ఐటీ ఎగ్జిక్యూటివ్‌గా అవకాశం

కేంద్ర ప్రభుత్వ సమాచార మంత్రిత్వశాఖకు చెందిన న్యూదిల్లీలోని ఇండియా పోస్ట్‌ పేమెంట్స్‌ బ్యాంక్‌ (ఐపీపీబీ) లిమిటెడ్‌ కాంట్రాక్ట్‌ ప్రాతిపదికన 54 ఇన్ఫర్మేషన్‌ టెక్నాలజీ ఎగ్జిక్యూటివ్‌ పోస్టుల భర్తీకి దరఖాస్తులు కోరుతోంది. అభ్యర్థుల ఎంపిక అసెస్‌మెంట్, గ్రూప్‌ డిస్కషన్‌/ ఆన్‌లైన్‌ టెస్ట్, ఇంటర్వ్యూల ఆధారంగా ఉంటుంది. ఎంపికైనవారిని దిల్లీ, ముంబయి, చైన్నైలలో నియమిస్తారు. 

మొత్తం 54 ఉద్యోగాల్లో అన్‌రిజర్వుడ్‌కు 27, ఈడబ్ల్యూఎస్‌లకు 4, ఓబీసీలకు 13, ఎస్సీలకు 7, ఎస్టీలకు 3 కేటాయించారు. 
1. ఎగ్జిక్యూటివ్‌ (అసోసియేట్‌ కన్సల్టెంట్‌)-28: 

• కంప్యూటర్‌ సైన్స్‌/ ఇన్ఫర్మేషన్‌ టెక్నాలజీ/ ఎలక్ట్రానిక్స్‌లో బీఈ/ బీటెక్‌ పాసవ్వాలి. లేదా 
• మూడేళ్ల మాస్టర్‌ ఆఫ్‌ కంప్యూటర్‌ అప్లికేషన్‌ (ఎంసీఏ) ఉత్తీర్ణులవ్వాలి. లేదా 
• కంప్యూటర్‌ సైన్స్‌/ ఇన్ఫర్మేషన్‌ టెక్నాలజీ/ ఎలక్ట్రానిక్స్‌ లో బీసీఏ/ బీఎస్సీ పూర్తిచేయాలి. 
• వయసు 22 నుంచి 30 సంవత్సరాల మధ్య ఉండాలి. 
• ఏడాది ఉద్యోగానుభవం అవసరం. 
• ఎంపికైన వారికి ఏడాదికి గరిష్ఠంగా రూ.10 లక్షల సీటీసీ దక్కుతుంది.

2. ఎగ్జిక్యూటివ్‌ (కన్సల్టెంట్‌)- 21:

కంప్యూటర్‌ సైన్స్‌/ ఇన్ఫర్మేషన్‌ టెక్నాలజీ/ ఎలక్ట్రానిక్స్‌లో బీఈ/ బీటెక్‌ పాసవ్వాలి. లేదా 

• మూడేళ్ల మాస్టర్‌ ఆఫ్‌ కంప్యూటర్‌ అప్లికేషన్‌ ఉత్తీర్ణులవ్వాలి. లేదా 
• కంప్యూటర్‌ సైన్స్‌/ ఇన్ఫర్మేషన్‌ టెక్నాలజీ/ ఎలక్ట్రానిక్స్‌లో బీసీఏ/ బీఎస్సీ పూర్తిచేయాలి. 
• వయసు 22 నుంచి 40 సంవత్సరాల మధ్య ఉండాలి. 
• నాలుగేళ్ల ఉద్యోగానుభవం ఉన్నవారికి ప్రాధాన్యం. 
• ఎంపికైనవారికి ఏడాది రూ.15 లక్షల సీటీసీ అందజేస్తారు. 

3. ఎగ్జిక్యూటివ్‌ (సీనియర్‌ కన్సల్టెంట్‌)-5:

కంప్యూటర్‌ సైన్స్‌/ ఇన్ఫర్మేషన్‌ టెక్నాలజీ/ ఎలక్ట్రానిక్స్‌లో బీఈ/ బీటెక్‌ ఉత్తీర్ణులవ్వాలి. లేదా 

• మూడేళ్ల మాస్టర్‌ ఆఫ్‌ కంప్యూటర్‌ అప్లికేషన్‌ పూర్తిచేయాలి. లేదా కంప్యూటర్‌ సైన్స్‌/ ఇన్ఫర్మేషన్‌ టెక్నాలజీ/ ఎలక్ట్రానిక్స్‌లో బీసీఏ/ బీఎస్సీ పాసవ్వాలి. 
• వయసు 22 నుంచి 45 సంవత్సరాల మధ్య ఉండాలి. 
• ఆరేళ్ల ఉద్యోగానుభవం తప్పనిసరి. 
• ఎంపికైనవారు ఏడాదికి రూ.25 లక్షల సీటీసీ పొందుతారు. దరఖాస్తు రుసుము రూ.750. ఎస్సీ/ ఎస్టీ/ దివ్యాంగులకు రూ.150.

ఎంపిక: పోస్టులను అనుసరించి అసెస్‌మెంట్, గ్రూప్‌ డిస్కషన్‌/ ఆన్‌లైన్‌ టెస్ట్, ఇంటర్వ్యూల ఆధారంగా అభ్యర్థులను ఎంపిక చేస్తారు.  

• విద్యార్హతలు, అనుభవం, కేటగిరీలవారీగా ఉన్న ఖాళీల ఆధారంగా స్క్రీనింగ్‌ నిర్వహించి అభ్యర్థుల షార్ట్‌లిస్టును తయారుచేస్తారు. 
• వివిధ దశల్లో అర్హత సాధించి.. ఎంపికైన అభ్యర్థుల తుది జాబితాను వెబ్‌సైట్‌లో ప్రచురిస్తారు. 
• ఒకటికంటే ఎక్కువ పోస్టులకు దరఖాస్తుచేసేవారు.. ప్రతి పోస్టుకూ వేర్వేరుగా దరఖాస్తులు పంపాలి. 
• రాత పరీక్ష/ ఇంటర్వ్యూలకు హాజరయ్యేవారికి ఎలాంటి టీఏ/ డీఏలను చెల్లించరు. 
• దేశంలో ఎక్కడైనా పనిచేయడానికి సిద్ధంగా ఉన్న అభ్యర్థులు మాత్రమే దరఖాస్తు చేయాలి. 

ఆన్‌లైన్‌ దరఖాస్తుకు చివరి తేదీ: 24.05.2024
వెబ్‌సైట్‌: https://www.ippbonline.com/