గ్రంథాలయాన్ని సందర్శించిన డిగ్రీ విద్యార్థులు

ఆదిలాబాద్ సాంస్కృతికం: జిల్లా కేంద్రంలోని ప్రభుత్వ సైన్స్ డిగ్రీ కళాశాలకు చెందిన విద్యార్థులు ఆంగ్ల విభాగం ఆధ్వర్యంలో శుక్రవారం జిల్లా కేంద్ర గ్రంథాలయాన్ని సందర్శించారు. వివిధ ఆంగ్ల పుస్తకాలు, నవలలు, పోటీ పరీక్షల పుస్తకాలను పరిశీలించారు. గ్రంథాలయంలో వస్తున్న ఆంగ్ల దిన, వార, పక్ష, మాస పత్రికల వివరాలను గ్రంథ పాలకుడు గౌరు శ్రీనివాస్‌ను అడిగి తెలుసుకున్నారు. జీవితకాల సభ్యత్వం, పని వేళలు, గ్రంథాలయంలో చదువుకునే సదుపాయాలను గురించి తెలుసుకున్నారు. ఆంగ్ల విభాగం హెచ్ఓడీ దయాకర్, అధ్యాపకులు బి.ఆనందం, జి.రాజ్ కుమార్, విద్యార్థులు పాల్గొన్నారు.