కలిసికట్టుగా పనిచేసి అత్యధిక మెజారిటీని సాధిద్దాం

భువనగిరి: కాంగ్రెస్ పార్టీ శ్రేణులు కలిసికట్టుగా పనిచేసి భువనగిరి కాంగ్రెస్ ఎంపీ అభ్యర్థి చామల కిరణ్ కుమార్ రెడ్డిని అత్యధిక మెజార్టీతో గెలిపించాలని భువనగిరి ఎమ్మెల్యే కుంభ అనిల్ కుమార్ రెడ్డి కోరారు. పట్టణ కాంగ్రెస్ అధ్యక్షుడు కూర వెంకటేష్ అధ్యక్షతన భువనగిరి పట్టణ బూత్ అధ్యక్ష కార్యదర్శుల సమావేశం సోమవారం సాయంత్రం జరిగింది. ఈ సందర్భంగా ఆయన మాట్లాడుతూ..  అత్యధిక మెజారిటీ సాధించేందుకు పార్టీ శ్రేణులు కలసిగట్టుగా పనిచేయాలన్నారు. కాంగ్రెస్ ప్రభుత్వం ఎన్నికల్లో ఇచ్చిన హామీలను నెరవేరుస్తుందన్నారు. సమావేశంలో కాంగ్రెస్ పీసీసీ ప్రధాన కార్యదర్శి పోత ప్రమోద్ కుమార్, పీసీసీ సభ్యుడు తంగాలపల్లి రవికుమార్, మున్సిపల్ చైర్మన్ పోతంశెట్టి వెంకటేశ్వర్లు, కాంగ్రెస్ నాయకులు బర్రె జహంగీర్, పి సత్యనారాయణ, తదితరులు పాల్గొన్నారు.