300 Mbps ఇంటర్నెట్‌ + OTT ప్రయోజనాలతో BSNL బ్రాడ్‌బ్యాండ్‌ ప్లాన్‌

ఇంటర్నెట్‌డెస్క్‌: ప్రభుత్వరంగ టెలికాం సంస్థ ‘భారత్‌ సంచార్ నిగమ్‌ లిమిటెడ్‌ (BSNL)’ మరో బ్రాడ్‌బ్యాండ్‌ ప్లాన్ (Broadband Plans) తీసుకొచ్చింది. భారత్‌లో టాప్‌ ఇంటర్నెట్‌ సర్వీస్‌ ప్రొవైడర్లలో ఒకటైన ఈ టెలికాం సంస్థ.. ఇప్పటికే 300 Mbpsతో, 4TB డేటా, ఓటీటీల సదుపాయంతో అనేక నెలవారీ ప్లాన్లను అందించింది. ఇప్పుడు రూ.1799తో మరో ప్లాన్‌ను తీసుకొచ్చింది.

ఇప్పటికీ పెద్ద షేర్లే చౌక

ఫైబర్‌ అల్ట్రా ఓటీటీ (Fibre Ultra OTT) పేరుతో BSNL ఈ ప్లాన్‌ను తమ కస్టమర్లకు పరిచయం చేసింది. రూ.1799తో వచ్చే ఈ ప్లాన్‌తో 300 Mbps వేగంతో 4000GB లేదా 4TB నెలవారీ డేటాను పొందొచ్చు. డిస్నీ+హాట్‌స్టార్‌, లయన్స్‌గేట్‌, షెమరూమీ, హంగామా, సోనీలివ్ ఓటీటీలను వీక్షించే సదుపాయం ఉంది. ఈ ప్లాన్ గడువు ముగిసేలోగా డేటా లిమిట్ అయిపోతుందని చింతించాల్సిన పనిలేదు. ఎందుకంటే  4TB డేటా అయిపోయాక కూడా 15 Mbps వేగంతో ఇంటర్నెట్‌ను వినియోగించుకోవచ్చు.

ఈ ప్లాన్‌తో పాటు ఫిక్స్‌-లైన్‌ వాయిస్‌ కాలింగ్ సదుపాయం కూడా లభిస్తుంది. అపరిమిత వాయిస్‌ కాల్స్‌ను అందించే ఈ ప్లాన్‌లో ల్యాండ్‌లైన్ కనెక్షన్‌ కావాలంటే మాత్రం డబ్బులు కట్టాల్సిందే. అయితే ఎక్కువ డేటా పొందాలనుకొనే వారు రూ.2,299 ప్లాన్‌ను ఎంచుకోవచ్చు. ఇందులో 4.5టీబీ డేటా లభిస్తుంది. దాంతో పాటు రూ.1799 ప్లాన్‌లో ఉన్న సదుపాయాలే ఇందులోనూ ఉంటాయి.