అమెరికాలో సుడిగాలి బీభత్సం

ఆరుగురి మృతి, 23 మందికి గాయాలు

నాష్‌విల్‌: అమెరికాలోని టెన్నసీ రాష్ట్రంలో సుడిగాలులు విధ్వంసం సృష్టించాయి. వీటి ధాటికి శనివారం ఆరుగురు మృత్యువాతపడ్డారు. మరో 23 మంది గాయపడ్డారు. వీరిని ఆసుపత్రిలో చేర్చి చికిత్స అందిస్తున్నట్లు అధికారులు వెల్లడించారు. సుడిగాలుల విధ్వంసానికి టెన్నసీ నగరంలో ఇళ్లు  ధ్వంసం కావడంతోపాటు శనివారం రాత్రంతా విద్యుత్‌ సరఫరా నిలిచిపోయింది. మధ్యాహ్నం 2 గంటల సమయంలో సుడిగాలులు నగరాన్ని తాకాయి. టెన్నసీని మరిన్ని సుడిగాలులు తాకే అవకాశం ఉందని జాతీయ వాతావరణ సర్వీసు హెచ్చరికలు జారీచేసింది.