APPLY NOW: 1,930 నర్సింగ్ ఆఫీసర్ ఉద్యోగాలు.. దరఖాస్తులు షురూ..

UPSC Nursing Officer Recruitment | ఇంటర్నెట్‌ డెస్క్‌: ఈఎస్‌ఐసీల్లో పని చేసేందుకు నర్సింగ్‌ ఆఫీసర్‌ ఉద్యోగాల భర్తీకి యూనియన్‌ పబ్లిక్ సర్వీస్‌ కమిషన్‌ (UPSC) నోటిఫికేషన్‌ విడుదల చేసింది. కేంద్ర కార్మిక మంత్రిత్వ శాఖ పరిధిలోని ఎంప్లాయీస్ స్టేట్ ఇన్సూరెన్స్ కార్పొరేషన్‌(ESIC)లో శాశ్వత ప్రాతిపదికన ఈ ఉద్యోగ నియామకాలు చేపట్టనున్నట్లు తెలిపింది. మొత్తం 1930 నర్సింగ్ ఆఫీసర్ ఉద్యోగాల కోసం ఆన్‌లైన్‌లో దరఖాస్తుల ప్రక్రియ మొదలైంది. అర్హులైన, ఆసక్తి కలిగిన అభ్యర్థులు మార్చి 27 వరకు యూపీఎస్సీ అధికారిక వెబ్‌సైట్‌ https://upsconline.nic.in/ లో దరఖాస్తు చేసుకోవచ్చు.

నోటిఫికేషన్‌లో కొన్ని ముఖ్యాంశాలివే..

• అర్హతలివే.. ఏదైనా గుర్తింపు పొందిన యూనివర్సిటీ నుంచి నర్సింగ్‌లో బీఎస్సీ (ఆనర్స్). బీఎస్సీ నర్సింగ్/ పోస్ట్ బేసిక్ బీఎస్సీ నర్సింగ్. డిప్లొమా (జనరల్ నర్సింగ్ మిడ్-వైఫరీ). స్టేట్ నర్సింగ్ కౌన్సిల్‌లో నర్సు లేదా నర్సు, మిడ్‌వైఫ్‌గా రిజిస్టరై ఉండాలి. కనీసం యాభై పడకల ఆసుపత్రిలో ఏడాది కాలం పని చేసిన అనుభవం ఉండాలి.
• వయో పరిమితి: 27-03-2024 నాటికి అన్‌రిజర్వ్‌డ్‌/ ఈడబ్ల్యూఎస్‌ అభ్యర్థులకు 18-30 ఏళ్లు మించరాదు. ఓబీసీలకు 33 ఏళ్లు; ఎస్సీ/ ఎస్టీలకు 35 ఏళ్లు; దివ్యాంగులకు 40 ఏళ్లు మించొద్దు. 
• దరఖాస్తు ఫీజు : రూ.25. మహిళలు/ ఎస్సీ/ ఎస్టీ/ దివ్యాంగ అభ్యర్థులకు ఫీజు చెల్లింపు నుంచి మినహాయింపు కల్పించారు. 
• ఎంపిక ప్రక్రియ: రాత పరీక్ష, సర్టిఫికెట్ వెరిఫికేషన్, మెడికల్ టెస్ట్ తదితరాల ఆధారంగా 
• జులై 7న పెన్ను, పేపర్‌ విధానంలో పరీక్ష నిర్వహిస్తారు. ఇది ఆబ్జెక్టివ్‌ పరీక్ష. ఆంగ్ల మాధ్యమంలో ఉంటుంది. రెండు గంటల పాటు ఉండే ఈ పరీక్షలో అన్ని ప్రశ్నలకు సమాన మార్కులు ఉంటాయి. ఒక్కో తప్పు సమాధానానికి 1/3 మైనస్‌ మార్కులు ఉంటాయి. 
• తెలుగు రాష్ట్రాల్లో పరీక్ష కేంద్రాలు: అనంతపురం, హైదరాబాద్, తిరుపతి, విజయవాడ, విశాఖపట్నం, వరంగల్.
• వేతనం: లెవెల్‌ -7 పే కింద చెల్లిస్తారు.
• ఉద్యోగానికి ఎంపికైన వారికి రెండేళ్ల పాటు ప్రొబేషన్‌ ఉంటుంది. దేశంలో ఎక్కడైనా పని చేసేందుకు సిద్ధంగా ఉండాలి.

నోటిఫికేషన్‌ కోసం క్లిక్‌ చేయండి