Warangal : అనుమానస్పద స్థితిలో ఎనిమిది నెమళ్లు మృతి

పర్వతగిరి: వరంగల్‌ జిల్లా పర్వతగిరి మండలంలో శుక్రవారం ఎనిమిది నెమళ్లు మృతి చెందాయి. దేవిలాల్‌ తండా శివారులో అనుమానాస్పదంగా ఎనిమిది నెమళ్లు మృతి చెందాయని సమాచారం అందినట్లు వర్దన్నపేట అటవీ అధికారి సదానందం తెలిపారు. సిబ్బందితో కలిసి అక్కడికి వెళ్లి సంఘటనాస్థలాన్ని పరిశీలించినట్లు చెప్పారు. మృతి చెందిన నెమళ్లకు పంచనామా నిర్వహించి పోస్టుమార్టం నిమిత్తం వరంగల్‌కు తరలించినట్లు తెలిపారు. వీటి మృతికి వ్యవసాయ పొలాలకు వాడే పురుగు మందు లేదా ప్రస్తుతం వ్యాపించే బర్డ్‌ ఫ్ల్యూ వ్యాధి కావొచ్చని ఆయన అనుమానం వ్యక్తం చేశారు. అయితే, నెమళ్ల మృతికిపై పోస్టుమార్టం తర్వాతే స్పష్టత వస్తుందని ఆయన తెలిపారు. ఈ ఘటనపై స్థానిక ఎస్సై కిషోర్‌కు సమాచారం అందించినట్లు సదానందం పేర్కొన్నారు.