అయోధ్యలో నెట్‌వర్క్‌ సామర్థ్యాన్ని మెరుగుపరిచిన టెలికాం సంస్థలు

ఇంటర్నెట్‌డెస్క్‌: దేశీయ టెలికాం సంస్థలైన వొడాఫోన్‌ ఐడియా (Vodafone Idea), ఎయిర్‌టెల్‌ (Airtel) అయోధ్యలో తమ నెట్‌వర్క్‌ సామర్థ్యాన్ని మెరుగుపరిచాయి. రామమందిర ప్రతిష్ఠాపన నేపథ్యంలో అయోధ్యలోని అన్ని ప్రధాన ప్రాంతాల్లో నెట్‌వర్క్‌ మౌలిక సదుపాయాలు, సామర్థ్యాన్ని పెంచినట్లు ఆదివారం ప్రకటించాయి. దీంతో వినియోగదారులు స్పష్టమైన వాయిస్‌ కాల్స్‌, హై- స్పీడ్‌ డేటా, వీడియో స్ట్రీమింగ్‌ వంటి సదుపాయాల్ని పొందొచ్చని పేర్కొన్నాయి.

అయోధ్య రైల్వే స్టేషన్, రామమందిర ప్రాంగణం, విమానాశ్రయం, ప్రధాన ప్రాంతాలు, నగరంలోని హోటళ్లతో సహా అన్ని ముఖ్యమైన ప్రదేశాల్లో తమ నెట్‌వర్క్‌ సామర్థ్యాన్ని పెంచినట్లు వెల్లడించాయి. లఖ్‌నవూకు అనుసంధానించే హైవేలతో సహా నగరంలోని అన్ని ప్రధాన ప్రాంతాల్లో L2100 స్పెక్ట్రమ్ సామర్థ్యాన్ని మెరుగుపరిచినట్లు వొడాఫోన్‌ ఐడియా పేర్కొంది. అదనపు నెట్‌వర్క్‌ సైట్లు, అంతరాయం లేని నెట్‌వర్క్‌ అందించటం కోసం ఆప్టిక్‌ ఫైబర్‌ కేబుల్‌ను ఏర్పాటు చేసినట్లు ఎయిర్‌టెల్‌ ప్రకటించింది.

2023లో భారత వస్తు సేవల ఎగుమతుల్లో స్వల్ప వృద్ధి

ఇదిలా ఉండగా.. సోమవారం జరిగే ప్రాణప్రతిష్ఠ కార్యక్రమానికి దేశంలోని వివిధ రంగాలకు చెందిన ప్రముఖులను ప్రభుత్వం అతిథులుగా ఆహ్వానించిన విషయం తెలిసిందే. ఈ కార్యక్రమానికి దాదాపు 7వేల మందికి పైగా అతిథులు హాజరయ్యే అవకాశం ఉంది. ప్రతిరోజు మూడు నుంచి ఐదు లక్షల మంది సందర్శకులు అయోధ్యను సందర్శించే అవకాశం ఉందని అయోధ్య డెవలప్‌మెంట్‌ అథారిటీ అంచనా వేసింది.