IND vs WI: ఓడితే.. అంతే!
టీమ్ఇండియా నిండా స్టార్ ఆటగాళ్లే! ఒంటి చేత్తో ఫలితం మార్చే వీరులున్నారు. క్రీజులో నిలబడి భారీ ఇన్నింగ్స్ ఆడే బ్యాటర్లు.. వికెట్ల వేటలో సాగే బౌలర్లున్నారు.
టీమ్ఇండియాకు సవాల్
నేడు వెస్టిండీస్తో మూడో టీ20
టీమ్ఇండియా నిండా స్టార్ ఆటగాళ్లే! ఒంటి చేత్తో ఫలితం మార్చే వీరులున్నారు. క్రీజులో నిలబడి భారీ ఇన్నింగ్స్ ఆడే బ్యాటర్లు.. వికెట్ల వేటలో సాగే బౌలర్లున్నారు. కానీ సమష్టితత్వం.. గెలవాలన్న కసి.. గెలిపించాలన్న బాధ్యత కనిపించడం లేదు. వెరసి వెస్టిండీస్తో టీ20 సిరీస్లో 0-2తో వెనుకంజ. ఇలాంటి పరిస్థితుల్లో సిరీస్ ఆశలు నిలవాలంటే తప్పక గెలవాల్సిన పోరుకు భారత్ సిద్ధమైంది. మూడో టీ20 నేడే. మరి హార్దిక్ సేన పుంజుకుంటుందా?
ప్రావిడెన్స్ (గయానా)
ఒక్క రోజు విరామం తర్వాత.. అదే మైదానంలో మరో మ్యాచ్. ఆదివారం ఎక్కడైతే 2 వికెట్ల తేడాతో ఓడి.. అయిదు మ్యాచ్ల సిరీస్లో 0-2తో వెనుకబడిందో అదే చోట మంగళవారం మూడో టీ20లో వెస్టిండీస్ను భారత్ ఢీకొంటోంది. మందకొడి పిచ్లపై పరిస్థితులను సద్వినియోగం చేసుకుంటూ చెలరేగుతున్న విండీస్ బౌలర్లను మరోసారి ఎదుర్కోవడం భారత బ్యాటర్లకు పరీక్షే. మరోవైపు విధ్వంసకర ఆటగాడు పూరన్ను మన బౌలర్లు నిలువరించాల్సిన అవసరం ఉంది. లేకపోతే 2016 తర్వాత ఓ ద్వైపాక్షిక టీ20 సిరీస్లో విండీస్ చేతిలో టీమ్ఇండియాకు తొలి ఓటమి తప్పదు. గత రెండు మ్యాచ్ల్లోనూ విజయానికి చేరువగా వచ్చి.. దూరమైన టీమ్ఇండియా ఈ సారి ఎలా ఆడుతుందో?
తిలక్ ఒక్కడే
విండీస్తో తొలి రెండు టీ20ల్లో బ్యాటింగ్ పరంగా చెప్పుకోవాల్సింది ఏమైనా ఉంది అంటే అది కేవలం హైదరాబాద్ ఆటగాడు తిలక్ వర్మ ప్రదర్శన మాత్రమే. తొలి టీ20తో అంతర్జాతీయ అరంగేట్రం చేసిన ఈ 20 ఏళ్ల ఎడమచేతి వాటం బ్యాటర్.. ఆ మ్యాచ్లో 39 పరుగులతో టాప్స్కోరర్గా నిలిచాడు. ఇక రెండో టీ20లో అర్ధశతకం అందుకున్నాడు. మంచి లయ మీద కనిపిస్తూ ఆత్మవిశ్వాసంతో బ్యాటింగ్ చేస్తున్న అతను మూడో మ్యాచ్లోనూ జోరు సాగించేలా ఉన్నాడు. అతనితో పాటు మిగతా బ్యాటర్లు రాణిస్తే జట్టు విజయ తీరాలకు చేరగలదు. బ్యాటర్లు మరింత బాధ్యత తీసుకోవాలంటూ కెప్టెన్ హార్దిక్ కూడా చెప్పాడు. మరి ఇషాన్, శుభ్మన్, సూర్యకుమార్, సంజు శాంసన్ ఈ మ్యాచ్లో ఎలాంటి ప్రదర్శన చేస్తారో చూడాలి. బ్యాటింగ్లో దూకుడు లోపించిందన్నది నిజం. సూర్య అంచనాలను అందుకోలేకపోవడం జట్టును దెబ్బతీస్తోంది. మరోవైపు బంతితో, బ్యాట్తో పర్వాలేదనిపిస్తున్న కెప్టెన్ హార్దిక్.. సారథిగా వ్యూహాల విషయంలో మరింత దృష్టి సారించాల్సి ఉంది. రెండో టీ20లో ఆఖర్లో వికెట్లు తీసిన చాహల్కు మరో ఓవర్ వేసే అవకాశం ఇవ్వకపోవడం, అక్షర్ను వాడుకోకపోవడం లాంటి నిర్ణయాలు విమర్శలకు తావిచ్చాయి.
మరింత మెరుగ్గా
గత రెండు టీ20 మ్యాచ్ల్లోనూ విండీస్ బౌలర్లు రాణించినంతంగా మన బౌలర్లు ప్రభావం చూపలేకపోయారు. ముఖ్యంగా ప్రత్యర్థి పేసర్లు పరిస్థితులను చక్కగా అంచనా వేస్తూ వైవిధ్యమైన బౌలింగ్తో భారత్ను దెబ్బకొడుతున్నారు. స్లో డెలివరీలు, షార్ట్ పిచ్ బంతులతో వికెట్లు సాధిస్తున్నారు. భారత పేసర్లలో హార్దిక్ మాత్రమే గత మ్యాచ్లో సత్తాచాటాడు. అర్ష్దీప్, ముకేశ్ కీలక సమయంలో పరుగులిచ్చేశారు. ముఖ్యంగా ముకేశ్ పరుగుల కట్టడిలో విఫలమవుతున్నాడు. ఈ మ్యాచ్ కోసం అతని స్థానంలో ఉమ్రాన్ మాలిక్ లేదా అవేష్ ఖాన్ను ఆడించే అవకాశం ఉంది. స్పిన్నర్లలో చాహల్ నిలకడగా వికెట్లు పడగొడుతున్నాడు. కుల్దీప్ గాయం కారణంగా జట్టులోకి వచ్చిన రవి బిష్ణోయ్ గత మ్యాచ్లో పూరన్ను ఆపలేకపోయాడు. ఫిట్గా ఉంటే కుల్దీప్ తుది జట్టులో ఆడతాడు.
జోరుమీద ప్రత్యర్థి
బలమైన టీమ్ఇండియాపై వరుసగా రెండు టీ20ల్లో గెలిచిన వెస్టిండీస్ ఆత్మవిశ్వాసం పెరిగింది. ఇదే జోరులో మూడో టీ20లోనూ నెగ్గి సిరీస్ పట్టేయాలని చూస్తోంది. ఏడేళ్ల తర్వాత భారత్పై సిరీస్ గెలిచేందుకు వచ్చిన అవకాశాన్ని జారవిడుచుకోవద్దని ఆ జట్టు పట్టుదలతో ఉంది. ఆ జట్టు టాప్ఆర్డర్ కూడా విఫలమవుతున్నప్పటికీ సూపర్ ఫామ్లో ఉన్న పూరన్ జట్టును గెలిపిస్తున్నాడు. అతనితో పాటు కెప్టెన్ పావెల్, హెట్మయర్ బ్యాటింగ్లో రాణిస్తున్నారు. మిగతా బ్యాటర్లు కూడా లయ అందుకుంటే ఆ జట్టును ఆపడం కష్టమే. బ్యాటింగ్ లోతు కూడా ఆ జట్టుకు ఎక్కువే. ఇక బౌలింగ్లో విండీస్ పటిష్ఠంగా కనిపిస్తోంది. అల్జారి జోసెఫ్, మెకాయ్, షెఫర్డ్, హోల్డర్, మేయర్స్ ఫాస్ట్ బౌలింగ్తో ఆకట్టుకుంటున్నారు. స్పిన్నర్ అకీల్ హొసీన్ కూడా రాణిస్తున్నాడు.
జట్లు (అంచనా)...
భారత్: ఇషాన్, శుభ్మన్, సూర్యకుమార్, తిలక్, శాంసన్, హార్దిక్, అక్షర్, రవి బిష్ణోయ్/కుల్దీప్, అర్ష్దీప్, చాహల్, ముకేశ్/ఉమ్రాన్/అవేష్ ఖాన్
వెస్టిండీస్: కింగ్, మేయర్స్, ఛార్లెస్, పూరన్, పావెల్, హెట్మయర్, షెఫర్డ్, హోల్డర్, అకీల్, అల్జారి జోసెఫ్, మెకాయ్.
పిచ్
రెండో టీ20 మాదిరే ఈ మ్యాచ్లోనూ పిచ్ మందకొడిగా ఉండే అవకాశం ఉంది. బౌలర్లకే ఎక్కువ సహకరించొచ్చు. చిన్న బౌండరీలు కావడంతో భారీ షాట్లు ఆడటం బ్యాటర్లకు సులభం
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
‘‘గౌతమ్ భయ్యా.. మీరు కోల్కతాను వదిలి పెట్టి వెళ్లొద్దు’’
మరో కీలక పోరులో ముంబయిని ఢీకొట్టేందుకు కోల్కతా సిద్ధమైంది. ఈ క్రమంలో ఓ అభిమాని నుంచి గౌతమ్ గంభీర్కు ప్రత్యేక విజ్ఞప్తి అందింది. -
ఒక్కటీ క్వాలిఫై కాకపాయె.. ప్లేఆఫ్స్ రేసు రసవత్తరమాయె!
ప్రస్తుత ఎడిషన్లో నాకౌట్ దశకు చేరుకొనే జట్టు ఏంటనేది ఇంకా తెలియలేదు. టాప్-4లోకి వస్తాయని అనుకుంటున్న జట్లకు పాయింట్ల పట్టికలో కింద ఉన్న టీమ్లు షాక్లు ఇస్తున్నాయి. -
ఆ ఇద్దరు ఏం మాట్లాడుకున్నారో తెలియదు.. కామెంట్ చేయడం బాగోదు: గంగూలీ
ఒక్క మ్యాచ్లో తమ జట్టు ఓడిపోవడంతో కెప్టెన్పై ఫ్రాంచైజీ యజమాని అసహనం వ్యక్తం చేసిన సందర్భాలు చాలా తక్కువ. ఆ అనుభవం కేఎల్ రాహుల్కు ఎదురైంది. -
చెన్నైతో మ్యాచ్.. గిల్ సహా గుజరాత్ టీమ్కు భారీ జరిమానా
గెలిచామనే ఆనందం గుజరాత్కు లేకుండా పోయింది. ఆ జట్టు సారథి గిల్తోపాటు ఆటగాళ్లకు భారీ జరిమానాను విధిస్తూ ఐపీఎల్ అడ్వైజరీ కమిటీ నిర్ణయం తీసుకుంది. -
‘నాదేముంది.. ఇదే చివరిది’.. ఐపీఎల్కు రోహిత్ శర్మ గుడ్బై చెప్పనున్నాడా?
ఐపీఎల్కు రోహిత్ గుడ్బై చెప్పనున్నట్లు తీవ్ర స్థాయిలో ప్రచారం మొదలైంది. దీనంతటికి కేకేఆర్ పోస్టు చేసిన ఓ వీడియో కారణమైంది. -
ఇది మా స్థాయి ఫీల్డింగ్ కాదు.. 15 పరుగులు అదనంగా ఇచ్చాం: రుతురాజ్
గుజరాత్ చేతిలో ఓటమితో చెన్నై తన ప్లేఆఫ్స్ అవకాశాలను సంక్లిష్టం చేసుకుంది. ప్రస్తుతానికి నాలుగో స్థానంలో ఉన్నప్పటికీ.. మిగతా మ్యాచుల్లోనూ గెలిస్తేనే బెర్తు దక్కే అవకాశం ఉంటుంది. -
చెన్నైకి చెక్
చెన్నై సూపర్ కింగ్స్కు ఎదురు దెబ్బ! ప్లేఆఫ్స్ లక్ష్యంగా సాగుతున్న ఈ డిఫెండింగ్ ఛాంపియన్కి.. ఈ సీజన్లో పెద్దగా రాణించలేకపోతున్న గుజరాత్ టైటాన్స్ కీలక సమయంలో షాక్ ఇచ్చింది. -
అది అగార్కర్ నిర్ణయమే
సెంట్రల్ కాంట్రాక్టు నుంచి ఇషాన్ కిషన్, శ్రేయస్ అయ్యర్లను తప్పించాలనేది పూర్తిగా సెలక్షన్ కమిటీ ఛైర్మన్ అజిత్ అగార్కర్ నిర్ణయమని బీసీసీఐ కార్యదర్శి జై షా వెల్లడించాడు. -
నీరజ్.. 2 సెం.మీ తేడాతో
పారిస్ ఒలింపిక్స్లో భారీ అంచనాల మధ్య బరిలోకి దిగబోతున్న భారత స్టార్ జావెలిన్ త్రోయర్ నీరజ్ చోప్రా.. ఆ మెగా ఈవెంట్ ముంగిట గొప్ప ప్రదర్శన చేశాడు. డైమండ్ లీగ్లో అతను స్వర్ణం కోసం గట్టిగా పోరాడాడు. -
ఇదేం పద్ధతి?
టీమ్ఇండియా సీనియర్ పేసర్ మహమ్మద్ షమికి కోపమొచ్చింది. సన్రైజర్స్ చేతిలో ఓటమి తర్వాత లఖ్నవూ సారథి కేఎల్ రాహుల్తో ఆ ఫ్రాంఛైజీ యజమాని సంజీవ్ గోయెంకా వ్యవహరించిన తీరుపై షమి మండిపడ్డాడు. -
బ్రిజ్భూషణ్కు షాక్
భారత రెజ్లింగ్ సమాఖ్య (డబ్ల్యూఎఫ్ఐ) మాజీ అధ్యక్షుడు, బీజేపీ ఎంపీ బ్రిజ్భూషణ్ శరణ్సింగ్పై లైంగిక వేధింపులు, ఇతర అభియోగాలు నమోదు చేయాలని దిల్లీ కోర్టు శుక్రవారం ఆదేశించింది. -
హార్దిక్ ధైర్యాన్ని నటిస్తున్నాడు
ముంబయి ఇండియన్స్ సారథి హార్దిక్ పాండ్య కెప్టెన్సీ శైలిని దక్షిణాఫ్రికా దిగ్గజం ఏబీ డివిలియర్స్ తప్పుబట్టాడు. కెప్టెన్గా అతడి వ్యవహార శైలి సహజంగా అనిపించడం లేదన్నాడు. -
మన్రో వీడ్కోలు
టీ20 ప్రపంచకప్లో ఆడే న్యూజిలాండ్ జట్టులో చోటు దక్కకపోవడంతో ఆ జట్టు బ్యాటర్ కొలిన్ మన్రో అంతర్జాతీయ క్రికెట్కు వీడ్కోలు పలికాడు. -
కప్పులో కోహ్లి ఓపెనింగ్ చేయాలి: గంగూలీ
టీ20 ప్రపంచకప్లో భారత స్టార్ బ్యాటర్ విరాట్ కోహ్లీని ఓపెనర్గా ఆడించాలని మాజీ కెప్టెన్ సౌరభ్ గంగూలీ అన్నాడు. ఐపీఎల్లో విరాట్ ఫామ్ను జట్టు మేనేజ్మెంట్ పొట్టి కప్పులో ఉపయోగించుకోవాలని సూచించాడు. -
మూడో స్థానంలో ప్రజ్ఞానంద
సూపర్బెట్ ర్యాపిడ్, బ్లిట్జ్ చెస్ టోర్నీ ర్యాపిడ్ విభాగంలో ప్రజ్ఞానంద శుక్రవారం మూడో స్థానంలో నిలిచాడు. అతను మొత్తం 9 రౌండ్ల నుంచి 10 పాయింట్లు సాధించాడు. -
గత నాలుగున్నరేళ్లు మానసికంగా రోజూ యుద్ధమే చేశా: దిల్లీ పేసర్
దిల్లీ తరఫున అత్యుత్తమ ప్రదర్శన చేస్తూ ఇటీవల టీ20 ప్రపంచ కప్ కోసం ప్రకటించిన జట్టులో చోటు దక్కింది. అయితే, ట్రావెల్ రిజర్వ్ అయినప్పటికీ.. ఇదొక ముందడుగుగా భావిస్తున్నాడు ఆ క్రికెటర్.
తాజా వార్తలు (Latest News)
-
తెలంగాణలో తేలికపాటి నుంచి మోస్తరు వర్షాలు కురిసే అవకాశం
-
‘‘గౌతమ్ భయ్యా.. మీరు కోల్కతాను వదిలి పెట్టి వెళ్లొద్దు’’
-
అఫ్గాన్లో మెరుపు వరదలు.. 200 మంది మృతి..!
-
జెలెన్స్కీ హత్యకు కుట్ర.. బాడీగార్డ్ చీఫ్పై వేటు వేసిన అధ్యక్షుడు
-
ఒక్కటీ క్వాలిఫై కాకపాయె.. ప్లేఆఫ్స్ రేసు రసవత్తరమాయె!
-
హైవేపై తుపాకితో రీల్..వివాదంలో యూట్యూబర్