ఏకాభిప్రాయం ఉంటేనే యూసీసీకి మద్దతు

వైకాపా ఎంపీ అభ్యర్థి విజయసాయిరెడ్డి

ఆత్మకూరు, న్యూస్‌టుడే: ‘ముస్లిం మత పెద్దల అంగీకారం, ఏకాభిప్రాయం లేకుండా యూసీసీకి సంబంధించిన అంశాలకు వైకాపా మద్దతు ఇవ్వదు. మా పార్టీ అధ్యక్షుడు, సీఎం జగన్‌మోహన్‌రెడ్డి ఈ విషయమై స్పష్టంగా చెప్పారు. పరస్పర అంగీకారం లేని అంశాలను వ్యతిరేకిస్తాం’ అని నెల్లూరు వైకాపా ఎంపీ అభ్యర్థి విజయసాయిరెడ్డి అన్నారు. గురువారం ఆయన ఆత్మకూరులో స్థానికులు, విలేకర్లతో మాట్లాడుతూ.. జిల్లా అభివృద్ధికి ప్రత్యేక మ్యానిఫెస్టో సిద్ధం చేశామని తెలిపారు. ఆత్మకూరు అభివృద్ధికి తలపెట్టిన రోడ్లు, మురుగు కాలువల నిర్మాణ పనుల వివరాలను ఆయన వెల్లడించారు.