Breaking | Feedback | ePratibha | E-PAPER | Pratibha

IND vs NEP: ఆసియా గేమ్స్‌.. సెమీస్‌కు చేరిన టీమ్‌ఇండియా

ఆసియా క్రీడలు: పురుషుల క్రికెట్‌ విభాగంలో భారత్ సెమీస్‌కు చేరుకుంది. క్వార్టర్ ఫైనల్‌లో (IND vs NEP) నేపాల్‌పై 23 పరుగుల తేడాతో విజయం సాధించింది. తొలుత బ్యాటింగ్‌ చేసిన టీమ్‌ఇండియా 202/4 స్కోరు చేసింది. యశస్వి జైస్వాల్ (100: 49 బంతుల్లో 8 ఫోర్లు, 7 సిక్స్‌లు) సెంచరీ సాధించాడు. అనంతరం లక్ష్య ఛేదనలో నేపాల్ 179/9 స్కోరుకే పరిమితమైంది. దీపేంద్ర సింగ్ ఐరీ (32) టాప్‌ స్కోరర్. భారత బౌలర్లు అవేశ్ ఖాన్ 3, రవి బిష్ణోయ్ 3, అర్ష్‌దీప్‌ సింగ్ 2, సాయి కిశోర్ ఒక వికెట్ తీశారు.

Updated : 03 Oct 2023 09:58 IST

03/10/2023 07:47(IST)

యశస్వి సెంచరీ

16 ఓవర్లు: యువ బ్యాటర్ యశస్వి జైస్వాల్ (100*) 48 బంతుల్లో సెంచరీ సాధించాడు.
ఓవైపు వికెట్లు పడుతున్నా.. అద్భుతంగా ఆడాడు.
ఈ ఓవర్‌లో రెండు ఫోర్లు, సిక్స్‌ సహా 18 పరుగులు వచ్చాయి.
దీంతో భారత్‌ స్కోరు 149/3కి చేరింది.

03/10/2023 09:54(IST)

భారత్ విజయం

20 ఓవర్లు: చివరి ఓవర్‌లో 30 పరుగులు అవసరం కాగా.. శివమ్‌ దూబె అద్భుతంగా బౌలింగ్‌ వేశాడు.
చివరి బంతికి సిక్స్‌ మినహా మిగతా ఐదు బంతుల్లో పరుగులేమీ ఇవ్వలేదు.
దీంతో నేపాల్ నిర్ణీత 20 ఓవర్లలో 179/9తో సరిపెట్టుకుంది.
భారత్ 23 పరుగుల తేడాతో విజయం సాధించి సెమీస్‌లోకి అడుగు పెట్టింది.

03/10/2023 09:51(IST)

లామిచానె ఔట్

19 ఓవర్లు: అవేశ్ ఖాన్‌ ఖాతాలో మరో వికెట్ పడింది.
లామిచానె (5) భారీ షాట్‌కు యత్నించి సాయి కిశోర్ చేతికి చిక్కాడు.
ఈ ఓవర్‌లో 11 పరుగులు వచ్చాయి.
దీంతో నేపాల్ స్కోరు 173/9కి చేరింది.
చివరి ఓవర్‌లో 30 పరుగులు చేయాలి.
క్రీజ్‌లో కరన్ (12*), అబినాష్‌ ఉన్నారు.

03/10/2023 09:43(IST)

గుల్సాన్‌ ఔట్

18వ ఓవర్‌ తొలి బంతికే గుల్సాన్ (6) ఔటయ్యాడు.
భారీ షాట్‌కు యత్నించి బౌండరీ లైన్‌ వద్ద ఉన్న యశస్వి చేతికి క్యాచ్ ఇచ్చాడు.
దీంతో 156 పరుగుల వద్ద ఎనిమిదో వికెట్‌ను నేపాల్ నష్టపోయింది.
ప్రస్తుతం క్రీజ్‌లో కేసీ కరన్, సందీప్ లామిచానె ఉన్నారు.
ఈ ఓవర్‌లో ఆరు పరుగులు వచ్చాయి.
దీంతో నేపాల్ స్కోరు 162/8కి చేరింది.

03/10/2023 09:35(IST)

ఆరో వికెట్ డౌన్

సిక్స్‌లతో భయపెట్టిన సందీప్ (29) ఎట్టకేలకే ఔటయ్యాడు.
అర్ష్‌దీప్‌ బౌలింగ్‌లో (15.4వ ఓవర్‌) షాట్‌కు యత్నించి బౌండరీ లైన్‌ వద్ద యశస్వి క్యాచ్‌ పట్టడంతో సందీప్‌ పెవిలియన్‌కు చేరాడు.
క్రీజ్‌లోకి గుల్సాన్ వచ్చాడు.
ప్రస్తుతం నేపాల్ స్కోరు 16 ఓవర్లకు 147/6.
చివరి బంతిని సోంపాల్ (7*) సిక్స్‌గా మలిచాడు.
ఆఖరి నాలుగు ఓవర్లలో నేపాల్‌ విజయానికి 56 పరుగులు కావాలి.

03/10/2023 09:29(IST)

దీపేంద్ర ఔట్

డేంజరస్‌ బ్యాటర్ దీపేంద్ర సింగ్ (32) పెవిలియన్‌కు చేరాడు.
రవి బిష్ణోయ్ బౌలింగ్‌లో (14.2వ ఓవర్‌) భారీ షాట్‌కు యత్నించి సాయి కిశోర్ చేతికి చిక్కాడు.
దీంతో 122 పరుగుల వద్ద నేపాల్ ఐదో వికెట్‌ను కోల్పోయింది.
ప్రస్తుతం నేపాల్ స్కోరు 15 ఓవర్లకు 128/5కి చేరింది.
క్రీజ్‌లో సుందీప్ (17*), సోంపాల్ (1*) ఉన్నారు.

03/10/2023 09:20(IST)

చివరి బంతికి సిక్స్

13 ఓవర్లు: వికెట్లు పడినా.. నేపాల్ దూకుడు ఆగడం లేదు.
దీపేంద్ర సింగ్ (9*), సందీప్ (12*) వేగంగా ఆడేందుకు ప్రయత్నిస్తున్నారు.
సాయి కిశోర్‌ వేసిన ఈ ఓవర్‌లో సిక్స్‌ సహా 12 పరుగులు రాబట్టారు.
నేపాల్ స్కోరు 99/4కి చేరింది.

03/10/2023 09:13(IST)

ఒకే ఓవర్‌లో రెండు వికెట్లు

11 ఓవర్లు: నేపాల్‌కు కీలక ఎదురు దెబ్బ తగిలింది.
ఒకే ఓవర్‌లో రెండు వికెట్లను కోల్పోయింది.
తొలుత కుశాల్ మల్లా (29) ఇచ్చిన క్యాచ్‌ను రాహుల్ త్రిపాఠి/రింకు సింగ్‌ అద్భుతంగా ఒడిసిపట్టారు.
ఈ ఓవర్‌ చివరి బంతికి నేపాల్ కెప్టెన్ రోహిత్ (3) వికెట్ల ముందు దొరికిపోయాడు.
దీంతో నేపాల్ స్కోరు 77/4కి చేరింది.
క్రీజ్‌లో దీపేంద్ర సింగ్, సందీప్ ఉన్నారు.

03/10/2023 09:04(IST)

సగం ఇన్నింగ్స్‌ పూర్తి

10 ఓవర్లు: నేపాల్ ఇన్నింగ్స్‌లో పది ఓవర్లు ముగిశాయి.
వాషింగ్టన్ సుందర్ వేసిన ఈ ఓవర్‌లో కుశాల్ (28*) సిక్స్‌ కొట్టాడు.
మొత్తం 11 పరుగులు రావడంతో నేపాల్ స్కోరు 73/2.
క్రీజ్‌లో కుశాల్‌తోపాటు రోహిత్ (2*) ఉన్నారు.
మిగిలిన పది ఓవర్లలో నేపాల్ 130 పరుగులు చేయాలి.

03/10/2023 08:59(IST)

భుర్టెల్ ఔట్

నేపాల్ కీలక వికెట్‌ను కోల్పోయింది
కుశాల్ భుర్టెల్‌ను (28) సాయి కిశోర్ బోల్తా కొట్టించాడు.
బ్యాక్‌ షాట్ ఆడేందుకు యత్నించిన భుర్టెల్ లెగ్‌సైడ్‌ అవేశ్‌ ఖాన్ చేతికి చిక్కాడు.
దీంతో 62 పరుగుల వద్ద నేపాల్ రెండో వికెట్‌ను నష్టపోయింది.
ప్రస్తుతం నేపాల్ స్కోరు 9 ఓవర్లకు 62/2.
క్రీజ్‌లో రోహిత్ పౌడెల్, కుశాల్ మల్లా (19*) ఉన్నారు.
సాయి కిశోర్‌కు తొలి అంతర్జాతీయ వికెట్‌ దక్కింది.

03/10/2023 08:49(IST)

చేజారిన క్యాచ్‌

6 ఓవర్లు: పవర్‌ప్లేలో చివరి ఓవర్‌ను రవిబిష్ణోయ్‌ వేశాడు.
ఫోర్‌ సహా ఆరు పరుగులు మాత్రమే ఇచ్చాడు.
దీంతో నేపాల్ స్కోరు 46/1.
క్రీజ్‌లో కుశాల్ భుర్టెల్ (26*), కుశాల్ మల్లా (5*) ఉన్నారు.
నాలుగో బంతికి భుర్టెల్‌ ఇచ్చిన క్యాచ్‌ను పాయింట్‌ వద్ద చేజారింది.

03/10/2023 08:38(IST)

తొలి వికెట్

నేపాల్ తొలి వికెట్‌ను నష్టపోయింది.
అవేశ్ ఖాన్ బౌలింగ్‌లో ఆసిఫ్‌ (10) కీపర్‌ చేతికి చిక్కాడు.
ఈ ఓవర్‌లో అవేశ్‌ సిక్స్‌తోపాటు ఒక వైడ్ ఇచ్చాడు.
నేపాల్ స్కోరు 4 ఓవర్లకు 30/1 చేరింది.
క్రీజ్‌లోకి కుశాల్ మల్లా వచ్చాడు.

03/10/2023 08:28(IST)

రెండు ఫోర్లు

2 ఓవర్లు: అవేశ్‌ ఖాన్‌ ఈ ఓవర్ వేశాడు.
కుశాల్ (9*) తొలి బంతినే బౌండరీగా మలిచాడు.
ఆసిఫ్‌ (4*) చివరి బంతిని బౌండరీ కొట్టాడు. స్లిప్‌ మీదుగా వెళ్లిపోవడంతో క్యాచ్‌ చేజారింది.
ఈ ఓవర్‌లో 9 పరుగులు వచ్చాయి.
నేపాల్ స్కోరు 17/0కి చేరింది.

03/10/2023 08:02(IST)

రెండు సిక్స్‌లు.. రెండు డాట్‌లు

19 ఓవర్లు: డెత్‌లోనూ నేపాల్ బౌలర్లు బాగానే బౌలింగ్‌ చేస్తున్నారు.
అయితే, ఆ జట్టు కెప్టెన్‌ వేసిన రోహిత్ బౌలింగ్‌లో రెండు సిక్స్‌లు వచ్చాయి.
రింకు (14*), దూబె (25*) చెరొక సిక్స్ బాదారు.
ఈ ఓవర్‌లో 14 పరుగులు వచ్చాయి.
భారత్‌ స్కోరు 177/4.

03/10/2023 07:54(IST)

యశస్వి ఔట్

17 ఓవర్లు: సెంచరీ కొట్టిన ఆనందం కాసేపు కూడా నిలవలేదు.
జోరు పెంచుదామని భావించిన యశస్వి (100) దీపేంద్ర సింగ్‌ బౌలింగ్‌లో (16.2వ ఓవర్) అబినాష్‌ చేతికి చిక్కాడు.
ఈ ఓవర్‌లో ఫోర్ సహా 8 పరుగులు వచ్చాయి.
భారత్ స్కోరు 157/4.
క్రీజ్‌లో రింకు సింగ్ (2*), దూబె (17*) ఉన్నారు.

03/10/2023 07:34(IST)

మూడో వికెట్‌

13 ఓవర్లు: జితేశ్ శర్మ (5) పెవిలియన్‌కు చేరాడు.
సందీప్‌ లామిచానె బౌలింగ్‌లో (12.5వ ఓవర్‌లో) భారీ షాట్‌కు యత్నించాడు.
జితేశ్‌ కొట్టిన బంతి పైకి లేచి నేరుగా బౌలర్‌ చేతిక చిక్కింది.
దీంతో 119 పరుగుల వద్ద భారత్‌ మూడో వికెట్‌ను నష్టపోయింది.
ఈ ఓవర్‌లో కేవలం మూడు పరుగులే వచ్చాయి.
దీంతో భారత్‌ స్కోరు 119/3.

03/10/2023 07:26(IST)

తిలక్ ఔట్

భారత్ రెండో వికెట్‌ను కోల్పోయింది
తిలక్ వర్మ (2)ను సోంపాల్ బౌల్డ్‌ (11.4వ ఓవర్‌) చేశాడు.
దీంతో 111 పరుగుల వద్ద భారత్ రెండో వికెట్‌ను నష్టపోయింది.
క్రీజ్‌లోకి జితేశ్‌ శర్మ (4*) వచ్చాడు.
ఈ ఓవర్‌లో ఐదు పరుగులు వచ్చాయి.
జితేశ్‌ ఫోర్ కొట్టాడు.
దీంతో భారత్‌ స్కోరు 12 ఓవర్లకు 116/2కి చేరింది.

03/10/2023 07:16(IST)

రుతురాజ్‌ ఔట్

బ్యాటింగ్‌లో కాస్త ఇబ్బంది పడిన రుతురాజ్‌ ఔటయ్యాడు.
దీపేంద్ర సింగ్‌ బౌలింగ్‌లో (9.5వ ఓవర్‌) భారీ షాట్‌కు యత్నించి రోహిత్ పౌడెల్‌ చేతికి చిక్కాడు.
దీంతో భారత్‌ 103 పరుగుల వద్ద తొలి వికెట్‌ను నష్టపోయింది.
క్రీజ్‌లోకి తిలక్‌ వర్మ (1*) వచ్చాడు.
భారత్‌ స్కోరు 10 ఓవర్లకు 104/1.

03/10/2023 07:04(IST)

యశస్వి హాఫ్ సెంచరీ

భారత యువ ఓపెనర్‌ యశస్వి (57*) హాఫ్ సెంచరీ సాధించాడు.
కేవలం 22 బంతుల్లోనే అర్ధశతకం పూర్తిచేశాడు.
లామిచానె వేసిన ఇన్నింగ్స్‌ 7వ ఓవర్‌లో యశస్వి సిక్స్‌, ఫోర్ బాదాడు.
ఈ ఓవర్‌లో 13 పరుగులు వచ్చాయి.
భారత్‌ స్కోరు 76/0.

03/10/2023 07:00(IST)

పవర్‌ప్లే కంప్లీట్‌.. రెండే పరుగులు

6 ఓవర్లు: పవర్‌ ప్లే ముగిసింది.
పవర్‌ప్లేలో చివరి ఓవర్‌లో కేవలం రెండు పరుగులే ఇచ్చాడు.
దీపేంద్ర సింగ్‌ కట్టుదిట్టంగా బంతులు విసిరాడు.
భారత్‌ స్కోరు 63/0.
క్రీజ్‌లో యశస్వి (44*), రుతురాజ్‌ (14*) ఉన్నారు.

03/10/2023 06:45(IST)

నిలకడగా భారత బ్యాటింగ్‌

టాస్ నెగ్గిన భారత్‌ బ్యాటింగ్‌ ఎంచుకుంది.
ఓపెనర్లుగా రుతురాజ్‌ గైక్వాడ్, యశస్వి జైస్వాల్‌ బరిలోకి దిగారు.
ఇన్నింగ్స్‌ను నిదానంగా ప్రారంభించారు.
తొలి ఓవర్‌లో ఆరు పరుగులు వచ్చాయి.
భారత జట్టు ఇదే.. రుతురాజ్‌ గైక్వాడ్ (కెప్టెన్), యశస్వి జైస్వాల్, తిలక్ వర్మ, జితేశ్‌ శర్మ (వికెట్ కీపర్), రింకు సింగ్, శివమ్‌ దూబె, వాషింగ్టన్ సుందర్, సాయి కిశోర్, రవి బిష్ణోయ్, అవేశ్‌ ఖాన్, అర్ష్‌దీప్‌ సింగ్

IND vs NEP: ఆసియా గేమ్స్‌.. సెమీస్‌కు చేరిన టీమ్‌ఇండియా

తాజా వార్తలు (Latest News)

లౌంగిక దౌర్జన్యం కేసు.. పరారీలో ప్రజ్వల్ రేవణ్ణ తల్లి..!

ముగిసిన సుదీర్ఘ ధ్యానం.. తిరువళ్లువర్‌కు మోదీ నివాళులు

అసైన్డ్‌ భూములు 20 ఏళ్ల తర్వాత ఎప్పుడైనా అమ్ముకోవచ్చు: విశాఖ కలెక్టర్‌

హీరో- హీరోయిన్‌ తిట్టుకుంటే సినిమా హిట్టే: శర్వానంద్‌

92 ఏళ్లలో తొలిసారి ఓటు.. వృద్ధుడి ఆనందం!

సీఎంఆర్‌ అల్యూమినియం పరిశ్రమలో 50 మంది కార్మికులకు అస్వస్థత

సుఖీభవ

చదువు