బటన్నోక్కే వైకాపా ప్రభుత్వాన్ని సాగనంపాలి

తాళ్లపూడి: బటన్ నొక్కే వైకాపా ప్రభుత్వాన్ని ప్రజలంతా సాగనంపాలని, భవిష్యత్తును దృష్టిలో ఉంచుకొని మీరంతా ఓటు వేయాలని సీనియర్ తెదేపా నాయకుడు పెండ్యాల అచ్చిబాబు తెలిపారు. తాళ్లపూడి మండలంలోని పెద్దేవంలో ఉమ్మడిపార్టీల ఆత్మీయసమావేశాన్ని సోమవారం రాత్రి నిర్వహించారు. గ్రామంలో పార్టీ కార్యాలయాన్ని ఆయన ప్రారంభించారు. వైకాపా ప్రవేశపెట్టిన మేనిపెస్టో ప్రజలకు ఉపయోగం లేనిదిగా ఉందన్నారు. ఉమ్మడి ప్రభుత్వం ప్రవేశపెట్టిన సూపర్‌ సిక్స్‌ పథకాలు ప్రజలకు మేలు చేస్తాయన్నారు. ఈ కార్యక్రమంలో చాగల్లు జెడ్పీటీసీ మాజీ సభ్యుడు అల్లూరి విక్రమాదిత్య, ద్విసభ్యకమిటీ సభ్యుడు సుబ్బారాయచౌదరి, జనసేన, తెదేపా నాయకులు పాల్గొన్నారు.