పొట్టంగిలో భారీ వర్షం

మాలిపుట్‌ వద్ద జాతీయ రహదారిపై నేలకొరిగిన చెట్టు

సిమిలిగుడ, న్యూస్‌టుడే: కొరాపుట్‌ జిల్లాలో ఎండల తీవ్రతతో ప్రజల ఇబ్బంది పడుతుండగా, ఆదివారం మధ్యాహ్నం పలు ప్రాంతాల్లో భారీ వాన కురిసింది. పొట్టంగి ప్రాంతంలో పెను గాలులతో కూడిన వర్షం కురిసింది. దీంతో పొట్టంగి- కుందిలి మార్గంలో మాలిపుట్‌ జాతీయ రహదారిపై చెట్టు పడి రాకపోకలకు అంతరాయం ఏర్పడింది. అగ్ని మాపక సిబ్బంది చేరుకొని ఆ చెట్టును తొలగించారు. ఉక్కపోతతో ఉక్కిరిబిక్కిరవుతున్న ప్రజలకు వర్షం కాస్త ఊరటనిచ్చింది. అనేక ప్రాంతాల్లో చెట్లు నేలకొరిగినట్లు సమాచారం.