క్రీడల్లో సత్తా చాటాలి

కాచిగూడ, న్యూస్‌టుడే: క్రీడల్లో సత్తా చాటాలని గవర్నర్‌ తమిళిసై యువతకు సూచించారు. ఇటలీ రోమ్‌లో జరిగిన  ప్రపంచ రెజ్లింగ్‌ ఛాంపియన్‌షిప్‌లో కాంస్య పతకం సాధించిన కాచిగూడకు చెందిన నిఖిల్‌యాదవ్‌ను మంగళవారం రాజ్‌భవన్‌లో ఆమె సన్మానించి అభినందనలు తెలిపిన సందర్భంగా మాట్లాడారు. కేంద్ర, రాష్ట్ర ప్రభుత్వాల ద్వారా ఆర్థిక సాయం అందేలా చొరవ తీసుకోవాలని కోరుతూ అతను గవర్నర్‌కు వినతిపత్రం అందజేశారు. అఖిల భారతీయ యాదవ మహాసభ రాష్ట్ర అధ్యక్షుడు నందకిశోర్‌యాదవ్, మనీశ్‌యాదవ్, సురేశ్‌యాదవ్, జైహింద్‌యాదవ్, అభిమన్యుయాదవ్‌ పాల్గొన్నారు.