కాంగ్రెస్ విజయమే లక్ష్యంగా పని చేయాలి

ఎల్లారెడ్డి పట్టణం: కాంగ్రెస్ అమలు చేస్తున్న సంక్షేమ పథకాలు, అభివృద్ధిని కార్యకర్తలు ప్రజల మధ్యకు తీసుకుపోవాలని ఎల్లారెడ్డి ఎమ్మెల్యే మదన్ మోహన్ రావు పార్టీ కార్యకర్తలకు, నాయకులకు పిలుపునిచ్చారు. మంగళవారం పట్టణ కేంద్రంలోని పార్టీ కార్యాలయంలో ఏర్పాటు చేసిన మండల స్థాయి కార్యకర్తల సమీక్ష సమావేశంలో ఆయన మాట్లాడుతూ.. ప్రతి ఒక్కరూ సైనికుల్లా పనిచేయాలన్నారు. భాజపా, భారాస నాయకుల కుట్రలను తిప్పికొట్టలన్నారు. కార్యక్రమంలో కాంగ్రెస్ మండల, పట్టణ అధ్యక్షులు సాయిబాబా, వినోద్, నాయకులు విద్యాసాగర్, చెన్న లక్ష్మణ్, గాయజోద్దీన్, శ్రీనివాస్, సామెల్, అరిఫ్, తదితరులు ఉన్నారు.