Chandrababu Arrest: ‘నా పెద్ద కొడుకు’ అరెస్టుతో ఆకలి, నిద్ర ఉండడం లేదు

నీలపల్లికి చెందిన వృద్ధురాలి ఆవేదన

తాళ్లరేవు, న్యూస్‌టుడే: కాకినాడ జిల్లా తాళ్లరేవు మండలం నీలపల్లిలో తెదేపా శ్రేణులు ‘బాబుతో నేను’ ఇంటింటా ప్రచార కార్యక్రమాన్ని మంగళవారం నిర్వహించాయి. ఈ సందర్భంగా నీలపల్లికి చెందిన వృద్ధురాలు మాదాసు సుందరమ్మకు కరపత్రం అందించి, చంద్రబాబు అరెస్టు గురించి చెప్పడంతో ఆమె ఆవేదనకు గురయ్యారు. నా పెద్ద కొడుకు లాంటి చంద్రబాబును అరెస్టు చేసినప్పట్నుంచి నిద్ర, ఆకలి ఉండడంలేదంటూ కన్నీరుమున్నీరుగా విలపించారు. ఆయన చేసిన తప్పేంటో చూపించాలని ఆగ్రహంతో ప్రశ్నించారు. చంద్రబాబు అంటే తనకు ఎంతో అభిమానమని, ఆయన ఎందరినో ఆదుకున్నారని గుర్తు చేసుకున్నారు. చంద్రబాబు తప్పక విడుదలవుతారని నాయకులు ఆమెను ఓదార్చారు.