‘జగన్‌ 30 స్థానాలకు పడిపోవడం ఖాయం’

ఎన్నికల ప్రచారంలో కాంగ్రెస్‌ ఎంపీ అభ్యర్థి చింతామోహన్‌

తిరుపతి (గాంధీరోడ్డు), న్యూస్‌టుడే: జగన్‌ పరిపాలనపై ప్రజలు వ్యతిరేకత చూపుతున్నారని, శాసనసభ ఎన్నికల్లో వైకాపా 30 స్థానాలకు పడిపోవడం ఖాయమని కాంగ్రెస్‌ ఎంపీ అభ్యర్థి చింతామోహన్‌ స్పష్టం చేశారు. ఎన్నికల ప్రచారంలో భాగంగా గురువారం జీవకోన, రాజీవ్‌గాంధీనగర్‌, ఎమ్మార్‌పల్లి, అన్నమయ్య కూడలి, శ్రీకృష్ణదేవరాయల కూడలి, పాత నగరపాలిక కార్యాలయం, గాంధీరోడ్డు తదితర ప్రాంతాల్లో ప్రచారం చేశారు. ఈ సందర్భంగా ఆయన మీడియాతో మాట్లాడుతూ పంచ పాండవులకు, కౌర సైనికులకు యుద్ధం మొదలైందన్నారు. సంవత్సరానికి 2 కోట్ల ఉద్యోగాలు ఇస్తానన్న మోదీ హామీ ఏమైందని ప్రశ్నించారు. భాజపాకు వంద సీట్లకంటే తక్కువే వస్తాయన్నారు. కార్యక్రమంలో నగర అధ్యక్షుడు యార్లపల్లి గోపిగౌడ్‌, వెంకటేష్‌గౌడ్‌, జావెద్‌, మునిశోభా తదితరులు పాల్గొన్నారు.