జరుగుతోంది. వెంకటేశ్‌తోపాటు, ఇతర ప్రధాన నటులపై కొన్ని పోరాట ఘట్టాలతోపాటు... ఒక పాటని తెరకెక్కిస్తున్నట్టు సినీవర్గాలు తెలిపాయి. ఎనిమిది పాత్రల చుట్టూ తిరిగే ఈ సినిమాలో ప్రతి పాత్రా కీలకమైనదే అని సినీవర్గాలు అంటున్నాయి. డిసెంబరు 22న దక్షిణాది భాషలతోపాటు, హిందీలో విడుదల కానున్న ఈ చిత్రానికి ఛాయాగ్రహణం: ఎస్‌.మణికందన్‌, కూర్పు: గ్యారీ బి.హెచ్‌., ప్రొడక్షన్‌ డిజైన్‌: అవినాష్‌ కొల్లా, సంగీతం: సంతోష్‌ నారాయణ్‌.