మండలి గెలుపుతో తెలుగుకు మరింత వెలుగు

అవనిగడ్డ, న్యూస్‌టుడే: మాజీ ఉపసభాపతి, తెలుగు భాషా పరిరక్షకులు మండలి బుద్ధప్రసాద్‌ను గెలిపించి నియోజకవర్గ ప్రజలు ఉత్తమ సమాజ నిర్మాణంలో భాగస్థులు కావాలని, తెలుగు భాషా ఉద్యమ సమాఖ్య రాష్ట్ర అధ్యక్షుడు సామల లక్ష్మణబాబు అన్నారు. ఆదివారం ఆయన బుద్ధప్రసాద్‌ను అతని గృహంలో మర్యాద పూర్వకంగా కలిసిన అనంతరం విలేకర్లతో మాట్లాడారు. వైకాపా ప్రభుత్వం వచ్చిన తర్వాత మాతృభాషను తుంగలో తొక్కారన్నారు. బోధన విషయంలో అభిప్రాయ భేదాలు ఉన్నప్పటికీ మాతృభాషను విభేదించడం మంచిది కాదన్నారు. సామల శివరామకృష్ణ, యర్రంశెట్టి హనుమంతరావు, తదితరులు పాల్గొన్నారు.