ఏజెంట్ల వివరాలు సమర్పించాలి

సమావేశంలో మాట్లాడుతున్న కలెక్టర్‌ మల్లికార్జున

వన్‌టౌన్‌, న్యూస్‌టుడే: విశాఖ పార్లమెంట్‌ నియోజకవర్గ స్థానానికి పోటీ చేస్తున్న అభ్యర్థులు ఎన్నికల ఏజెంట్ల వివరాలను మంగళవారం సాయంత్రంలోగా కలెక్టర్‌ కార్యాలయంలో సమర్పించాలని కలెక్టర్‌, ఆర్‌ఓ మల్లికార్జున కోరారు. ఫాం-8 ద్వారా రెండు సెట్ల వివరాలను అందజేయాలన్నారు. సోమవారం ఆయన సాధారణ పరిశీలకులు అమిత్‌శర్మ, పోలీసు పరిశీలకులు అమిత్‌కుమార్‌తో కలిసి అభ్యర్థులతో సమావేశమయ్యారు. పోలింగ్‌ ఏజెంట్ల వివరాలను మే 8లోగా, మే 25లోగా కౌంటింగ్‌ ఏజెంట్ల వివరాలను సమర్పించాలన్నారు. పరిశీలకులు అమిత్‌శర్మ, అమిత్‌కుమార్‌ మాట్లాడుతూ అభ్యర్థులు ఎలాంటి హింసను ప్రోత్సహించవద్దన్నారు. ఏమైనా సమస్యలుంటే సాధారణ పరిశీలకులు 63003 10152, పోలీసు పరిశీలకులు 63003 15841 ఫోన్‌ నెంబర్లలో సంప్రదించాలని సూచించారు.