ఆ ఆలయం అందరికీ సెంటిమెంట్‌

పలమనేరు, న్యూస్‌టుడే: ఎన్నికల్లో పలు సెంటిమెంట్లు చూస్తుంటాం. ఆ గుడిలో పూజలు చేసి.. నామపత్రాలు దాఖలు చేస్తే.. గెలుపు తథ్యమని.. ఫలానా చోట నుంచి ప్రచారం ప్రారంభిస్తే విజయం సులువుగా వరిస్తుందని నాయకులు నమ్మి ఆచరిస్తుంటారు. పలమనేరులోనూ ఇలాంటి సెంటిమెంట్‌ ఒకటి ఎన్నికల సమయంలో కనిపిస్తుంటుంది. ఎన్నికల బరిలో నిలిచే అభ్యర్థులేవరైనా ఆ గ్రామదేవతకు మొక్కులు చెల్లించాల్సిందే. పట్టణంలోని చెరువు వద్ద వెలసిన ఓంశక్తి అమ్మవారి ఆలయం ఇందుకు ప్రసిద్ధి. పలమనేరు నుంచి వైకాపా, తెదేపా నుంచి పోటీలో ఉన్న వెంకటేగౌడ, మాజీ మంత్రి అమరనాథరెడ్డి సతీ సమేతంగా పూజలు చేసి ఆర్వో కార్యాలయానికి చేరుకున్నారు.