Nimmagadda: ‘గో బ్యాక్‌ నిమ్మగడ్డ’.. వాన్‌పిక్‌ భూముల పరిశీలనపై నిరసన

వేటపాలెంలో నిరసన వ్యక్తం చేస్తున్న సీపీఎం నాయకులు

వేటపాలెం, న్యూస్‌టుడే : బాపట్ల జిల్లా వేటపాలెంలో సీపీఎం ఆధ్వర్యంలో ‘గో బ్యాక్‌ నిమ్మగడ్డ’ అంటూ స్థానిక కూడలిలో ఆదివారం నిరసన వ్యక్తం చేశారు. సర్వోన్నత న్యాయస్థానంలో వాన్‌పిక్‌ భూములకు సంబంధించి ఇంకా స్టేటస్‌ కో కొనసాగుతున్న సమయంలో వాన్‌పిక్‌ సంస్థ ఛైర్మన్‌ హోదాలో నిమ్మగడ్డ ప్రసాదు రెండు రోజుల క్రితం వాటికి కేటాయించిన భూములు పరిశీలించడంపై ఆగ్రహం వ్యక్తం చేశారు. ఈ సందర్భంగా ఆ పార్టీ ఆధ్వర్యంలో నాయకులు నల్లదుస్తులు ధరించి నినాదాలు చేశారు. రైతుల భూములను వారికి వెంటనే ఇవ్వాలని డిమాండ్‌ చేశారు. నేతలు కొండయ్య, మచ్చా అయ్యప్పరెడ్డి, పండ్రాజు శంకర్‌, పల్లపోలు లోహియా, నడయార్‌, ముత్తు ఉన్నారు.