దూరవిద్యలో పీహెచ్‌డీ కుదరదా?

దూరవిద్యలో పీహెచ్‌డీ కుదరదా?

ప్రశ్న: బీటెక్‌ పూర్తిచేసి, ఎలక్ట్రికల్‌ ఇంజనీర్‌గా చేస్తున్నాను. దూరవిద్య ద్వారా ఎంబీఏ పూర్తిచేశాను. పీహెచ్‌డీ కూడా దూరవిద్య ద్వారా చేయాలనుకుంటున్నాను. కుదురుతుందా? అందించే సంస్థలేవి?

దూరవిద్యలో పీహెచ్‌డీ ప్రవేశాలను యూనివర్సిటీ గ్రాంట్స్‌ కమిషన్‌ వారు పూర్తిగా నిలిపివేశారు. ఇటువంటి డిగ్రీలను ఎవరైనా అందించినా అవి చెల్లవు. కాబట్టి ఏదైనా యూనివర్సిటీ లేదా సంస్థ దూరవిద్యలో పీహెచ్‌డీ అందిస్తానంటే మోసపోకండి. పీహెచ్‌డీ విద్యను పుల్‌టైమ్‌, పార్ట్‌టైమ్‌ విధానంలో మాత్రమే అందిస్తారు.

బీటెక్‌ తర్వాత అదనంగా...

ప్రశ్న: బీటెక్‌ (సీఎస్‌ఈ) పూర్తి చేశాను. అదనంగా కోర్సులు చేయాలనుకుంటున్నాను. ఉద్యోగావకాశాలను అందించే కొత్త కోర్సుల వివరాలను తెలపండి

ముందుగా మీరు ఏ రంగంలో అడుగెడదామనుకుంటున్నారో నిర్ణయించుకోండి. సాఫ్ట్‌వేర్‌ రంగంలోనే వివిధ అవకాశాలు డెవలప్‌మెంట్‌, టెస్టింగ్‌, ఆటోమేషన్‌ విభాగాల్లో ఉన్నాయి. మీరు ఎంచుకున్న విభాగాన్ని బట్టి షార్ట్‌ టర్మ్‌ కోర్సులను ఎంచుకోవాలి. ఉదాహరణకు టెస్టింగ్‌లో సెలీనియం, ఆటోమేషన్‌కు దీనిజువీశిళీ కోర్సులను ఎంచుకోవచ్చు.
డేటా అనలటిక్స్‌ రంగంలో ఉద్యోగం పొందాలంటే DEVOPS ప్రోగ్రామింగ్‌, PYTHON, SAS తో పాటుగా స్టాటిస్టిక్స్‌పై పట్టు సాధించాలి. ఈ విధంగా మీరు నచ్చిన కోర్సును ఎంచుకుని ఉద్యోగాన్ని సాధించవచ్చు.