Allu Arjun: అల్లు అర్జున్‌పై సీరత్‌ కపూర్‌ ప్రశంసలు.. ఆ సాంగ్‌లో కనిపించనుందా?

ఇంటర్నెట్‌ డెస్క్‌: నటి సీరత్‌ కపూర్‌-అల్లు అర్జున్‌ల ఫొటో ఇటీవల వైరల్‌గా మారింది. అప్పటి నుంచి బన్నీ సినిమాలో ఈ అమ్మడు ఛాన్స్‌ దక్కించుకుందనే ప్రచారమవుతోంది. తాజాగా దీనికి మరింత బలాన్నిచ్చేలా అల్లు అర్జున్ గురించి సీరత్ కపూర్‌ ఆసక్తికర వ్యాఖ్యలు చేశారు.

ఇటీవల ఓ ఇంటర్వ్యూలో సీరత్ కపూర్‌ మాట్లాడుతూ ‘‘బన్నీ నాకు వ్యక్తిగతంగా తెలుసు. తెరపై ఆయన ఎనర్జీ అందరం చూశాం. కానీ, అతడి గురించి వ్యక్తిగతంగా తెలుసుకునే అవకాశం కొందరికి మాత్రమే వస్తుంది. అంత పెద్ద స్టార్‌ అయినా.. ఎంతో వినయంగా ఉంటాడు. తనతో ఉంటే సొంత మనిషితో ఉన్నట్లు ఉంటుంది. కొందరి అలవాట్లు నన్నెంతో ఆకర్షిస్తాయి. అలాంటి వాళ్లలో అల్లు అర్జున్‌ ఒకరు. తనలో ఓ స్పార్క్‌ ఉంటుంది. నేను తనతో కలిసి పనిచేసే రోజు కోసం ఆసక్తిగా ఎదురుచూస్తున్నాను’’ అంటూ అల్లు అర్జున్‌పై ప్రశంసలు కురిపించారు సీరత్ కపూర్‌. కొన్ని రోజుల నుంచి ‘పుష్ప2’లో సీరత్‌ స్పెషల్ సాంగ్‌లో కనిపించనుందని వార్తలు వస్తున్న సంగతి తెలిసిందే.

త్రిషకు చిరంజీవి మద్దతు.. మన్సూర్‌ అలీఖాన్‌ వ్యాఖ్యలపై తీవ్ర ఆగ్రహం

ఇక ‘రన్‌ రాజా రన్‌’తో తెలుగు సినిమాకు పరిచయమైన సీరత్‌.. ఆ తర్వాత ‘టైగర్‌’, ‘రాజు గారి గది2’లాంటి సినిమాలతో అలరించింది. ఇక అల్లు అర్జున్‌ విషయానికొస్తే.. ప్రస్తతం ఆయన ‘పుష్ప2’లో నటిస్తున్నారు. సుకుమార్‌ దర్శకత్వంలో ఇది తెరకెక్కుతోంది. ‘పుష్ప’ మొదటి భాగం సూపర్ హిట్ కావడంతో దీనిపై భారీ అంచనాలు నెలకొన్నాయి. హైదరాబాద్లో వేసిన ప్రత్యేక సెట్‌లో దీని షూటింగ్‌ శరవేగంగా జరుగుతోంది. ఈ సినిమాకు మ్యూజిక్‌ హైలైట్ కానున్నట్లు తెలుస్తోంది. వచ్చే ఏడాది ఆగస్టు 15న ఇది విడుదల కానుంది.