Somu Veerraju: అమిత్‌షాను చంద్రబాబు కలిసినంత మాత్రాన ఊహించుకుంటారా?: సోమువీర్రాజు

విజయవాడ: నాలుగేళ్లలో వైకాపా ప్రభుత్వం ప్రజలకు ఏం చేసిందో చెప్పాలని భాజపా ఏపీ అధ్యక్షుడు సోము వీర్రాజు డిమాండ్‌ చేశారు. ఏపీకి డబుల్‌ ఇంజిన్‌ సర్కార్‌ అవసరమన్నారు. తెలుగుదేశంతో భాజపా పొత్తు పెట్టుకుంటుందని ఎవరు చెప్పారని ప్రశ్నించారు.

‘‘అమిత్‌షాను చంద్రబాబు కలిసినంత మాత్రాన ఊహించుకుంటారా? వారి ఇద్దరి మధ్య భేటీని ఎవరికి ఇష్టమొచ్చినట్లు వారు అన్వయించుకుంటున్నారు. అమిత్‌షాతో భేటీ తర్వాత దానిపై చంద్రబాబు ఎక్కడా మాట్లాడలేదు. రాష్ట్రానికి  డబుల్‌ ఇంజిన్‌ సర్కార్‌ కావాలనేది నా ఆకాంక్ష. మోదీ చేసిన అభివృద్ధి, సంక్షేమం అందరికీ కనిపిస్తోంది. వైకాపా ఏం చేసిందో ప్రజలకు కూడా తెలుసు’’ అని సోమువీర్రాజు ఎద్దేవా చేశారు.