వరి పొలంలో భారీ మొసలి పట్టివేత

న్యూస్‌టుడే, కొత్తకోట గ్రామీణం: వనపర్తి జిల్లా కొత్తకోట మండలం భూత్కూర్‌లో భారీ మొసలి పట్టుబడింది. గ్రామానికి చెందిన రైతు శేఖర్‌కు ఆదివారం వరిపొలంలో మొసలి కనిపించింది. భయంతో ఆయన గ్రామంలోకి పరిగెత్తి స్థానికులకు విషయం తెలియజేశారు. వారు స్నేక్‌ సొసైటీ నిర్వాహకుడు, హోంగార్డు కృష్ణసాగర్‌కు సమాచారం ఇవ్వడంతో ఆయన తన బృందంతో చేరుకుని రెండు గంటల పాటు శ్రమించి మొసలిని బంధించారు. ఆరు అడుగుల పొడవు, 185 కిలోల బరువు ఉందని ఆయన తెలిపారు. బంధించిన మొసలిని జూరాల జలాశయంలో విడిచిపెడతామన్నారు. సమీపంలోని చెరువు నుంచి  మొసలి వచ్చిందని, ఇటీవల ఓ ఆవుదూడ, మేకలను చంపి తిందని గ్రామస్థులు తెలిపారు.