Breaking | Feedback | ePratibha | E-PAPER | Pratibha

టీ20 ప్రపంచ కప్.. భారత్ - పాకిస్థాన్‌ మ్యాచ్ లైవ్‌ అప్‌డేట్స్

పాకిస్థాన్‌తో జరిగిన ఉత్కంఠ పోరులో టీమ్ఇండియా 6 పరుగుల తేడాతో విజయం సాధించింది.

Updated : 10 Jun 2024 01:15 IST

10/06/2024 01:09(IST)

IND vs PAK: ఉత్కంఠ పోరులో భారత్‌దే గెలుపు

టీ20 ప్రపంచకప్‌ 2024లో భారత్ వరుసగా రెండో విజయం సాధించింది.
పాకిస్థాన్‌తో జరిగిన ఉత్కంఠ పోరులో టీమ్ఇండియా 6 పరుగుల తేడాతో గెలుపొందింది.
తొలుత భారత్ 19 ఓవర్లలో 119 పరుగులకు ఆలౌటైంది.
అనంతరం లక్ష్యఛేదనకు దిగిన పాక్.. 20 ఓవర్లలో 7 వికెట్ల నష్టానికి 113 పరుగులు చేసింది.
భారత బౌలర్లు అద్భుతంగా బౌలింగ్ చేసి చిరకాల ప్రత్యర్థిని ఓడించారు.
పాక్ బ్యాటర్లలో మహ్మద్ రిజ్వాన్ (31) టాప్ స్కోరర్.
జస్‌ప్రీత్ బుమ్రా (3/14), హార్దిక్ పాండ్య (2/24) పాక్‌ పనిపట్టారు. అర్ష్‌దీప్ సింగ్, అక్షర్ పటేల్ చెరో వికెట్ పడగొట్టారు.

10/06/2024 01:05(IST)

IND vs PAK: పాక్‌ ఆరో వికెట్.. ఫలితం తేలేది చివరి ఓవర్లోనే

పాక్ ఆరో వికెట్ కోల్పోయింది. బుమ్రా వేసిన 19 ఓవర్‌లో చివరి బంతికి ఇప్తికర్ (5) ఔటయ్యాడు.
అర్ష్‌దీప్ సింగ్ సూపర్ క్యాచ్ అందుకోవడంతో అతడు వెనుదిరిగాడు.
19 ఓవర్లకు స్కోరు 102/6.
పాక్‌ విజయానికి 6 బంతుల్లో 18 రన్స్ అవసరం.

10/06/2024 00:58(IST)

IND vs PAK: పాక్‌ విజయానికి 12 బంతుల్లో 21 పరుగులు.. ఇండియా గెలుస్తుందా?

మ్యాచ్‌ ఉత్కంఠగా మారింది.
సిరాజ్ వేసిన 18 ఓవర్‌లో 9 రన్స్ వచ్చాయి.
18 ఓవర్లకు స్కోరు 99/5. ఇమాద్ వసీం (13), ఇప్తికర్ (5) క్రీజులో ఉన్నారు.
పాక్‌ విజయానికి 12 బంతుల్లో 21 పరుగులు అవసరం.

10/06/2024 00:44(IST)

IND vs PAK: ఉత్కంఠగా మారిన మ్యాచ్.. 16 ఓవర్లు పూర్తి

భారత బౌలర్లు కట్టుదిట్టంగా బౌలింగ్ చేస్తూ తిరిగి జట్టును పోటీలోకి తెచ్చారు.
అక్షర్ పటేల్ 16 ఓవర్‌ వేసి రెండు పరుగులే ఇచ్చాడు.
16 ఓవర్లకు పాక్ స్కోరు 85/4. షాదాబ్ ఖాన్ (2), ఇమాద్ వసీం (8) పరుగులతో ఉన్నారు.
పాక్ విజయం సాధించాలంటే 24 బంతుల్లో 35 పరుగులు అవసరం.

10/06/2024 00:36(IST)

IND vs PAK: రిజ్వాన్ (31) ఔట్.. పాక్‌ నాలుగో వికెట్ డౌన్

పాక్ నాలుగో వికెట్ కోల్పోయింది. మహ్మద్ రిజ్వాన్ (31) ఔటయ్యాడు.
బుమ్రా వేసిన 15 ఓవర్‌లో తొలి బంతికి క్లీన్‌బౌల్డ్ అయ్యాడు.
15 ఓవర్లకు స్కోరు 83/4. ఇమాద్ వసీం (7), షాదాబ్ ఖాన్ (1) క్రీజులో ఉన్నారు.

10/06/2024 00:24(IST)

IND vs PAK: ఫకార్ జమాన్ (13) ఔట్.. పాక్‌ మూడో వికెట్

హార్దిక్ వేసిన 12.2 ఓవర్‌కు ఫకార్ జమాన్ (13) పంత్‌కు క్యాచ్‌ ఇచ్చాడు.
తర్వాతి నాలుగు బంతుల్లో ఒక్క పరుగూ ఇవ్వలేదు అర్ష్‌దీప్.
13 ఓవర్లకు స్కోరు 73/3. ఇమాద్ వసీం (0), మహ్మద్‌ రిజ్వాన్ (30) క్రీజులో ఉన్నారు.

10/06/2024 00:14(IST)

IND vs PAK: రెండో వికెట్ కోల్పోయిన పాకిస్థాన్

పాకిస్థాన్‌ రెండో వికెట్ కోల్పోయింది. ఉస్మాన్ ఖాన్‌ (13) ఔటయ్యాడు.
అక్షర్ పటేల్ వేసిన 10.1 ఓవర్‌కు ఎల్బీడబ్ల్యూగా వెనుదిరిగాడు.
తర్వాత వచ్చిన ఫకార్‌ జమాన్‌ (8) సిక్సర్ బాదాడు.
11 ఓవర్లకు స్కోరు 66/2. రిజ్వాన్ (28) పరుగులతో ఉన్నాడు.

10/06/2024 00:09(IST)

IND vs PAK: 50 దాటిన పాకిస్థాన్‌ స్కోరు

120 పరుగుల లక్ష్యఛేదనలో పాక్ 9 ఓవర్లకు 50 పరుగులు దాటింది.
హార్దిక్ పాండ్య వేసిన తొమ్మిదో ఓవర్‌లో 9 రన్స్‌ వచ్చాయి.
ఉస్మాన్ ఖాన్‌ (12) ఫోర్ బాదాడు.
9 ఓవర్లకు స్కోరు 51/1. రిజ్వాన్ (22), ఉస్మాన్ ఖాన్‌ (12) పరుగులతో ఉన్నారు.

09/06/2024 23:47(IST)

IND vs PAK: సూర్యకుమార్ సూపర్ క్యాచ్.. బాబర్ అజామ్ ఔట్

పాక్‌ మొదటి వికెట్ కోల్పోయింది. బాబర్ అజామ్ (13) ఔటయ్యాడు.
బుమ్రా వేసిన 4.4 ఓవర్‌కు ఫస్ట్ స్లిప్‌లో సూర్యకుమార్ సూపర్‌ క్యాచ్‌ అందుకున్నాడు.
5 ఓవర్లకు పాక్‌ 26/1. ఉస్మాన్ ఖాన్ (0), మహ్మద్ రిజ్వాన్ (10) పరుగులతో ఉన్నారు.

09/06/2024 23:10(IST)

IND vs PAK: విఫలమైన భారత బ్యాటర్లు.. పాక్‌ టార్గెట్ 120

టీ20 ప్రపంచ కప్ 2024లో పాకిస్థాన్‌తో జరుగుతున్న మ్యాచ్‌లో భారత బ్యాటర్లు విఫలమయ్యారు.
పిచ్‌ పేస్‌ బౌలింగ్‌కు అనుకూలించడంతో పాక్ బౌలర్లు చెలరేగారు.
దీంతో 19 ఓవర్లలో టీమ్ఇండియా 119 పరుగులకు ఆలౌటైంది.
రిషభ్ పంత్ (42) టాప్‌ స్కోరర్. అక్షర్ పటేల్ (20), రోహిత్ శర్మ (13) పరుగులు చేశారు.
విరాట్ కోహ్లీ (4), సూర్యకుమార్ యాదవ్ (7), శివమ్ దూబె (3), హార్దిక్ పాండ్య (7), రవీంద్ర జడేజా (0) తీవ్ర నిరాశపర్చారు.
పాక్‌ బౌలర్లలో నసీమ్ షా 3, హారిస్ రవూఫ్‌ 3, మహ్మద్ అమీర్ 2, షాహీన్ అఫ్రిది ఒక వికెట్ పడగొట్టారు.

09/06/2024 23:04(IST)

IND vs PAK: ఆలౌట్‌కు చేరువైన టీమ్ఇండియా

బుమ్రా (0) తాను ఎదుర్కొన్న మొదటి బంతికే ఔటయ్యాడు.
రవూఫ్‌ వేసిన 17.5 ఓవర్‌కు ఇమాద్ వసీంకు క్యాచ్‌ ఇచ్చాడు.
దీంతో భారత్ తొమ్మిదో వికెట్ కోల్పోయింది.
18 ఓవర్లకు స్కోరు 113/9. అర్ష్‌దీప్ (9), సిరాజ్ (1) పరుగులతో ఉన్నారు.

09/06/2024 22:48(IST)

IND vs PAK: కష్టాల్లో టీమ్‌ఇండియా.. క్రీజులో హార్దిక్ పాండ్య

అమీర్ వేసిన 15 ఓవర్‌లో మొదటి రెండు బంతులకు వరుసగా రిషభ్ పంత్ (42), జడేజా (0) ఔటయ్యారు.
పంత్ బాబర్‌ అజామ్‌కు క్యాచ్‌ ఇవ్వగా.. జడేజా ఇమాద్‌ వసీంకు క్యాచ్‌ ఇచ్చాడు.
15 ఓవర్లకు స్కోరు 97/7. హార్దిక్ పాండ్య (0), అర్ష్‌దీప్ సింగ్ (1) క్రీజులో ఉన్నారు.

09/06/2024 22:40(IST)

IND vs PAK: శివమ్‌ దూబె ఔట్‌..

14వ ఓవర్‌ వేసిన నసీమ్‌ షా
తొలి బంతికి సింగిల్‌
రెండో బంతికి కాటన్‌ బౌల్డ్‌ అయిన దూబె (3)
క్రీజులోకి వచ్చిన హార్దిక్‌
తర్వాత మూడు బంతులకు నో రన్స్‌
చివరి బంతికి నోబ్‌.. ఫ్రీ హిట్‌ ఉపయోగించుకోలేని హార్దిక్‌
14 ఓవర్లకు భారత్‌ స్కోర్‌ 96/5

09/06/2024 22:31(IST)

IND vs PAK: సూర్య ఔట్‌.. 4 వికెట్లు కోల్పోయిన భారత్‌

12వ ఓవర్‌ వేసిన రవూఫ్‌
తొలి బంతికి డాట్‌
రెండో బంతికి అమీర్‌కు క్యాచ్‌ ఇచ్చి ఔటైన సూర్య (7)
క్రీజులోకి వచ్చిన దూబె
తర్వాత వరుసగా మూడు బంతులు డాట్‌
చివరి బంతికి సింగిల్‌
12 ఓవర్లకు టీమ్‌ఇండియా స్కోర్‌ 90/4

09/06/2024 22:25(IST)

IND vs PAK: 11 ఓవర్లకు భారత్‌ స్కోర్‌ 89/3

11వ ఓవర్‌ వేసిన ఇమాద్‌ వసీం
తొలి బంతికి సింగిల్‌ తీసిన పంత్‌
రెండో బంతికి సింగిల్‌
మూడో బంతికి డాట్‌
నాలుగో బంతికి థర్డ్‌ మ్యాన్‌ దిశగా ఫోర్‌ బాదిన పంత్‌
ఐదో బంతికి సింగిల్‌
చివరి బంతికి సింగిల్‌ తీసిన సూర్య
ఈ ఓవర్లో వచ్చిన పరుగులు 8

09/06/2024 22:08(IST)

IND vs PAK: అక్షర్ పటేల్ క్లీన్‌బౌల్డ్.. భారత్ మూడో వికెట్

నిలకడగా ఆడుతున్న అక్షర్ పటేల్ (20; 18 బంతుల్లో) ఔటయ్యాడు.
నసీమ్‌ షా వేసిన ఎనిమిదో ఓవర్‌లో మొదటి మూడు బంతుల్లో ఒకే పరుగు వచ్చింది.
నాలుగో బంతికి అక్షర్ క్లీన్‌బౌల్డ్ అయ్యాడు.
తర్వాత వచ్చిన సూర్యకుమార్ యాదవ్ (4) బౌండరీ బాదాడు.
8 ఓవర్లకు స్కోరు 62/3. రిషభ్‌ పంత్ (17) పరుగులతో ఉన్నాడు.

09/06/2024 22:06(IST)

IND vs PAK: నిలకడగా ఆడుతున్న రిషభ్ పంత్, అక్షర్ పటేల్

ఇప్తికార్‌ అహ్మద్ వేసిన ఏడో ఓవర్‌లో 7 రన్స్ వచ్చాయి.
మొదటి ఐదు బంతుల్లో ఒక వైడ్, రెండు సింగిల్స్‌ వచ్చాయి.
చివరి బంతికి అక్షర్ పటేల్ (20) ఫోర్ బాదాడు.
7 ఓవర్లకు స్కోరు 57/2. పంత్ (16) పరుగులతో ఉన్నాడు.

09/06/2024 22:00(IST)

IND vs PAK: క్యాచ్‌ మిస్‌... బతికిపోయిన రిషభ్‌ పంత్‌

మహ్మద్ అమీర్ వేసిన ఐదో ఓవర్‌లో తొలి బంతిని రిషభ్ పంత్ బౌండరీకి పంపాడు.
తర్వాతి బంతికి పంత్ ఇచ్చిన కాస్త కష్టతరమైన క్యాచ్‌ను ఫీల్డర్ ఉస్మాన్‌ ఖాన్ అందుకోలేకపోయాడు. ఈ
ఐదో బంతికి కూడా పంత్ ఫోర్ బాదాడు.
పవర్‌ ప్లే ముగిసేసరికి స్కోరు 50/2. రిషభ్ పంత్ (15), అక్షర్ పటేల్ (15) పరుగులతో ఉన్నారు.

09/06/2024 21:53(IST)

IND vs PAK: వరుసగా ఫోర్, సిక్స్‌ బాదిన అక్షర్ పటేల్

షాహీన్ అఫ్రిది వేసిన ఐదో ఓవర్‌లో 14 పరుగులు వచ్చాయి.
మొదటి రెండు బంతులకు అక్షర్ పటేల్ (14) వరుసగా 4, 6 బాదాడు.
తర్వాత 1, 0, 1, 2 రన్స్‌ వచ్చాయి.
5 ఓవర్లకు స్కోరు 38/2. రిషభ్‌ పంత్ (4) పరుగులతో ఉన్నారు.

09/06/2024 21:39(IST)

IND vs PAK: భారత్‌కు వరుస షాక్‌లు.. కోహ్లీ, రోహిత్ ఔట్

టీమ్ఇండియాకు మరో షాక్‌ తగిలింది. కెప్టెన్ రోహిత్ శర్మ (13) ఔటయ్యాడు.
షాహీన్ అఫ్రిది వేసిన మూడో ఓవర్లో మొదటి మూడు బంతులు డాట్.
నాలుగో బంతికి రోహిత్ భారీ షాట్ ఆడి హారిస్‌ రవూఫ్‌కు క్యాచ్‌ ఇచ్చాడు.
ఈ ఓవర్‌లో ఒక పరుగు దాటి కూడా వైడ్ రూపంలో వచ్చింది.
2 ఓవర్లకు స్కోరు 20/2. అక్షర్ పటేల్ (0), రిషభ్‌ పంత్ (0) క్రీజులోకి వచ్చారు.

09/06/2024 21:32(IST)

IND vs PAK: టీమ్‌ఇండియాకు బిగ్ షాక్‌.. విరాట్ కోహ్లీ ఔట్

టీమ్‌ఇండియాకు గట్టి షాక్ తగిలింది. స్టార్‌ బ్యాటర్ విరాట్ కోహ్లీ (4) ఔటయ్యాడు.
నసీమ్ షా వేసిన రెండో ఓవర్‌లో మొదటి బంతికి విరాట్ ఫోర్ బాదాడు. రెండో బంతి డాట్.
కోహ్లీ మూడో బంతికి కవర్‌ పాయింట్‌లో ఉస్మాన్‌ ఖాన్‌కు క్యాచ్‌ ఇచ్చాడు.
తర్వాత రోహిత్ శర్మ (13) ఫోర్ బాదాడు.
2 ఓవర్లకు భారత్ స్కోరు 19/1.

09/06/2024 20:56(IST)

IND vs PAK: ప్రారంభమైన మ్యాచ్‌.. ఫస్ట్ ఓవర్లోనే రోహిత్ సిక్స్‌

భారత్ టాస్ ఓడి బ్యాటింగ్‌కు దిగింది.
షహీన్ అఫ్రిది వేసిన తొలి ఓవర్‌లో 8 రన్స్ వచ్చాయి.
మొదటి బంతికి 2 పరుగులు చేసిన రోహిత్. రెండో బంతి డాట్.
మూడో బంతికి రోహిత్ శర్మ సిక్స్ బాదాడు.
చివరి మూడు బంతులు డాట్.

09/06/2024 19:52(IST)

IND vs PAK: గుడ్‌న్యూస్.. 8 గంటలకు టాస్‌

క్రికెట్ అభిమానులకు గుడ్‌న్యూస్. మ్యాచ్ నిర్వహణకు వీలుగా మైదానం సిద్ధమైంది.
8 గంటలకు టాస్ వేయనున్నారు. పిచ్‌పై ఉన్న కవర్లను తొలగించారు.
ఓవర్ల కుదింపు లేకుండా 8.30 గంటల నుంచి మ్యాచ్‌ ప్రారంభంకానుంది.

09/06/2024 19:34(IST)

IND vs PAK: టాస్ ఆలస్యం

భారత్, పాక్‌ మ్యాచ్‌కు సంబంధించిన టాస్‌ ఆలస్యం కానుంది.
మ్యాచ్‌కు ఆతిథ్యమిస్తున్న న్యూ యార్క్‌లో కొద్దిసేపటి క్రితం వర్షం కురిసింది.
దీంతో పిచ్‌ను కవర్లతో కప్పి ఉంచారు.
7:45 నిమిషాలకు అంపైర్లు మైదానాన్ని పరిశీలించనున్నారు.

09/06/2024 17:40(IST)

‘మిస్టర్ 360’ కాదు.. అతడు ఉండటమే భారత్‌కు ప్లస్‌: సూర్య చిన్ననాటి కోచ్

ఇప్పుడు క్రికెట్ అభిమానుల కళ్లన్నీ భారత్ - పాకిస్థాన్‌ మ్యాచ్‌పైనే. టీ20 ప్రపంచ కప్‌లో దాయాదుల పోరు చూసేందుకు అందరూ ఆత్రుతగా ఎదురు చూస్తున్నారు. టీమ్‌ఇండియా నుంచి ఎవరు రాణిస్తారనేది ఆసక్తికరంగా మారింది. రోహిత్, విరాట్, సూర్య.. ఇలా టాప్‌ ఆర్డర్‌ దంచి కొట్టాలనేది భారత అభిమానుల ఆకాంక్ష. అయితే, టీమ్‌ఇండియాకు అదనపు బలం మాత్రం రిషభ్‌ పంత్‌ అని ‘మిస్టర్ 360’ బ్యాటర్ సూర్యకుమార్‌ యాదవ్ చిన్ననాటి కోచ్ అశోక్ అశ్వాల్కర్ వ్యాఖ్యానించారు. పూర్తి వార్త కోసం క్లిక్ చేయండి

09/06/2024 16:02(IST)

దాయాదుల పోరు.. కళ్లన్నీ అటే

22 గజాల పిచ్‌.. రెండు దేశాల క్రికెట్‌ సమరం. ఇది కేవలం ఆట మాత్రమే కాదు అంతకుమించి! ఓ మ్యాచ్‌ జరుగుతుందంటే ఇరు దేశాల అభిమానులే ఆసక్తిగా చూస్తారు. కానీ ఈ రెండు జట్లు ఆడుతుంటే.. క్రికెట్‌ ప్రపంచమే ఆగిపోతుంది! తెరలకు కళ్లను అప్పగించి.. మనసును మైదానానికి అర్పించే పోరుకు సమయం సిద్ధమైంది. చిరకాల ప్రత్యర్థులైన భారత్, పాకిస్థాన్‌ మ్యాచ్‌ ఆదివారమే. సూపర్‌ ఓవర్లు.. సంచలన విజయాలతో సాగుతున్న టీ20 ప్రపంచకప్‌ జోష్‌ను మరింత పెంచేందుకు.. క్రికెట్‌ మత్తులో యుఎస్‌ను ఊపేసేందుకు ఈ దాయాది జట్లు సై అంటున్నాయి. పూర్తి వార్త కోసం క్లిక్‌ చేయండి

09/06/2024 16:00(IST)

పాక్‌తో పోరు.. ఏడులో ఆరు భారత్‌వే!

క్రికెట్‌ చూసేందుకు ఆసక్తిగా ఉండాలంటే సమవుజ్జీలు బరిలోకి దిగాలి. అప్పుడే ఆ మ్యాచ్‌ను ఫ్యాన్స్‌ ఇంట్రెస్టింగ్‌గా చూస్తారు. అలాంటి పోరుల్లో భారత్ - పాకిస్థాన్‌ మ్యాచ్‌ (IND vs PAK) ఒకటి. మళ్లీ టీ20 వరల్డ్‌ కప్‌ పుణ్యామా అని అభిమానులను అలరించేందుకు సిద్ధమైంది. ఇప్పటివరకు ఏడుసార్లు జరిగిన పొట్టి కప్‌లో రెండు జట్లు తలపడగా.. ఆరింట్లో భారత్‌ గెలిచింది. ఒకదాంట్లోనే పాక్‌ను విజయం సాధించింది. మరి ఆయా మ్యాచుల్లో ఎవరు సత్తా చాటారో చూద్దాం.. పూర్తి వార్త కోసం క్లిక్ చేయండి

09/06/2024 15:57(IST)

దాయాదుల పోరు.. భారత్ 60%.. పాకిస్థాన్ 40%!

టీ20 ప్రపంచ కప్‌లో ఇవాళ రాత్రి 8 గంటలకు (భారత కాలమానం ప్రకారం) టీమ్‌ఇండియా - పాకిస్థాన్‌ (IND vs PAK) మ్యాచ్‌ జరగనుంది. ఇందుకు వేదిక న్యూయార్క్‌లోని నాసౌవ్‌ మైదానం. నిలకడలేని బౌన్స్‌తో పిచ్‌ వార్తల్లో నిలిచింది. క్రికెటర్లు గాయాలపాలు కావడానికి ఎక్కువ ఆస్కారం ఉంటుందని క్రికెట్ విశ్లేషకుల అభిప్రాయం. ఈ మైదానంలో భారీ స్కోర్లు నమోదు కావడం కూడా కష్టమని ఇప్పటికే తేలిపోయింది. ఈ క్రమంలో దాయాదుల పోరుపై పాక్‌ మాజీ స్టార్ వకార్‌ యూనిస్, వసీమ్‌ అక్రమ్ కీలక వ్యాఖ్యలు చేశారు. పూర్తి వార్త కోసం క్లిక్‌ చేయండి

09/06/2024 15:56(IST)

పిచ్‌ క్యురేటర్‌కూ తప్పని అయోమయం: రోహిత్ శర్మ

టీ20 ప్రపంచ కప్‌లో తొలి విజయం సాధించిన భారత్‌ మరో కీలక పోరుకు సిద్ధమైంది. న్యూయార్క్‌ వేదికగా పాకిస్థాన్‌తో టీమ్‌ఇండియా తలపడనుంది. అయితే, ఆ పిచ్‌పై ఇప్పటికే ఐసీసీకి ఫిర్యాదులు అందినట్లు వార్తలు వస్తున్నాయి. దీంతో పిచ్‌లో మార్పులు చేస్తారనే వ్యాఖ్యలు వినిపించాయి. వాటిపై ఐసీసీ క్లారిటీ ఇచ్చేసింది. తాజాగా పాక్‌తో మ్యాచ్‌ సందర్భంగా కెప్టెన్ రోహిత్ శర్మ ఆసక్తికర వ్యాఖ్యలు చేశాడు. పూర్తి వార్త కోసం క్లిక్‌ చేయండి

టీ20 ప్రపంచ కప్.. భారత్ - పాకిస్థాన్‌ మ్యాచ్ లైవ్‌ అప్‌డేట్స్

తాజా వార్తలు (Latest News)

ఏపీకి ఐపీఎస్‌ కేడర్‌ స్ట్రెంత్‌ పెంపు

‘రాయన్‌’ సక్సెస్‌.. ఫొటో వైరల్‌

నీతి ఆయోగ్‌ భేటీ.. వికసిత్‌ ఏపీ-2047లోని అంశాలను ప్రస్తావించనున్న చంద్రబాబు

ప్రధాని మోదీ అధ్యక్షతన నీతి ఆయోగ్‌ సమావేశం ప్రారంభం

‘కల్కి’లో రాజమౌళి ఎలా భాగమయ్యారు..?: నాగ్‌అశ్విన్‌ ఏం చెప్పారంటే

మదనపల్లె దస్త్రాల దహనం కేసులో ఆరోరోజు విచారణ

సుఖీభవ

చదువు