ముస్లింల సమస్యల పరిష్కారానికి కృషి

కూటమి నేతల భరోసా

ముస్లిం సోదరులతో ఎంపీ అభ్యర్థి శ్రీభరత్‌

పెదవాల్తేరు, న్యూస్‌టుడే : ముస్లిం ఓటర్లు గత ఎన్నికల్లో తనను ఎంతో ప్రోత్సహించారని తెదేపా ఎంపీ అభ్యర్థి శ్రీభరత్‌ అన్నారు. సిరిపురం బాలల ప్రాంగణంలో సోమవారం సాయంత్రం ముస్లింల ఆత్మీయ సమావేశంలో ఆయన మాట్లాడారు. ఈసారి కూడా తనకు మద్దతు ఇవ్వాలని కోరారు. ఉత్తర నియోజకవర్గ భాజపా ఎమ్మెల్యే అభ్యర్థి విష్ణుకుమార్‌రాజు మాట్లాడుతూ ముస్లింల సమస్యల పరిష్కారానికి కృషిచేస్తామన్నారు. రాష్ట్ర తెదేపా సెక్రటరీ మహమ్మద్‌ నజీర్‌ మాట్లాడుతూ.. తెదేపా హయాంలో ముస్లింల అభివృద్ధికి కృషిచేశామన్నారు. కూటమి అభ్యర్థుల విజయానికి కృషిచేయాలన్నారు. ముస్లిం నాయకులు రహ్మతుల్లా, తెదేపా జిల్లా అధ్యక్షులు గండి బాబ్జీ, తదితరులు పాల్గొన్నారు.