మహిళల హక్కుల పై ఉపాధి కూలీలకు అవగాహన

ఎదులాపురం: సఖీ కేంద్రం, మహిళా సాధికారత కేంద్రం అధ్వర్యంలో మంగళవారం అదిలాబాద్ గ్రామీణ మండలంలోని అంకొలి, లోకారి గ్రామాల్లో ఉపాధి హామీ కూలీలకు సఖీ కేంద్రం అందించే సేవలపై అవగాహన కార్యక్రమాలు నిర్వహించారు. మహిళా సాధికారత కేంద్రం నిర్వాహకురాలు యశోద, సఖీ కేంద్రం కేస్ వర్కర్ నాగమణి  మాట్లాడుతూ కేంద్రం అందించే ఐదు రకాల సేవలు కౌన్సెలింగ్ సేవలు, న్యాయ సహాయం, పోలీస్ సహాయం, వైద్య సేవలు, తాత్కాలిక వసతి గురించి,    గృహ హింస చట్టం, బాల్యవివాహాల చట్టం, పోక్సో చట్టం, సుకన్య సమృద్ది యోజన, మిషన్ శక్తి, భీమా యోజన పథకాలపై అవగాహన కల్పించారు. అదేవిధంగా ఎండ తీవ్రత ఎక్కువ ఉన్నందున వడదెబ్బ లక్షణాలకు తీసుకోవాల్సిన జాగ్రత్తలపై వివరించారు.  అత్యవసర సమయాలలో సంప్రదించాల్సిన హెల్ప్ లైన్ నెంబర్లు 181,100 గురించి తెలిపారు.