ఎయిర్‌పోర్ట్స్‌ అథారిటీలో అవకాశాలు

చెన్నైలోని ఎయిర్‌పోర్ట్స్‌ అథారిటీ ఆఫ్‌ ఇండియా సదరన్‌ రీజియన్‌లోని వివిధ విమానాశ్రయాల్లో జూనియర్‌/ సీనియర్‌ అసిస్టెంట్‌ పోస్టుల భర్తీకి దరఖాస్తులు కోరుతోంది. తమిళనాడు, ఆంధ్రప్రదేశ్‌, తెలంగాణ, కర్ణాటక, కేరళ, పుదుచ్చేరి, లక్షద్వీప్‌లకు చెందిన అభ్యర్థులు దరఖాస్తు చేసుకోవచ్చు.

కంప్యూటర్‌ బేస్డ్‌ టెస్ట్‌, కంప్యూటర్‌ లిటరసీ టెస్ట్‌, ఫిజికల్‌ మెజర్‌మెంట్‌/ ఎండ్యూరెన్స్‌ టెస్ట్‌, డ్రైవిండ్‌ టెస్ట్‌ ఆధారంగా అభ్యర్థులను ఎంపిక చేస్తారు. అభ్యర్థుల వయసు 20.12.2023 నాటికి 18 నుంచి 30 మధ్య సంవత్సరాల మధ్య ఉండాలి. గరిష్ఠ వయసులో ఎస్సీ/ఎస్టీలకు 5 ఏళ్లు, ఓబీసీలు, ఎక్స్‌-సర్వీస్‌మెన్‌కు 3 ఏళ్లు, కేటగిరీని బట్టి.. ఏఏఐ ఉద్యోగులు, దివ్యాంగులకు 10-15 ఏళ్ల సడలింపు ఉంటుంది.

అన్‌-రిజర్వుడ్‌, ఓబీసీ, ఈడబ్ల్యూఎస్‌ అభ్యర్థులకు దరఖాస్తు ఫీజు రూ.1000. మహిళలు, ఎస్సీ, ఎస్టీ, ఎక్స్‌-సర్వీస్‌మెన్‌, పీడబ్ల్యూబీడీ, ఏఏఐలో ఏడాదిపాటు అప్రెంటిషిప్‌ శిక్షణ పూర్తిచేసిన అభ్యర్థులకు ఫీజు మినహాయింపు ఉంటుంది. పోస్టులను బట్టి విద్యార్హతలు, ఎంపిక విధానాలు వేర్వేరుగా ఉన్నాయి.

1. జూనియర్‌ అసిస్టెంట్‌ (ఫైర్‌ సర్వీసెస్‌): 73 ఖాళీలు. పదో తరగతి, మూడేళ్ల రెగ్యులర్‌ మెకానికల్‌/ ఆటోమొబైల్‌/ ఫైర్‌ డిప్లొమా పాసవ్వాలి. లేదా ఇంటర్మీడియట్‌ ఉత్తీర్ణులవ్వాలి. స్పెషల్‌ రిక్రూట్‌మెంట్‌ డ్రైవ్‌ కింద ఈ పోస్టులను ఎక్స్‌-సర్వీస్‌మెన్‌ అభ్యర్థులకు
కేటాయించారు.

• హెవీ వెహికల్‌ డ్రైవింగ్‌ లైసెన్స్‌ ఉండాలి/ ఈ ఉద్యోగ ప్రకటనకు ఏడాది ముందు నుంచీ మీడియం వెహికల్‌ డ్రైవింగ్‌ లైసెన్స్‌ ఉండాలి. లేదా ఈ ఉద్యోగ ప్రకటనకు రెండేళ్ల ముందు నుంచీ లైట్‌ వెహికల్‌ డ్రైవింగ్‌ లైసెన్స్‌ ఉండాలి. టెంపరరీ, లెర్నింగ్‌ లైసెన్స్‌లను అనుమతించరు. )్ల  అభ్యర్థులకు దృష్టి, వినికిడి సమస్యలు ఉండకూడదు.
• పురుష అభ్యర్థుల ఎత్తు 167 సెం.మీ. ఉండాలి. ఛాతీ 81 సెం.మీ. ఉండి, గాలి పీల్చినప్పుడు 5 సెం.మీ. పెరగాలి. బరువు 55 కేజీలు ఉండాలి.
• మహిళా అభ్యర్థుల ఎత్తు 157 సెం.మీ., బరువు 45 కేజీలకు తక్కువ కాకుండా ఉండాలి.

ఎంపిక: స్టేజ్‌-1లో కంప్యూటర్‌ ఆధారిత పరీక్ష (సీబీటీ) నిర్వహిస్తారు. వ్యవధి 2 గంటలు. దీంట్లో యూఆర్‌/ ఈడబ్ల్యూఎస్‌/ ఓబీసీ అభ్యర్థులు 50 శాతం మార్కులు, ఎస్సీ, ఎస్టీ అభ్యర్థులు 40 శాతం మార్కులు సాధించాలి.

• పార్ట్‌-1లో 50 శాతం ప్రశ్నలు బేసిక్‌ మ్యాథమెటిక్స్‌, బేసిక్‌ సైన్స్‌, ఎలిమెంటరీ ఇంగ్లిష్‌/ గ్రామర్‌ల నుంచి ఉంటాయి. ప్రశ్నపత్రం 10వ తరగతి స్థాయిలో ఉంటుంది.
• పార్ట్‌-బిలో 50 శాతం ప్రశ్నలు జనరల్‌ నాలెడ్జ్‌, జనరల్‌ ఇంటెలిజెన్స్‌, జనరల్‌ ఆప్టిట్యూడ్‌, ఇంగ్లిష్‌ నుంచి అడుగుతారు. ప్రశ్నలు 12వ తరగతి స్థాయిలో ఉంటాయి.

స్టేజ్‌-2: సీబీటీ పాసైన అభ్యర్థులకు ధ్రువపత్రాల పరిశీలన, వైద్య పరీక్షలు నిర్వహిస్తారు. దీంట్లో పాసైతే డ్రైవింగ్‌, ఫిజికల్‌ ఎండ్యురెన్స్‌ టెస్ట్‌లు నిర్వహిస్తారు.
ఫిజికల్‌ ఎండ్యురెన్స్‌ టెస్ట్‌: దీంట్లో భాగంగా.. 100 మీటర్ల రన్నింగ్‌, రోప్‌, పోల్‌ క్లైంబింగ్‌, హ్యూమన్‌ డమ్మీతో 60 మీటర్ల రన్నింగ్‌, నిచ్చెన ఎక్కడం ఉంటాయి. ప్రతి టెస్ట్‌కూ 20 మార్కులు.
2. జూనియర్‌ అసిస్టెంట్‌ (ఆఫీస్‌): 2 పోస్టులు. డిగ్రీ పాసవ్వాలి.
ఎంపిక: కంప్యూటర్‌ ఆధారిత రాత పరీక్ష 100 మార్కులకు ఉంటుంది. వ్యవధి 2 గంటలు. రాత పరీక్షలో పాసైన అభ్యర్థులకు ఎంఎస్‌-ఆఫీస్‌లో కంప్యూటర్‌ లిటరసీ టెస్ట్‌ నిర్వహిస్తారు.

• 50 శాతం ప్రశ్నలు విద్యార్హతల సబ్జెక్టులకు సంబంధించినవి ఉంటాయి.
• జనరల్‌ నాలెడ్జ్‌, జనరల్‌ ఇంటెలిజెన్స్‌, జనరల్‌ ఆప్టిట్యూడ్‌, ఇంగ్లిష్‌లో 50 శాతం ప్రశ్నలు అడుగుతారు.
• ఈ పోస్టులను దివ్యాంగులకు కేటాయించారు. వీరు సీబీటీలో 40 శాతం కనీసార్హత మార్కులు సాధించాలి.

3. సీనియర్‌ అసిస్టెంట్‌ (ఎలక్ట్రానిక్స్‌): 25 ఖాళీలు. ఎలక్ట్రానిక్స్‌/ టెలికం/ రేడియో ఇంజినీరింగ్‌ డిప్లొమా, సంబంధిత విభాగంలో రెండేళ్ల పని అనుభవం ఉండాలి.
ఎంపిక: కంప్యూటర్‌ ఆధారిత రాత పరీక్ష 100 మార్కులకు ఉంటుంది. వ్యవధి 2 గంటలు.

• విద్యార్హతలకు సంబంధించిన సబ్జెక్టుల నుంచి 70 శాతం ప్రశ్నలు అడుగుతారు. 
• నరల్‌ నాలెడ్జ్‌, జనరల్‌ ఇంటెలిజెన్స్‌, జనరల్‌ ఆప్టిట్యూడ్‌, ఇంగ్లిష్‌ నుంచి 30 శాతం ప్రశ్నలు ఇస్తారు. యూఆర్‌/ ఈడబ్ల్యూఎస్‌/ ఓబీసీ అభ్యర్థులు 50 శాతం, ఎస్సీ, ఎస్టీ, పీడబ్ల్యూబీడీ అభ్యర్థులు 40 శాతం మార్కులు సాధించాలి.

4. సీనియర్‌ అసిస్టెంట్‌ (అకౌంట్స్‌): 19 పోస్టులు. బీకామ్‌ పాసై.. రెండేళ్ల ఉద్యోగానుభవం ఉండాలి. ఫైనాన్షియల్‌ స్టేట్‌మెంట్స్‌ తయారీ, ట్యాక్సేషన్‌, ఆడిట్‌, ఫైనాన్స్‌, అకౌంట్స్‌ రంగాల్లో పరిజ్ఞానం ఉండాలి.

ఎంపిక: కంప్యూటర్‌ ఆధారిత రాత పరీక్షకు 100 మార్కులు. వ్యవధి 2 గంటలు. ఎంఎస్‌-ఆఫీస్‌లో కంప్యూటర్‌ లిటరసీ టెస్ట్‌ ఉంటుంది. సీబీటీలో అర్హత సాధించినవారికి కంప్యూటర్‌ లిటరసీ టెస్ట్‌ నిర్వహిస్తారు. ఇది అర్హత పరీక్ష మాత్రమే. సీబీటీలో సాధించిన మార్కుల ఆధారంగా అభ్యర్థుల తుది ఎంపిక ఉంటుంది.

• విద్యార్హతలకు సంబంధించిన సబ్జెక్టుల నుంచి 70 శాతం ప్రశ్నలు ఇస్తారు.
• 30 శాతం ప్రశ్నలు జనరల్‌ నాలెడ్జ్‌, జనరల్‌ ఇంటెలిజెన్స్‌, జనరల్‌ ఆప్టిట్యూడ్‌, ఇంగ్లిష్‌ నుంచి అడుగుతారు. 
• యూఆర్‌/ ఈడబ్ల్యూఎస్‌/ ఓబీసీ అభ్యర్థులు 50 శాతం, ఎస్సీ, ఎస్టీ, పీడబ్ల్యూబీడీ అభ్యర్థులు 40 శాతం మార్కులు సాధించాలి.

సన్నద్ధత

సబ్జెక్టుల్లోని ముఖ్యాంశాలను పునశ్చరణ చేసుకోవాలి. గతంలో చదివిన సబ్జెక్టులేనని నిర్లక్ష్యం చేయకుండా వాటిపై పట్టుసాధించడానికి ప్రయత్నించాలి.

• జీకే, జనరల్‌ ఇంటెలిజెన్స్‌, జనరల్‌ ఆప్టిట్యూడ్‌, ఇంగ్లిష్‌ల కోసం పోటీ పరీక్షల పాత ప్రశ్నపత్రాలను సాధన చేయాలి.
• ఆన్‌లైన్‌లో అందుబాటులో ఉండే మాక్‌ టెస్టులు రాయడం వల్లా ప్రయోజనం ఉంటుంది.
• నెగెటివ్‌ మార్కులు లేవు. కాబట్టి ముందుగా తెలిసిన ప్రశ్నలు జవాబులు రాసి.. ఆ తర్వాత కాస్త ఆలోచించి తెలియనివాటికీ సమాధానాలు రాయాలి.
• నిర్ణీత సమయంలోగా సమాధానాలు రాయడం సాధన చేయాలి.

ఆన్‌లైన్‌ దరఖాస్తుకు చివరి తేదీ: 26.01.2024
వెబ్‌సైట్‌: http://www.aai.aero/