బీసీల అభ్యున్నతికి లచ్చన్న కృషి

 గౌతు చిత్ర పటానికి నివాళులర్పించిన కొనకళ్ల, కొల్లు, బండి, కూటమి నాయకులు

మచిలీపట్నం(కోనేరుసెంటరు), న్యూస్‌టుడే: బడుగు, బలహీన వర్గాల కోసం అలుపెరగని పోరాటం చేసిన ఉద్యమకారుడు సర్దార్‌ గౌతు లచ్చన్న అని మాజీ ఎంపీ, తెదేపా జిల్లా అధ్యక్షుడు కొనకళ్ల నారాయణరావు అన్నారు. లచ్చన్న వర్ధంతిని పురస్కరించుకుని పార్టీ పార్లమెంట్‌ కార్యాలయంలో శుక్రవారం ఆయన చిత్రపటానికి పూలమాలలు వేసి ఘన నివాళులర్పించారు. ఈ సందర్భంగా కొనకళ్ల మాట్లాడుతూ బీసీల అభ్యున్నతి కోసం ఎనలేని కృషిచేసిన ఆయనను నేటితరం నాయకులు ఆదర్శంగా తీసుకోవాలన్నారు. ఆయనతో తమ కుటుంబానికి ఉన్న అనుబంధాన్ని గుర్తుచేసుకున్నారు. మాజీ మంత్రి కొల్లు రవీంద్ర, జనసేన నియోకవర్గ ఇన్‌ఛార్జ్‌ బండి రామకృష్ణలు లచ్చన్న చిత్రపటానికి పూలమాలలు వేసి నివాళులర్పించారు. బాబాప్రసాద్‌, బత్తిన దాస్‌, మాదివాడ రాము, పాషా, శేషగిరి, గోకుల శివ, గుమ్మడి విద్యాసాగర్‌, అంజిబాబు, లంకిశెట్టి నీరజ, పద్మజ, తదితరులు కార్యక్రమంలో పాల్గొన్నారు.