బంగ్లాతో తొలి టీ20లో భారత్‌ ఘనవిజయం

సిలెట్‌ (బంగ్లాదేశ్‌): బంగ్లాదేశ్‌తో అయిదు టీ20ల సిరీస్‌లో భారత మహిళల జట్టు శుభారంభం చేసింది. ఆదివారం తొలి టీ20లో హర్మన్‌ప్రీత్‌ సేన 44 పరుగుల తేడాతో ఘనవిజయం సాధించింది. మొదట భారత్‌ 7 వికెట్లకు 145 పరుగులు చేసింది. యాస్తిక భాటియా (36), షెఫాలి వర్మ (31), హర్మన్‌ప్రీత్‌ (30) పర్వాలేదనిపించారు. రబేయా ఖాన్‌ (3/23), మారుఫా అక్తర్‌ (2/13) భారత్‌ను దెబ్బ తీశారు. అనంతరం ‘ప్లేయర్‌’ ఆఫ్‌ ద మ్యాచ్‌’ రేణుక సింగ్‌ (3/18)తో పాటు పూజ వస్త్రాకర్‌ (2/25) విజృంభించడంతో బంగ్లా నిర్ణీత ఓవర్లలో 8 వికెట్లకు 101 పరుగులే చేయగలిగింది. కెప్టెన్‌ నిగర్‌ సుల్తానా (51) మినహా బ్యాటర్లు విఫలమయ్యారు. రెండో టీ20 మంగళవారం జరుగుతుంది.