Breaking | Feedback | ePratibha | E-PAPER | Pratibha

Nellore: నెల్లూరు వైకాపాలో వర్గపోరు.. రూప్‌కుమార్‌కు ఎమ్మెల్యే అనిల్‌ కౌంటర్‌

నెల్లూరు నగరంలో వైకాపా నేతల మధ్య మాటల యుద్ధం కొనసాగుతోంది. ఇటీవల డిప్యూటీ మేయర్‌ రూప్‌కుమార్‌ చేసిన బహిరంగ విమర్శలపై ఎమ్మెల్యే అనిల్‌ తీవ్రంగా స్పందించారు.

Published : 23 Jun 2023 19:38 IST

నెల్లూరు: నెల్లూరు నగరంలో వైకాపా నేతల మధ్య మాటల యుద్ధం కొనసాగుతోంది. శుక్రవారం నగరంలో ఏర్పాటు చేసిన ఓ సభలో నగర ఎమ్మెల్యే అనిల్‌ కుమార్‌ యాదవ్‌ మాట్లాడుతూ...ఇటీవల డిప్యూటీ మేయర్‌ రూప్‌కుమార్‌ చేసిన బహిరంగ విమర్శలపై తీవ్రంగా స్పందించారు. నుడా ఛైర్మన్ ముక్కాల ద్వారకానాథ్‌ను ఉద్దేశించి విమర్శించారు. పార్టీ మారుతున్నాననే ప్రచారం మానుకోవాలన్నారు. నియోజకవర్గంలో కార్యకర్తలను బలోపేతం చేసి, మళ్లీ ఫైర్‌ బ్రాండ్‌లా మారి ఢీ కొంటానన్నారు.

‘‘రాత్రిపూట పార్టీలో తాగి అనిల్‌ను ఓడిస్తామంటున్నారు. పగలు జై జగన్‌ అంటున్నారు. నాకు సినిమా చూపిస్తానని ఒకరు బహిరంగంగా అంటున్నారు. నేను తయారు చేసిన బొమ్మ అనిల్‌ అని చెబుతున్నారు. దమ్ముంటే సినిమా చూపించాలి. లే అవుట్ల వద్ద నేను డబ్బులు తీసుకోలేదు. రేపటి నుంచి స్టార్ట్‌. ఎవరికీ భయపడను. నెల్లూరు నగర నియోజకవర్గంలో వైకాపా నుంచి నేను తప్ప ఎవరూ పోటీ చేయరు’’ అని అనిల్‌ వెల్లడించారు.

► Read latest Politics News and Telugu News

► Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.