Breaking | Feedback | ePratibha | E-PAPER | Pratibha

IND vs SL: శ్రీలంక 55 ఆలౌట్.. భారత్ ఘన విజయం

ప్రపంచకప్‌లో భాగంగా శ్రీలంకతో జరిగిన మ్యాచ్‌లో టీమ్‌ఇండియా 302 పరుగుల తేడాతో భారీ విజయం సాధించింది. 358 పరుగుల లక్ష్యంతో బరిలోకి దిగిన శ్రీలంక.. 55 పరుగులకే కుప్పకూలింది.

Updated : 02 Nov 2023 20:44 IST

02/11/2023 20:34(IST)

భారత్ ఘన విజయం

ప్రపంచకప్‌లో భారత్‌ విజయాల పరంపర కొనసాగిస్తోంది.
ఇప్పటికే ఆరు విజయాలు సాధించిన టీమ్‌ఇండియా.. తాజాగా శ్రీలంకను 302 పరుగుల తేడాతో చిత్తుగా ఓడించి అధికారికంగా సెమీస్‌కు దూసుకెళ్లింది.
తొలుత బ్యాటింగ్ చేసిన భారత్.. నిర్ణీత 50 ఓవర్లలో 8 వికెట్ల నష్టానికి 357 పరుగులు చేసింది.
ఈ భారీ లక్ష్యఛేదనలో భారత పేసర్ల ధాటికి శ్రీలంక 19.4 ఓవర్లలో 55 పరుగులకే కుప్పకూలింది.

02/11/2023 19:02(IST)

నాలుగో వికెట్

శ్రీలంక నాలుగో వికెట్ కోల్పోయింది.
సిరాజ్ వేసిన 3.1 ఓవర్‌కు కుశాల్ మెండిస్ (1) క్లీన్‌బౌల్డ్ అయ్యాడు.
ఈ ఓవర్‌లో తర్వాతి నాలుగు బంతులకు పరుగులు రాలేదు.
చివరి బంతిని ఏంజొలో మాథ్యూస్ (4) బౌండరీకి పంపాడు.
4 ఓవర్లకు స్కోరు 7/4.

02/11/2023 18:53(IST)

మూడో వికెట్

భారత పేసర్ సిరాజ్ విజృంభిస్తున్నాడు.
అతడు మరో వికెట్ పడగొట్టాడు.
అతడు వేసిన 1.5 ఓవర్‌కు సదీర సమరవిక్రమ (0) స్లిప్‌లో శ్రేయస్ అయ్యర్‌కు చిక్కాడు.
2 ఓవర్లకు శ్రీలంక స్కోరు 2/3. చరిత్ అసలంక (0), కుశాల్ మెండిస్ (0) క్రీజులో ఉన్నారు.

02/11/2023 18:40(IST)

తొలి బంతికే వికెట్

లక్ష్యఛేదనకు దిగిన శ్రీలంకకు బుమ్రా ఆదిలోనే షాక్‌ ఇచ్చాడు.
ఇన్నింగ్స్‌ తొలి బంతికే నిశాంక (0) ఎల్బీడబ్ల్యూగా వెనుదిరిగాడు.
తర్వాత బుమ్రా వరుసగా రెండు వైడ్లు వేశాడు. మిగతా బంతులకు పరుగులు రాలేదు.
కుశాల్ మెండిస్ (0), కరుణరత్నె (0) క్రీజులో ఉన్నారు.

02/11/2023 18:06(IST)

శ్రీలంక టార్గెట్ 358

ప్రపంచకప్‌లో భాగంగా శ్రీలంకతో జరుగుతున్న మ్యాచ్‌లో టీమ్‌ఇండియా భారీ స్కోరు చేసింది.
నిర్ణీత 50 ఓవర్లలో 8 వికెట్ల నష్టానికి 357 పరుగులు చేసింది.
ఓపెనర్ రోహిత్ శర్మ (4) ఈ సారి విఫలమయ్యాడు.
మరో ఓపెనర్ శుభ్‌మన్ గిల్ (92; 92 బంతుల్లో 11 ఫోర్లు, 2 సిక్స్‌లు), వన్‌డౌన్ బ్యాటర్‌ విరాట్‌ కోహ్లీ (88; 94 బంతుల్లో 11 ఫోర్లు) భారీ ఇన్నింగ్స్‌లు ఆడారు.
వీరిద్దరూ ఔటైన తర్వాత ,శ్రేయస్ అయ్యర్ (82; 56 బంతుల్లో 3 ఫోర్లు, 6 సిక్స్‌లు) కూడా ధాటిగా ఆడటంతో భారత్ భారీ స్కోరు చేసింది.

02/11/2023 17:22(IST)

సూర్య ఔట్

సూర్యకుమార్ యాదవ్ (12) ఔటయ్యాడు.
మధుశంక వేసిన 42 ఓవర్లో మూడో బంతికి వికెట్ కీపర్ కుశాల్ మెండిస్‌కు చిక్కాడు.
దీంతో 276 పరుగుల వద్ద టీమ్‌ఇండియా ఐదో వికెట్ కోల్పోయింది.
42 ఓవర్లకు స్కోరు 279/5. రవీంద్ర జడేజా (3) పరుగులతో ఉండగా.. శ్రేయస్ అయ్యర్ (46) అర్ధ శతకానికి చేరువయ్యాడు.

02/11/2023 17:04(IST)

అర్ధ శతక భాగస్వామ్యం

కేఎల్ రాహుల్, శ్రేయస్ అయ్యర్ నిలకడగా ఆడుతున్నారు.
చమీర వేసిన 38 ఓవర్లో 8 పరుగులు వచ్చాయి.
ఈ క్రమంలోనే వీరిద్దరూ అర్ధ శతక భాగస్వామ్యం నెలకొల్పారు.
38 ఓవర్లకు స్కోరు 248/3. శ్రేయస్ (32), రాహుల్ (19) పరుగులతో ఉన్నారు.

02/11/2023 16:48(IST)

చివరి బంతికి సిక్స్

శ్రేయస్ అయ్యర్ మరో సిక్సర్ బాదాడు.
హేమంత వేసిన 35 ఓవర్‌లో మొదటి ఐదు బంతులకు సింగిల్స్ వచ్చాయి.
చివరి బంతిని అయ్యర్ లాంగాఫ్‌ మీదుగా స్టాండ్స్‌లోకి పంపాడు.
35 ఓవర్లకు స్కోరు 225/3. అయ్యర్ (20), రాహుల్ (10) పరుగులతో ఉన్నారు.

02/11/2023 16:00(IST)

సగం ఓవర్లు పూర్తి

భారత బ్యాటర్లు నిలకడగా ఆడుతున్నారు.
తీక్షణ వేసిన 25 ఓవర్‌లో 11 పరుగులు రాగా.. కోహ్లీ, గిల్ చెరో బౌండరీ బాదారు.
సగం ఓవర్లు పూర్తి అయ్యేసరికి టీమ్ఇండిమా స్కోరు 151/1.
శుభ్‌మన్ గిల్ (65), కోహ్లీ (73) పరుగులతో ఉన్నారు.

02/11/2023 15:46(IST)

కోహ్లీ ఆన్‌ డ్రైవ్

22 ఓవర్లు: రజిత ఈ ఓవర్‌ వేశాడు.
ఆన్‌డ్రైవ్‌ చేసిన విరాట్ కోహ్లీ (62*) ఫోర్‌గా మలిచాడు.
ఆరు పరుగులు రావడంతో భారత్‌ స్కోరు 132/1కి చేరింది.
గిల్‌తో కలిసి కోహ్లీ రెండో వికెట్‌కు 128 పరుగుల భాగస్వామ్యం నిర్మించాడు.

02/11/2023 15:29(IST)

కోహ్లీ హాఫ్ సెంచరీ

17 ఓవర్లు: భారత స్టార్ బ్యాటర్ విరాట్ కోహ్లీ (51*) హాఫ్ సెంచరీ పూర్తి చేశాడు.
హేమంత వేసిన ఈ ఓవర్‌లో 9 పరుగులు వచ్చాయి.
ఈ క్రమంలో టీమ్‌ఇండియా స్కోరు వంద దాటేసింది.
విరాట్‌తోపాటు గిల్ (41*) కూడా దూకుడు పెంచాడు.
వీరిద్దరి భాగస్వామ్యం కూడా శతకం దాటేసింది.
ప్రస్తుతం భారత్‌ స్కోరు 106/1.

02/11/2023 15:13(IST)

బౌలింగ్‌కు మళ్లీ మదుషంక

14 ఓవర్లు: ఓపెనింగ్‌ పేసర్ మదుషంక మళ్లీ బౌలింగ్‌కు వచ్చాడు.
కేవలం మూడు పరుగులే ఇచ్చాడు.
ఎలాంటి రిస్క్‌ తీసుకోకుండా భారత బ్యాటర్లు ఆడారు.
టీమ్‌ఇండియా స్కోరు 85/1కి చేరింది.
క్రీజ్‌లో గిల్ (34*), విరాట్ కోహ్లీ (39*) ఉన్నారు.

02/11/2023 15:03(IST)

సచిన్‌ను అధిగమించిన విరాట్

అత్యధికసార్లు ఒకే క్యాలెండర్‌ ఏడాదిలో 1000+పరుగులు చేసిన బ్యాటర్‌గా విరాట్‌ రికార్డు సృష్టించాడు.
విరాట్ 2011, 2012, 2013, 2014, 2017, 2018, 2019, 2023 సంవత్సరాల్లో వెయ్యికిపైగా పరుగులు చేశాడు.
సచిన్‌ ఏడుసార్లు (1994, 1996, 1997, 1998, 2000, 2003, 2007) వెయ్యికిపైగా పరుగులు చేశాడు.

02/11/2023 14:58(IST)

ఫోర్‌తో స్వాగతం

11 ఓవర్లు: తీక్షణకు ఫోర్‌తో విరాట్ కోహ్లీ (32*) స్వాగతం పలికాడు.
తొలి బంతినే లాంగాఫ్‌ మీదుగా బౌండరీకి తరలించాడు.
భారత బ్యాటర్లు నిలకడగా పరుగులు రాబట్టారు.
ఈ ఓవర్‌లో 8 పరుగులు వచ్చాయి.
దీంతో టీమ్‌ఇండియా స్కోరు 68/1కి చేరింది.

02/11/2023 14:51(IST)

50 దాటిన స్కోరు

9 ఓవర్లు: టీమ్‌ఇండియా స్కోరు యాభై దాటేసింది.
గిల్ (21*) - విరాట్ కోహ్లీ (26*) రెండో వికెట్‌కు భాగస్వామ్యం కూడా హాఫ్ సెంచరీ మార్క్‌ను తాకేసింది.
ఈ ఓవర్‌లో 10 పరుగులు వచ్చాయి.
దీంతో భారత్ స్కోరు 57/1కి చేరింది.

02/11/2023 14:45(IST)

బౌలింగ్‌కు మ్యాథ్యూస్

8 ఓవర్లు: సీనియర్ ఆటగాడు ఏంజెలో మ్యాథ్యూస్ బౌలింగ్‌కు వచ్చాడు.
మూడు బంతులను ఆచితూచి ఆడిన గిల్ (14*) నాలుగో బాల్‌ను బౌండరీకి తరలించాడు.
అయితే, ఈ ఓవర్‌లో ఆ ఫోర్‌తోపాటు మరొక సింగిల్‌ మాత్రమే వచ్చింది.
దీంతో భారత్ స్కోరు 47/1.

02/11/2023 14:42(IST)

విరాట్ దూకుడు

7 ఓవర్లు: విరాట్ కోహ్లీ (26*) దూకుడు ప్రదర్శించాడు.
చెత్త బంతులను బౌండరీలుగా మలిచాడు.
కసున్ రజిత వేసిన ఈ ఓవర్‌లో కోహ్లీ రెండు బౌండరీలు బాదాడు.
ఈ ఓవర్‌లో 9 పరుగులు వచ్చాయి.
భారత్ స్కోరు 42/1కి చేరింది.
క్రీజ్‌లో విరాట్‌తోపాటు గిల్ (10*) ఉన్నాడు.

02/11/2023 14:37(IST)

కోహ్లీ రెండు ఫోర్లు

6 ఓవర్లు: చమీరా వేసిన తన మూడో ఓవర్‌లో కోహ్లీ (18*) రెండు ఫోర్లు కొట్టాడు.
అవుట్‌సైడ్‌ ఆఫ్‌ దిశగా తొలుత కొట్టిన కోహ్లీ.. మిడాన్‌మీదుగా స్ట్రెయిట్‌గా మరో ఫోర్‌ను రాబట్టాడు.
ఈ ఓవర్‌లో 8 పరుగులు రావడంతో భారత్ స్కోరు 33/1కి చేరింది.

02/11/2023 14:35(IST)

వరల్డ్‌ కప్‌లో తొలి ఓవర్‌లో వికెట్ తీసిందెవరంటే?

ఈ మ్యాచ్‌లో రోహిత్ శర్మను మదుషంక పెవిలియన్‌కు చేర్చాడు.
ఆసీస్‌తో జరిగిన పోరులో ఇషాన్‌ కిషన్‌ను మిచెల్‌ స్టార్క్ ఔట్ చేశాడు.
దక్షిణాఫ్రికా బ్యాటర్ క్వింటన్‌ డికాక్‌ను ఇంగ్లాండ్‌ పేసర్ టోప్లీ పెవిలియన్‌కు పంపాడు.
అఫ్గాన్‌ ఓపెనర్ గుర్బాజ్‌ను శ్రీలంక పేసర్ మదుషంక ఔట్ చేశాడు.

02/11/2023 14:25(IST)

కోహ్లీకి లైఫ్.. మళ్లీ మెయిడిన్‌

4 ఓవర్లు: చమీరా వరుసగా రెండో ఓవర్‌ను కూడా మెయిడిన్‌ చేశాడు.
ఈ క్రమంలో విరాట్ కోహ్లీ (9)కి లైఫ్‌ దొరికింది.
ఆఫ్‌సైడ్‌ వేసిన బంతిని ఆడబోయి ఎడ్జ్‌ తీసుకొని ప్యాడ్లను తాకుతూ కీపర్‌ వైపు దూసుకెళ్లింది.
అయితే కీపర్‌ మెండిస్‌కు కాస్త ముందు బంతి పడటంతో అందుకోలేకపోయాడు.
ప్రస్తుతం భారత్ స్కోరు 14/1.

02/11/2023 14:08(IST)

రెండు ఫోర్లు.. ఒక వికెట్

మదుషంక వేసిన తొలి ఓవర్‌లో భారత్‌ వికెట్‌ను నష్టపోయింది.
రెండు బౌండరీలను రాబట్టింది. దీంతో భారత్ స్కోరు 8/1.
విరాట్ కోహ్లీ (4) చివరి బంతిని బౌండరీగా మలిచాడు.
క్రీజ్‌లో విరాట్ కోహ్లీతోపాటు గిల్ ఉన్నారు.

02/11/2023 14:04(IST)

భారత్‌కు షాక్..

భారత్‌కు తొలి షాక్‌ తగిలింది.
కెప్టెన్ రోహిత్ శర్మ (4) పెవిలియన్‌కు చేరాడు.
మదుషంక వేసిన తొలి బంతిని బౌండరీగా మలిచిన రోహిత్ రెండో బంతికే బౌల్డయ్యాడు.
దీంతో 4 పరుగుల వద్ద భారత్ తొలి వికెట్‌ను నష్టపోయింది.
అనంతరం క్రీజ్‌లోకి విరాట్ కోహ్లీ వచ్చాడు.

02/11/2023 13:59(IST)

కెప్టెన్‌గా హోం గ్రౌండ్‌లో మొదటి మ్యాచ్‌

హోం గ్రౌండ్‌లో కెప్టెన్‌గా తొలి మ్యాచ్‌ ఆడటం గర్వకారణంగా ఉంది. టాస్‌ గెలిస్తే ఈ పిచ్‌పై మేం తొలుత బ్యాటింగ్‌ చేయాలని భావించాం. టాస్‌ ఓడినా ఇప్పుడు బ్యాటింగ్‌ చేసే అవకాశం వచ్చింది. లైట్ల వెలుతురులో మా పేసర్లకు పిచ్ నుంచి సహకారం లభిస్తుందని ఆశిస్తున్నా.

02/11/2023 13:34(IST)

టాస్ నెగ్గిన శ్రీలంక

భారత్‌తో మ్యాచ్‌లో శ్రీలంక టాస్‌ నెగ్గింది. కెప్టెన్ కుశాల్ మెండిస్‌ బౌలింగ్‌ ఎంచుకున్నాడు. ‘‘రెండో ఇన్నింగ్స్‌లో పిచ్‌ బ్యాటింగ్‌కు అనుకూలంగా ఉంటుందని భావిస్తున్నాం. గత కొన్ని మ్యాచుల్లో ఆటగాళ్లు మంచి ప్రదర్శనే ఇచ్చారు. ఇదే ఉత్సాహంతో ఇవాళ కూడా పోరాడతాం. మా జట్టులో ఒక్క మార్పు ఉంది’’ అని కెప్టెన్ కుశాల్ వెల్లడించాడు.

02/11/2023 13:26(IST)

ఒక్కరిపైనే ఆధారపడం.. హార్దిక్‌ ఫిట్‌గా ఉన్నా విభిన్న కాంబినేషన్లను ప్రయత్నిస్తాం: రోహిత్

వరల్డ్‌కప్‌లో (ODI World Cup 2023) జట్టు కాంబినేషన్లకు సంబంధించి తమ ముందు చాలా ఆప్షన్లు ఉన్నాయని భారత కెప్టెన్ రోహిత్ శర్మ (Rohit Sharma) వెల్లడించాడు. ఒకవేళ హార్దిక్ పాండ్య (Hardik Pandya) ఫిట్‌నెస్‌ సాధించి వచ్చినా.. విభిన్న కాంబినేషన్లను ప్రయత్నించడం మాత్రం ఆపబోమని తెలిపాడు. ప్రతి ఆటగాడూ సంసిద్ధంగా ఉన్నాడని.. ఎప్పుడు అవకాశం వచ్చినా వారు తమ సత్తా నిరూపించుకొంటారని పేర్కొన్నాడు. ముంబయి వేదికగా శ్రీలంకతో భారత్ (IND vs SL) తలపడనుంది. హార్దిక్‌ పాండ్య లీగ్‌ దశలోని మ్యాచ్‌లకూ దూరంగా ఉంటాడనే వార్తలు వచ్చాయి. దీనిపై రోహిత్ శర్మ స్పందించాడు. ఒకరిపైనే అతిగా ఆధారపడే ప్రసక్తి లేదని వ్యాఖ్యానించాడు. పూర్తి వార్త కోసం క్లిక్‌ చేయండి

02/11/2023 13:25(IST)

Hardik Pandya: హార్దిక్‌.. లీగ్‌ దశ మొత్తానికి!

గాయంతో జట్టుకు దూరమైన హార్దిక్‌ పాండ్య ప్రపంచకప్‌ లీగ్‌ దశ వరకు అందుబాటులో ఉండకపోవచ్చు. చీలమండ గాయం నుంచి కోలుకుంటున్న అతను ఈనెల 12న నెదర్లాండ్స్‌తో జరిగే చివరి లీగ్‌ మ్యాచ్‌లోనూ ఆడే అవకాశాలు తక్కువని బీసీసీఐ వర్గాలు తెలిపాయి. హార్దిక్‌ ఇప్పటికే న్యూజిలాండ్‌, ఇంగ్లాండ్‌ మ్యాచ్‌లకు దూరమయ్యాడు. ‘‘హార్దిక్‌ వేగంగా కోలుకుంటున్నాడు. చివరి లీగ్‌ మ్యాచ్‌కు తిరిగొచ్చే అవకాశముంది. నేరుగా సెమీఫైనల్‌ మ్యాచ్‌ ఆడే అవకాశమూ లేకపోలేదు’’ అని బీసీసీఐ వర్గాలు పేర్కొన్నాయి.

02/11/2023 13:24(IST)

ఇప్పుడంతా బాగుంది.. సడెన్‌గా నేను కూడా బ్యాడ్‌ కెప్టెన్‌గా కనిపిస్తా..: రోహిత్

వన్డే ప్రపంచకప్‌లో (ODI World Cup 2023) లీగ్‌ దశలో భాగంగా శ్రీలంకతో ముంబయి వేదికగా తలపడేందుకు భారత్‌ (IND vs SL) సిద్ధమైంది. వరుసగా ఆరు విజయాలను నమోదు చేసిన టీమ్ఇండియా (Team India) సెమీస్‌ బెర్తును ఖాయం చేసుకోవాలని ఉవ్విళ్లూరుతోంది. కెప్టెన్ రోహిత్ శర్మ (Rohit Sharma) వ్యక్తిగత ప్రదర్శనతోపాటు నాయకత్వ పటిమతో భారత్‌ను అద్భుతంగా నడిపిస్తున్నాడు. శ్రీలంకతో మ్యాచ్‌ సందర్భంగా నిర్వహించిన ప్రెస్ కాన్ఫరెన్స్‌లో రోహిత్ తన కెప్టెన్సీ స్టైల్‌పై ఆసక్తికర వ్యాఖ్యలు చేశాడు. పూర్తి వార్త కోసం క్లిక్‌ చేయండి

App

IND vs SL: శ్రీలంక 55 ఆలౌట్.. భారత్ ఘన విజయం

తాజా వార్తలు (Latest News)

ఆంధ్ర వర్సిటీలో పోస్టల్‌ ఓటు కోల్పోయిన 150 మంది

మూసేవాలా హత్యకేసు నిందితుడు గోల్డీబ్రార్‌ మృతి

చందమామ ఆవలి భాగం నుంచి నమూనాల సేకరణ!

మృత్యువుతో గెలిచి.. పదిలో మెరిసి

వాట్సప్‌లో కొత్త ఖాతాల నుంచి సందేశాలు రావిక..?

#ఆఫీస్‌ పికాకింగ్‌.. కార్పొరేట్ ప్రపంచంలో మరో ట్రెండ్‌.. ఏమిటిది?

సుఖీభవ

చదువు