విజయ రహస్యం అదే: సూర్య

దిల్లీ: నాకౌట్‌ మ్యాచ్‌ల్లో ఓటమి భయాన్ని అధిగమించడమే భారత్‌ విజయ రహస్యమని టీ20 జట్టు కెప్టెన్‌ సూర్యకుమార్‌ యాదవ్‌ అన్నాడు. గత 15 నెలలుగా భారత్‌ అద్భుత ప్రదర్శనకు ఇదే కారణమని తెలిపాడు. ‘‘ఛాంపియన్స్‌ ట్రోఫీ గెలవడంతో సహా ఏడాదిన్నర కాలంగా మేం కాస్త భిన్నంగా ఆడుతున్నాం. నాకౌట్‌ పరిస్థితుల్లో ఓటమి, ఫలితం గురించి ఆలోచించకుండా అత్యుత్తమంగా ఆడుతున్నాం. ఈ దృక్పథమే జట్టు వాతావరణంలో మేం సృష్టించిన సంస్కృతి. సుదీర్ఘ కాలంగా క్రికెట్‌ కొనసాగుతోంది. కానీ ఆస్ట్రేలియాలో 2022 టీ20 ప్రపంచకప్‌ నుంచి తిరిగొచ్చాక ఏదైనా భిన్నంగా చేయాలని అనుకున్నాం’’ అని సూర్య చెప్పాడు.