జాదుమణి, ఆకాశ్‌ ముందంజ

ఆస్తానా (కజకిస్థాన్‌): ఏఎస్‌బీసీ ఆసియా అండర్‌-22 యూత్‌ బాక్సింగ్‌ ఛాంపియన్‌షిప్‌లో జాదుమణి సింగ్‌ (51 కేజీ), ఆకాశ్‌ గోర్కా (60 కేజీ) క్వార్టర్‌ఫైనల్లోకి ప్రవేశించారు. రెండో రౌండ్లో బాటుల్గా (మంగోలియా)పై జాదుమణి ఘన విజయం సాధించాడు. జాదుమణి పంచ్‌లకు ప్రత్యర్థి తాళలేకపోవడంతో రిఫరీ బౌట్‌ నిలిపేసి భారత బాక్సర్‌ను విజేతగా ప్రకటించాడు. మరో బౌట్లో ఆకాశ్‌ 4-1తో గాన్‌ ఎర్డెన్‌ (మంగోలియా)ను ఓడించాడు. జతిన్‌ (57 కేజీ), సాగర్‌ (60 కేజీ), యశ్‌వర్దన్‌ సింగ్‌ (63.5 కేజీ) ఇప్పటికే తొలి రౌండ్‌ దాటారు.