Venkatesh: యువ దర్శకులతోనే...

ఈమధ్య కాలంలో సీనియర్‌ హీరోలు, యువ దర్శకుల కలయికలు ఆసక్తి రేకెత్తిస్తున్నాయి. యువతరంలోని ఉత్సాహం, కొత్త రకమైన ఆలోచనలు సీనియర్‌ హీరోల్ని కట్టిపడేస్తున్నాయి. చిరంజీవి, బాలకృష్ణ, నాగార్జున, వెంకటేశ్‌... ఇలా సీనియర్లంతా కూడా ప్రస్తుతం యువ దర్శకులతో కలిసే ప్రయాణం చేస్తున్నారు. వెంకటేశ్‌ త్వరలోనే ‘సైంధవ్‌’తో సందడి చేయనున్నారు. శైలేష్‌ కొలను దర్శకత్వం వహిస్తున్న చిత్రమది. తర్వాత కూడా వెంకీ యువ దర్శకులతోనే కలిసి సినిమాలు చేయనున్నట్టు తెలుస్తోంది. ‘డీజే టిల్లు’ ఫేమ్‌ విమల్‌కృష్ణ సహా పలువురు యువ దర్శకులు వెంకటేశ్‌కి కథ వినిపించారు. మరి ఆయన ఎవరితో జట్టు కడతారనేది తెలియాలంటే మరికొంతకాలం ఆగాల్సిందే.