‘నగరిలో రోజాను ఓడించండి’

మాట్లాడుతున్న కందారపు మురళి

పుత్తూరు: నగరిలో రోజాను ఓడించాలని.. ఇండియా కూటమి తరఫున పోటీచేస్తున్న కాంగ్రెస్‌ అభ్యర్థి రాకేష్‌రెడ్డిని గెలిపించాలని సీఐటీయూ జిల్లా ప్రధాన కార్యదర్శి కందారపు మురళి పిలుపునిచ్చారు. పుత్తూరు అంబేడ్కర్‌ భవనంలో బుధవారం సీఐటీయూ సమావేశం జరిగింది. ఆయన మాట్లాడుతూ నియోజకవర్గంలో ఐదేళ్లలో అభివృద్ధి శూన్యమన్నారు. అవినీతి, అరాచకం పెరిగిపోయాయని, సీఐటీయూ జిల్లా నాయకులు వాడ గంగరాజు, జిల్లా కార్యదర్శి వెంకటేష్‌, నాయకులు కేఆర్‌ సుబ్రమణ్యం పిళ్లై, పురుషోత్తం, భాస్కర్‌, యాసిన్‌ భాషా, ధనంజయులు, బాబు, సతీష్‌, సురేష్‌ పాల్గొన్నారు.

పోస్టల్‌ బ్యాలెట్‌ వినియోగించుకుందాం

చిత్తూరు జడ్పీ: ఎన్నికల విధుల్లో పాల్గొనే ఉద్యోగులందరూ పోస్టల్‌ బ్యాలెట్‌ను తప్పనిసరిగా వినియోగించుకోవాలని జిల్లా ఐకాస ఛైర్మన్‌ రాఘవులు బుధవారం ఓ ప్రకటనలో తెలిపారు. ఫారం 12ని శుక్రవారంలోగా సంబంధిత రిటర్నింగ్‌ అధికారులకు సమర్పించాలని సూచించారు.