వైభవంగా హనుమాన్ శోభాయాత్ర

ఆదిలాబాద్ సాంస్కృతికం: జిల్లా కేంద్రంలో హనుమాన్ జయంతి సందర్భంగా మంగళవారం సాయంత్రం నిర్వహించిన హనుమాన్ శోభాయాత్ర వైభవంగా సాగింది. అంతకుముందు శ్రీరామచంద్ర గోపాలకృష్ణ మఠంలో వేద పండితులు హనుమాన్ దీక్ష స్వాముల పాదాలను శుద్ధిచేశారు. అనంతరం మఠాధిపతి యోగానంద సరస్వతి ఆధ్వర్యంలో ఎమ్మెల్యే పాయల్ శంకర్ భారీ హనుమాన్ విగ్రహానికి ప్రత్యేక పూజలు చేసి శోభాయాత్రను ప్రారంభించారు. ప్రతి కూడలి వద్ద శోభాయాత్రను ఆపి హనుమాన్ చాలీసాను పఠించారు. ఈ కార్యక్రమంలో అన్ని హిందూ ధార్మిక సంఘాల నాయకులు,  ప్రజలు పాల్గొన్నారు.