Breaking | Feedback | ePratibha | E-PAPER | Pratibha

లఖ్‌నవూ X కోల్‌కతా ఐపీఎల్‌ మ్యాచ్‌ లైవ్‌ అప్‌డేట్స్‌

ఐపీఎల్ 17 సీజన్‌లో కోల్‌కతా ఎనిమిదో విజయాన్ని అందుకుంది. లఖ్‌నవూతో జరిగిన మ్యాచ్‌లో కోల్‌కతా 98 పరుగుల తేడాతో విజయం సాధించింది.

Updated : 05 May 2024 23:31 IST

05/05/2024 23:16(IST)

Lucknow vs Kolkata: లఖ్‌నవూను చిత్తుగా ఓడించిన కోల్‌కతా

ఐపీఎల్ 17 సీజన్‌లో కోల్‌కతా ఎనిమిదో విజయాన్ని అందుకుంది.
లఖ్‌నవూతో జరిగిన మ్యాచ్‌లో కోల్‌కతా 98 పరుగుల తేడాతో విజయం సాధించింది.
తొలుత కోల్‌కతా నిర్ణీత 20 ఓవర్లలో 6 వికెట్ల నష్టానికి 235 పరుగులు చేసింది.
ఈ భారీ లక్ష్యఛేదనలో లఖ్‌నవూ 16.1 ఓవర్లలో 137 పరుగులకే కుప్పకూలింది.
స్టాయినిస్ (36) టాప్‌ స్కోరర్. వరుణ్ చక్రవర్తి (3/30), హర్షిత్ రాణా (3/24), రస్సెల్ (2/17) లఖ్‌నవూ పతనాన్ని శాసించారు. స్టార్క్‌, నరైన్ తలో వికెట్ పడగొట్టారు.
ఈ విజయంతో పాయింట్ల పట్టికలో కోల్‌కతా అగ్రస్థానానికి చేరుకుంది.

05/05/2024 23:13(IST)

Lucknow vs Kolkata: ఆలౌట్‌కు చేరువైన లఖ్‌నవూ

వరుణ్‌ చక్రవర్తి వేసిన 16 ఓవర్‌లో యుధ్విర్ సింగ్ (7) నాలుగో బంతికి సిక్సర్ బాదాడు.
అతడు చివరి బంతికి రస్సెల్‌కు క్యాచ్‌ ఇచ్చి పెవిలియన్ చేరాడు.
దీంతో 137 పరుగుల వద్ద లఖ్‌నవూ తొమ్మిదో వికెట్ కోల్పోయింది.

05/05/2024 23:08(IST)

Lucknow vs Kolkata: కృనాల్ పాండ్య ఔట్.. లఖ్‌నవూ ఎనిమిదో వికెట్

హర్షిత్ రాణా వేసిన 14.4 ఓవర్‌కు కృనాల్ పాండ్య (5) వికెట్ కీపర్‌ ఫిల్ సాల్ట్‌కు క్యాచ్‌ ఇచ్చాడు.
ఈ ఓవర్‌లో మొత్తం ఐదు పరుగులు వచ్చాయి.
15 ఓవర్లకు స్కోరు 130/8. యుధ్విర్‌ సింగ్ (1), రవి బిష్ణోయ్‌ (1) క్రీజులో ఉన్నారు.

05/05/2024 23:01(IST)

Lucknow vs Kolkata: రెండు సిక్సర్లు బాది ఔటైన టర్నర్

వరుణ్ చక్రవర్తి వేసిన 14 ఓవర్‌లో మొదటి, ఐదు బంతులకు సిక్సర్లు బాదిన టర్నర్ (16) చివరి బంతికి బౌలర్‌కే క్యాచ్‌ ఇచ్చి పెవిలియన్ చేరాడు.
టర్నర్ షాట్ ఆడేందుకు యత్నించాడు. బంతి బ్యాట్‌కు తగిలి వెంటనే బ్యాటర్ షూను తాకి గాల్లోకి ఎగిరింది.
చక్రవర్తి చాకచాక్యంగా వ్యవహరించి క్యాచ్‌ అందుకున్నాడు.
14 ఓవర్లకు స్కోరు 125/7.

05/05/2024 22:55(IST)

Lucknow vs Kolkata: బదోని ఔట్.. లఖ్‌నవూ ఆరో వికెట్

లఖ్‌నవూ కష్టాలు కొనసాగుతున్నాయి. ఆ జట్టు 109 పరుగుల వద్ద ఆరో వికెట్ కోల్పోయింది.
సునీల్ నరైన్ వేసిన 12.3 ఓవర్‌కు మిచెల్‌ స్టార్క్‌కు క్యాచ్‌ ఇచ్చాడు.
13 ఓవర్లకు స్కోరు 111/6. ఆష్టన్ టర్నర్ (3), కృనాల్ పాండ్య (1) క్రీజులో ఉన్నారు.

05/05/2024 22:50(IST)

Lucknow vs Kolkata: నికోలస్‌ పూరన్ (10) ఔట్.. లఖ్‌నవూ ఐదో వికెట్ డౌన్

లఖ్‌నవూ ఐదో వికెట్ కోల్పోయింది. హిట్టర్ నికోలస్ పూరన్ (10) ఔటయ్యాడు.
రస్సెల్ వేసిన 11.2 ఓవర్‌కు వికెట్ కీపర్‌ ఫిల్‌ సాల్ట్‌కు క్యాచ్‌ ఇచ్చాడు. 12 ఓవర్‌లో మొత్తం ఏడు పరుగులు వచ్చాయి.
12 ఓవర్లకు లఖ్‌నవూ స్కోరు 107/5. ఆయుష్ బదోని (14), ఆష్టన్ టర్నర్ (1) క్రీజులో ఉన్నారు.

05/05/2024 22:41(IST)

Lucknow vs Kolkata: కష్టాల్లో లఖ్‌నవూ.. 4 వికెట్లు డౌన్‌

తొలి బంతికి స్టాయినిస్‌ (36)ను ఔట్‌ చేసిన రస్సెల్‌
క్రీజులోకి వచ్చిన బదోని
తర్వాతి బంతికి వైడ్‌
రెండో బంతికి సిక్స్‌ కొట్టిన బదోని
మూడో బంతికి సింగిల్‌
నాలుగో బంతికి నో రన్‌
ఐదో బంతికి సింగిల్‌
చివరి బంతికి రెండు పరుగులు
10 ఓవర్లకు లఖ్‌నవూ స్కోర్‌ 96/4

05/05/2024 22:26(IST)

Lucknow vs Kolkata: రాహుల్‌ను ఔట్‌ చేసిన హర్షిత్‌

8వ ఓవర్‌ వేసిన హర్షిత్‌ రాణా
తొలి బంతికి సింగిల్‌
రెండో బంతికి రాహుల్‌ ఫోర్‌
మూడో బంతికి షాట్‌ కొట్టిన రాహుల్‌.. క్యాచ్‌ పట్టిన రమణ్‌దీప్‌సింగ్‌
వచ్చీరావడంతోనే ఫోర్‌ బాదిన దీపక్‌ హుడా
చివరి రెండు బంతులకు రెండు సింగిల్స్‌
8 ఓవర్లకు లఖ్‌నవూ స్కోర్‌ 76/2

05/05/2024 22:03(IST)

Lucknow vs Kolkata: ఫస్ట్‌ బాల్‌కే సిక్స్‌ కొట్టిన మర్కస్ స్టాయినిస్

వైభవ్‌ అరోరా వేసిన మూడో ఓవర్‌లో 10 పరుగులు వచ్చాయి.
మొదటి నాలుగు బంతులకు కేఎల్ రాహుల్ (14) స్ట్రైకింగ్‌లో ఉండి మూడు పరుగులు చేశాడు.
మర్కస్ స్టాయినిస్ (6) తాను ఎదుర్కొన్న తొలి బంతినే థర్డ్ మ్యాన్‌ మీదుగా సిక్స్‌గా మలిచాడు.
3 ఓవర్లకు స్కోరు 30/1.

05/05/2024 21:55(IST)

Lucknow vs Kolkata: ఆర్షిన్ కులకర్ణి (9) ఔట్.. లఖ్‌నవూ ఫస్ట్ వికెట్

లఖ్‌నవూ మొదటి వికెట్ కోల్పోయింది. ఇంపాక్ట్ ప్లేయర్ అర్షిన్ కులకర్ణి (9) ఔటయ్యాడు.
మిచెల్ స్టార్క్‌ వేసిన రెండో ఓవర్‌లో మొదటి బంతికి కేఎల్ రాహుల్ (11) ఫోర్ బాదాడు.
నాలుగో బంతికి కులకర్ణి కూడా బౌండరీ రాబట్టాడు.
చివరి బంతికి రమణ్‌దీప్ సింగ్ అద్భుతమైన రన్నింగ్‌ క్యాచ్‌ అందుకోవడంతో అర్షిన్‌ వెనుదిరిగాడు.
2 ఓవర్లకు స్కోరు 20/1.

05/05/2024 21:49(IST)

Lucknow vs Kolkata: లక్ష్యఛేదనకు దిగిన లఖ్‌నవూ.. టార్గెట్ 236

కోల్‌కతా నిర్దేశించిన 236 పరుగుల భారీ టార్గెట్‌ను ఛేదించేందుకు లఖ్‌నవూ బరిలోకి దిగింది.
వైభవ్‌ అరోరా వేసిన తొలి ఓవర్‌లో 11 పరుగులు వచ్చాయి.
మొదటి బంతికి కేఎల్ రాహుల్ (6), చివరి బంతికి అర్షిన్‌ కులకర్ణి (5) బౌండరీలు బాదారు.

05/05/2024 21:26(IST)

Lucknow vs Kolkata: చెలరేగిన సునీల్ నరైన్.. కోల్‌కతా భారీ స్కోరు

లఖ్‌నవూతో జరుగుతున్న మ్యాచ్‌లో కోల్‌కతా భారీ స్కోరు చేసింది.
నిర్ణీత 20 ఓవర్లలో 6 వికెట్ల నష్టానికి 235 పరుగులు చేసింది.
ఓపెనర్ సునీల్ నరైన్ (81; 39 బంతుల్లో 6 ఫోర్లు, 7 సిక్స్‌లు) మరోసారి చెలరేగి ఆడాడు.
మరో ఓపెనర్ ఫిల్ సాల్ట్ (32; 14 బంతుల్లో 5 ఫోర్లు, 1 సిక్స్) క్రీజులో ఉన్నంతసేపు బౌండరీలతో అలరించాడు.
రఘువంశీ (32; 26 బంతుల్లో 3 ఫోర్లు, 1 సిక్స్‌), శ్రేయస్ అయ్యర్ (23; 15 బంతుల్లో 3 ఫోర్లు) ఫర్వాలేదనిపించారు.
రింకు సింగ్ (16), ఆండ్రీ రస్సెల్ (12) భారీ స్కోరు చేయలేకపోయారు.
చివర్లో రమణ్‌దీప్‌ సింగ్ (25; 6 బంతుల్లో 1 ఫోర్, 3 సిక్స్‌లు) మెరుపులు మెరిపించాడు.
లఖ్‌నవూ బౌలర్లలో నవీనుల్ హక్ 3, యశ్‌ ఠాకూర్, రవి బిష్ణోయ్, యుధ్విర్ సింగ్ ఒక్కో వికెట్ పడగొట్టారు.

05/05/2024 21:20(IST)

Lucknow vs Kolkata: 19 ఓవర్‌.. రెండు సిక్స్‌లు బాదిన రమణ్‌దీప్‌ సింగ్

యుధ్విర్ సింగ్ వేసిన 19 ఓవర్‌లో 17 పరుగులు వచ్చాయి.
మూడు, చివరి బంతులకు రమణ్‌దీప్ సింగ్ (15; 4 బంతుల్లో) సిక్స్‌లు బాదాడు.
19 ఓవర్లకు స్కోరు 217/5. శ్రేయస్ అయ్యర్ (17) పరుగులతో ఉన్నాడు.

05/05/2024 21:13(IST)

Lucknow vs Kolkata: రింకు సింగ్ (16) ఔట్.. కోల్‌కతా ఐదో వికెట్ డౌన్

నవీనుల్ హక్ వేసిన 18 ఓవర్‌లో మూడో బంతికి శ్రేయస్ అయ్యర్ (15) ఫోర్ బాదాడు.
ఐదో బంతికి రింకు సింగ్ (16) కూడా బౌండరీ బాది చివరి బంతికి స్టాయినిస్‌కు క్యాచ్‌ ఇచ్చాడు.
18 ఓవర్లకు స్కోరు 200/5.

05/05/2024 20:55(IST)

Lucknow vs Kolkata: రఘువంశీ ఔట్.. కోల్‌కతా నాలుగో వికెట్

కోల్‌కతా 171 పరుగుల వద్ద నాలుగో వికెట్ కోల్పోయింది.
యుధ్విర్‌ సింగ్ వేసిన 15.1 ఓవర్‌కు రఘువంశీ (32) వికెట్ కీపర్‌ రాహుల్‌కు క్యాచ్‌ ఇచ్చాడు.
తర్వాత రింకు సింగ్ (9) ఓ బౌండరీ బాదాడు.
16 ఓవర్లకు స్కోరు 178/4. శ్రేయస్ అయ్యర్ (2) పరుగులతో ఉన్నాడు.

05/05/2024 20:48(IST)

Lucknow vs Kolkata: రస్సెల్ (12) ఔట్.. కోల్‌కతా మూడో వికెట్

కోల్‌కతా 167 పరుగుల వద్ద మూడో వికెట్ కోల్పోయింది.
నవీనుల్‌ హక్ వేసిన 15వ ఓవర్‌లో తొలి బంతికి ఫోర్ బాదిన ఆండ్రీ రస్సెల్ (12) తర్వాతి బంతికే కృష్ణప్ప గౌతమ్‌కు క్యాచ్‌ ఇచ్చాడు.
15 ఓవర్లకు కోల్‌కతా స్కోరు 171/3. రింకు సింగ్ (4), రఘువంశీ (32) పరుగులతో ఉన్నారు.

05/05/2024 20:40(IST)

Lucknow vs Kolkata: భారీ స్కోరు దిశగా కోల్‌కతా

కోల్‌కతా భారీ స్కోరు దిశగా సాగుతోంది.
కృనాల్ పాండ్య వేసిన 13వ ఓవర్‌లో 15 పరుగులు వచ్చాయి.
నాలుగో బంతికి వైడ్‌ రూపంలో బౌండరీ లభించింది.
ఐదో బంతికి రస్సెల్ (7) లాంగాన్‌ మీదుగా సిక్సర్ బాదాడు.
13 ఓవర్లకు స్కోరు 155/2. రఘువంశీ (27) పరుగులతో ఉన్నాడు.

05/05/2024 20:32(IST)

Lucknow vs Kolkata: సునీల్ నరైన్ (81) ఔట్.. కోల్‌కతా రెండో వికెట్

కోల్‌కతా 140 పరుగుల వద్ద రెండో వికెట్ కోల్పోయింది.
సునీల్ నరైన్ (81; 39 బంతుల్లో 6 ఫోర్లు, 7 సిక్స్‌లు) ఔటయ్యాడు.
రవి బిష్ణోయ్ వేసిన 12 ఓవర్లో చివరి బంతికి భారీ షాట్ ఆడి పడిక్కల్‌కు క్యాచ్‌ ఇచ్చాడు.
12 ఓవర్లకు స్కోరు 140/2. రఘువంశీ (25) పరుగులతో ఉన్నాడు.

05/05/2024 20:29(IST)

Lucknow vs Kolkata: దంచికొడుతున్న నరైన్.. ఒకే ఓవర్‌లో మూడు సిక్స్‌లు

అర్ధ శతకం తర్వాత సునీల్ నరైన్ గేర్లు మార్చి ఆడుతున్నాడు.
స్టాయినిస్ వేసిన 11వ ఓవర్‌లో చివరి నాలుగు బంతుల్లో మూడు సిక్స్‌లు బాదేశాడు.
11 ఓవర్లకు కోల్‌కతా స్కోరు 129/1. నరైన్ (72), రఘువంశీ (23) పరుగులతో ఉన్నారు.

05/05/2024 20:20(IST)

Lucknow vs Kolkata: 27 బంతుల్లో సునీల్ నరైన్ హాఫ్‌ సెంచరీ

సునీల్ నరైన్ 27 బంతుల్లో అర్ధ శతకం పూర్తి చేసుకున్నాడు.
రవి బిష్ణోయ్ వేసిన 10వ ఓవర్‌లో తొలి బంతికి నరైన్ ఫోర్ బాది హాఫ్‌ సెంచరీ అందుకున్నాడు.
తర్వాత ఇదే ఓవర్‌లో రఘువంశీ (22) ఓ ఫోర్ బాదాడు.
10 ఓవర్లకు కోల్‌కతా స్కోరు 110/1. నరైన్ (54) పరుగులతో ఉన్నాడు.

05/05/2024 20:20(IST)

Lucknow vs Kolkata: నరైన్, రఘువంశీ చెరో సిక్స్.. కోల్‌కతా 100/1

రవి బిష్ణోయ్ వేసిన ఎనిమిదో ఓవర్‌లో ఐదు, యశ్ ఠాకూర్‌ వేసిన 9వ ఓవర్‌లో 14 పరుగులు వచ్చాయి.
ఈ క్రమంలోనే కోల్‌కతా స్కోరు 100కి చేరింది.
యశ్ బౌలింగ్‌లో సునీల్ నరైన్ (49), రఘువంశీ (17) చెరో సిక్స్ బాదారు.
9 ఓవర్లకు స్కోరు 100/1.

05/05/2024 20:10(IST)

Lucknow vs Kolkata: అర్ధ శతకం దిశగా సునీల్ నరైన్

కృనాల్ పాండ్య వేసిన ఏడో ఓవర్లో 11 పరుగులు వచ్చాయి.
మొదటి రెండు బాల్స్‌కు సింగిల్స్‌.
మూడో బంతిని సునీల్ నరైన్ (40) మిడ్‌ వికెట్ మీదుగా స్టాండ్స్‌లోకి పంపాడు.
చివరి మూడు బంతులకు సింగిల్స్‌.
7 ఓవర్లకు కోల్‌కతా స్కోరు 81/1. రఘువంశీ (8) పరుగులతో ఉన్నాడు.

05/05/2024 19:56(IST)

Lucknow vs Kolkata: మొదటి వికెట్ కోల్పోయిన కోల్‌కతా

61 పరుగుల వద్ద కోల్‌కతా మొదటి వికెట్ కోల్పోయింది.
ఫిల్ సాల్ట్ (32; 14 బంతులలో 5 ఫోర్లు, 1 సిక్స్‌) ఔటయ్యాడు.
నవీనుల్‌ హక్ వేసిన 4.2 ఓవర్‌కు వికెట్ కీపర్‌ కేఎల్ రాహుల్‌కు క్యాచ్‌ ఇచ్చాడు.
తర్వాత క్రీజులోకి వచ్చిన రఘువంశీ (5) నాలుగో బంతికి బౌండరీ రాబట్టాడు.
5 ఓవర్లకు స్కోరు 68/1. సునీల్ నరైన్ (30) పరుగులతో ఉన్నాడు.

05/05/2024 19:53(IST)

Lucknow vs Kolkata: నాలుగో ఓవర్‌.. హ్యాట్రిక్ ఫోర్లు బాదిన సునీల్ నరైన్

సునీల్ నరైన్ దూకుడు పెంచాడు.
మోసిన్‌ ఖాన్‌ వేసిన నాలుగో ఓవర్‌లో తొలి బంతికి ఫిల్ సాల్ట్ సింగిల్ తీశాడు.
తర్వాత నరైన్‌ హ్యాట్రిక్‌ ఫోర్లు బాది చివరి బంతిని డీప్‌స్క్వేర్‌ లెగ్‌ మీదుగా స్టాండ్స్‌లోకి పంపాడు.
4 ఓవర్లకు స్కోరు 57/0. నరైన్ (28; 12 బంతుల్లో), ఫిల్ సాల్ట్ (28; 12 బంతుల్లో) పరుగులతో ఉన్నారు.

05/05/2024 19:47(IST)

Lucknow vs Kolkata: దూకుడుగా ఆడుతున్న కోల్‌కతా ఓపెనర్లు

కోల్‌కతా ఓపెనర్లు దూకుడుగా ఆడుతున్నారు.
నవీనుల్‌ హక్ వేసిన మూడో ఓవర్‌లో 19 పరుగులు వచ్చాయి.
మొదటి రెండు బంతులను ఫిల్ సాల్ట్ (27), చివరి రెండు బంతులను సునీల్ నరైన్ (10) బౌండరీకి పంపారు.
3 ఓవర్లకు కోల్‌కతా స్కోరు 37/0.

05/05/2024 19:43(IST)

Lucknow vs Kolkata: రెండో ఓవర్‌.. సిక్సర్ బాదిన ఫిల్ సాల్ట్

మోసిన్ ఖాన్‌ వేసిన రెండో ఓవర్‌లో 8 పరుగులు వచ్చాయి.
మూడో బంతికి ఫిల్ సాల్ట్ (16) సిక్సర్ బాదాడు.
మొదటి, నాలుగు బంతులకు సింగిల్స్‌ వచ్చాయి. మిగతా బాల్స్‌ డాట్.
2 ఓవర్లకు స్కోరు 18/0. సునీల్ నరైన్ (2) పరుగులతో ఉన్నాడు.

05/05/2024 19:34(IST)

Lucknow vs Kolkata: ప్రారంభమైన మ్యాచ్.. కోల్‌కతా బ్యాటింగ్

లఖ్‌నవూతో మ్యాచ్‌లో కోల్‌కతా టాస్ ఓడి బ్యాటింగ్‌కు దిగింది.
స్టాయినిస్ వేసిన మొదటి ఓవర్‌లో 10 పరుగులు వచ్చాయి.
ఫిల్ సాల్ట్ (9) రెండు ఫోర్లు బాదాడు. సునీల్ నరైన్ (1) క్రీజులో ఉన్నాడు.

05/05/2024 19:11(IST)

Lucknow vs Kolkata: ఇంపాక్ట్‌ ప్లేయర్స్‌ వీళ్లే!

కోల్‌కతా: అనుకుల్‌ రాయ్‌, మనీశ్‌ పాండే, శ్రీకర్‌ భరత్‌, షెర్ఫెన్‌ రూథర్‌ఫర్డ్‌, వైభవ్‌ ఆరోరా
లఖ్‌నవూ: అర్షిన్‌ కులకర్ణి, మణిమారన్‌ సిద్ధార్థ్‌, కృష్ణప్ప గౌతమ్‌, యుధ్‌వీర్‌ సింగ్‌, దేవ్‌దత్త్‌ పడిక్కల్‌

05/05/2024 19:09(IST)

Lucknow vs Kolkata: కోల్‌కతా ప్లేయింగ్‌ XI!

ఫిలిప్‌ సాల్ట్‌, సునీల్‌ నరైన్‌, అంగ్‌కృష్ణ్‌ రఘువంశీ, శ్రేయస్‌ అయ్యర్‌(కెప్టెన్‌), వెంకటేశ్‌ అయ్యర్‌, రింకు సింగ్‌, ఆండ్రూ రసెల్‌, రమణ్‌దీప్‌ సింగ్‌, మిచెల్‌ స్టార్క్‌, వరుణ్‌ చక్రవర్తి, హర్షిత్‌ రాణా

05/05/2024 16:11(IST)

Lucknow vs Kolkata: రెండు జట్లకు ప్లే ఆఫ్స్‌ బెర్తు పక్కా!

గత సీజన్లతో పోలిస్తే కోల్‌కతా ఈ సారి మంచి ప్రదర్శన కనబరుస్తోంది.
ఇప్పటివరకు 10 మ్యాచ్‌లు ఆడి 7 విజయాలు సాధించింది.
మిగిలిన నాలుగు మ్యాచ్‌ల్లో రెండు గెలిచినా ఆ జట్టు ప్లే ఆఫ్స్‌ బెర్తు ఖరారు చేసుకోవడం ఖాయం.
ఇక, లఖ్‌నవూ 10 మ్యాచ్‌లు ఆడి 6 విజయాలు సాధించింది.
మిగిలిన నాలుగింటిలో కనీసం రెండింటిలో గెలిస్తే ఆ జట్టు ప్లే ఆఫ్స్‌కు చేరినట్టే.
ఈ ఓవర్‌లో కేవలం రెండు పరుగులే వచ్చాయి.
ప్రస్తుతం చెన్నై స్కోరు 8 ఓవర్లకు 73/3.

లఖ్‌నవూ X కోల్‌కతా ఐపీఎల్‌ మ్యాచ్‌ లైవ్‌ అప్‌డేట్స్‌

తాజా వార్తలు (Latest News)

నేటి రాశి ఫలాలు.. 12 రాశుల ఫలితాలు ఇలా... (19/05/24)

పెట్స్‌పై ప్రేమ.. సమంత ఇలా.. జాన్వీ కపూర్‌ అలా!

ఆరు నెలల్లో పీవోకే విలీనం ఖాయం..: సీఎం యోగి

50ఎంపీ సెల్ఫీ కెమెరాతో టెక్నో నుంచి రెండు కొత్త మొబైల్స్‌

ఆ విషయంలో నేను ఫెయిల్‌ అయ్యానేమో: సుధీర్‌ బాబు

కీలక పోరులో చెన్నైకి షాక్‌.. ప్లేఆఫ్స్‌కు దూసుకెళ్లిన బెంగళూరు

సుఖీభవ

చదువు