చిరంజీవిని కలిసిన గంటా

చిరంజీవితో గంటాశ్రీనివాసరావు

పీఎంపాలెం, న్యూస్‌టుడే: భీమిలి అసెంబ్లీ అభ్యర్థి, మాజీ మంత్రి గంటా శ్రీనివాసరావు శనివారం హైదరాబాద్‌లో సినీ నటులు, మెగాస్టార్‌ చిరంజీవిని ఆయన నివాసంలో మర్యాద పూర్వకంగా కలిశారు. చిరంజీవి పద్మవిభూషణ్‌ అవార్డు అందుకున్న నేపథ్యంలో అభినందనలు తెలియజేస్తూ శాలువాతో సత్కరించారు. ఈ సందర్భంగా ఇటీవల జరిగిన ఎన్నికలకు సంబంధించిన పోలింగ్‌ సరళి, తాజా రాజకీయ పరిస్థితుల గురించి చర్చించారు. రాష్ట్ర రాజకీయాలకు సంబంధించిన కీలక పరిణామాలు, జనసేనాని పవన్‌కల్యాణ్‌  ప్రభావం తదితరాలపై చిరంజీవి ఆరా తీశారు. భీమిలి నుంచి భారీ మెజార్టీతో గంటా గెలవాలని ఆయన ఆకాంక్షించారు. రాబోయే కాలంలో ఏపీ అభివృద్ధి పథంలో దూసుకెళ్లాలన్నారు.